2024-07-03 06:28:49
ලෝක මළල ක්‍රීඩා ශ්‍රේණිගත කිරීම් වලට අනුව 2024 වසරේ පැවැත්වීමට නියමිත පැරිස් ඔලිම්පික් ක්‍රීඩා උළෙල සඳහා ශ්‍රී ලංකා යුද්ධ හමුදාවේ හෙල්ල විසිකිරීමේ ක්‍රීඩිකා දිල්හානි ලේකම්ගේ සුදුසුකම් ලබා ඇත. එම සුදුසුකම් ලැබීමේ කාලය 2024 ජූනි 30 දිනෙන් අවසන් වූ අතර, මෑත කාලීනව ඇයගේ තරඟ වාර්ථා පැරිස් ඔලිම්පික් ක්‍රීඩා උළෙල සඳහා සහභාගී වීමට ඉවහල් වී ඇත.
2024-07-02 16:51:40
102 වන ජාතික මලල ක්‍රීඩා ශූරතාවලිය 2024 ජුනි මස 27 වන දින නිමාවට පත් වූ අතර, එහි සමස්ථ ශූරතාවය හිමිකර ගැනීමට ශ්‍රී ලංකා යුද්ධ හමුදා ක්‍රීඩක ක්‍රීඩිකාවන්ට හැකි වූහ. 2024 ජූනි මස 25 දින සිට 27 දින දක්වා පැවති මෙම මලල ක්‍රීඩා තරඟාවලිය සඳහා ශ්‍රී ලංකා යුද්ධ හමුදාව නියෝජනය කරමින් ක්‍රීඩක ක්‍රීඩිකාවන් 250 කට අධික සංඛ්‍යාවක් සහභාගී වූහ.
2024-06-27 00:09:49
2 වන ආසියානු විසි කිරීමේ ශූරතාවලිය, 2024 ජුනි මස 14 සහ 15 යන දිනයන් හිදී කොරියාවේදී පැවති අතර, එ් සඳහා ශ්‍රී ලංකා යුද්ධ හමුදාව නියෝජනය කරමින් තරඟ වැදුණු මාණ්ඩලික සැරයන් නදීෂා ලේකම්ගේ සහ කෝප්‍රල් සුමේධ රණසිංහ සුවිශේෂී දස්කම් ප්‍රදර්ශනය කළේය.
2024-06-25 18:51:49
ආරක්ෂක සේනා මූලස්ථානය - යාපනය 28 වැනි සංවත්සරය නිමිත්තෙන් යාපනය සහ කිලිනොච්චි දිස්ත්‍රික් ලේකම්වරුන්ගේ සහයෝගය ඇතිව සංවිධානය කරනු ලැබූ ‘Palmyra Challenge Trophy’ ක්‍රිකට් තරඟාවලියේ පළමු අදියර යටතේ යාපනය ජීනියස් සහ කිලිනොච්චි ජීනියස් කණ්ඩායම් අතර ක්‍රිකට් තරඟය 2024 ජුනි 23 දින කිලිනොච්චි මධ්‍ය මහා විද්‍යාලයීය ක්‍රීඩාංගණයේදී පැවැත්වූහ.
2024-06-24 21:58:55
ශ්‍රී ලංකා කරාතේ-දෝ සම්මේලනය මගින් සංවිධානය කළ විවෘත කරාතේ ශූරතාවලිය - 2024, සුගතදාස ගෘහස්ත ක්‍රීඩාංගණයේදී 2024 ජූනි මස 16 දින පැවැත්විණ. ඒ සඳහා යුද්ධ හමුදා කරාතේ කමිටුවේ සභාපති මේජර් ජෙනරල් එස්.ඩබ්ලිව්.එම්. ප්‍රනාන්දු ඩබ්ලිව්ඩබ්ලිව්වී ආර්ඩබ්ලිව්පී ආර්එස්පී වීඑස්වී යූඑස්පී එන්ඩීසී පීඑස්සී ගේ මඟපෙන්වීම යටතේ යුද්ධ හමුදා ක්‍රීඩක ක්‍රීඩිකාවන් සහභාගී වූහ.
2024-06-19 14:00:28
’48 වන ජාතික මහා ක්‍රීඩා උළලෙහි ජාතික මට්ටමේ කරාතේ තරඟාවලිය - 2024’ ජුනි මස 6 සිට 9 දින දක්වා මාතර කොටවිල ක්‍රීඩා සංකීර්ණයේදී පැවැත්විණි. මෙම තරඟාවලිය සඳහා සහභාගී වූ යුද්ධ හමුදා ක්‍රීඩකයින් විශිෂ්ඨ දක්‍ෂතා දක්වමින් ඉසව් 07 ක් තුළින් රන් පදක්කම් 05 ක්, රිදී පදක්කම් 05 ක් සහ ලෝකඩ පදක්කම් 08 ක් දිනාගැනීමට සමත්වූහ. එමෙන්ම, යුද්ධ හමුදා කාන්තා කණ්ඩායමේ සාමාජිකාවන් ද ලෝකඩ පදක්කමක් දිනාගත්හ.
2024-06-07 13:17:43
ශ්‍රී ලංකා යුද්ධ හමුදා කාන්තා බලකායේ ‘අන්තර් බලඇණි දැල්පන්දු ශූරතාවලිය - 2024’ අවසන් මහා තරඟය බොරැල්ල ප්‍රදේශයේ පිහිටි එම රෙජිමේන්තු මධ්‍යස්ථානයේදී 2024 මැයි මස 30 දින සාර්ථකව පැවැත්විණි. මෙම අවස්ථාවට ප්‍රධාන ආරාධිත අමුත්තා ලෙස 56 පාබල සේනාංකයේ සේනාංකාධිපති සහ ශ්‍රී ලංකා යුද්ධ හමුදා කාන්තා බලකයේ බලකාධිපති මේජර් ජෙනරල් එස්. කස්තුරිමුදලි ආර්එස්පී එන්ඩීසී පීඑස්සී සමඟින් එම බලකා සේවා වනිතා ශාඛාවේ සභාපතිනී උදුලා කස්තුරිමුදලි මහත්මිය සහභාගී වූහ.
2024-06-04 18:21:08
ශ්‍රී ලංකා සෙපැක්ටැක්රෝ සම්මේලනය වෙතින් ක්‍රීඩා අමාත්‍යාංශ ගෘහස්ථ ක්‍රීඩාංගණයේදී 2024 මැයි මස 05 දින පැවැත්වූ ජාතික සෙපැක්ටැක්රෝ හූප් (Hoop) සහ සෝලෝ (Solo) තරඟාවලියේදී යුද්ධ හමුදා ක්‍රීඩක ක්‍රීඩිකාවන් විශිෂ්ඨ දක්‍ෂතා එළිදැක්වූහ.
2024-06-02 06:14:35
‘ජාතික බොක්සිං ශූරතාවලිය - 2024’ තරඟාවලිය කොළඹ රාජකීය විද්‍යාලයීය ගෘහස්ථ ක්‍රීඩාංගණයේදී 2024 මැයි මස 12 සිට 16 දින දක්වා පැවැත්විණි. ශ්‍රී ලංකා යුද්ධ හමුදා පිරිමි බොක්සිං කණ්ඩායම මෙම තරඟාවලියේදී සිය දක්‍ෂතා විදහා දක්වමින් රන් පදක්කම් 14 ක්, රිදී පදක්කම් 07 ක් සහ ලෝකඩ පදක්කම් 06 ක් දිනාගැනීමට සමත්වූහ.
2024-05-29 06:38:19
ශ්‍රී ලංකා කාලතුවක්කු හමුදාවේ මාණ්ඩලික සැරයන් එස්.ඒ. දර්ශන චීනයේ පැවති 2024 ‘2nd Belt & Road Athletic Invitation Meet’ තරඟාවලියේ මීටර් 400 ධාවන ඉසව්ව තත්පර 45.48 ක කාලසීමාවක් තුළ අවසන් කරමින් ප්‍රථම ස්ථානය දිනාගත්තේය.
