ටෙන්ඩර්

ඔබගේ ආයතන විසින් මිළ ගණන් ඉදිරිපත් කිරිමේ දී පහත දී ඇති උපදෙස් වලට අනුව කටයුතු කළ යුතුය.

  මිළ ගණන් ඉදිරිපත් කිරිමේ ඉල්ලුම් පතෙහි වැට්අංකය සඳහන් කළ යුතුය. වැට් ගෙවිම් නොකරනුයේ නම් වැට් බදු නොගෙවන බවට දේශිය ආදායම් බදු දෙපාර්තමේන්තුවෙන් සහතික කරන ලද ලිපියක පිටපතක් අදාල මුල්‍ය වර්ෂයට අදාලව ඉදිරිපත් කල යුතුය.

  ඔබ විසින් අදාල කාලය සඳහා බැංකු ඇපකරයක් පිළිගත් බැංකුවකින්/ ශ්‍රී ලංකාවේ රක්ෂණ සංස්ථාවේ ලියාපදිංචි වු රක්ෂණ සමාගමකින් ඉදිරිපත් කල යුතුය. බැංකු ඇපකර ලෙස චෙක්පත් පිළිනොගනී.

  තවද ඔබට අදාල නියමයන් සහ කොන්දේසිවලට එකඟ වන බව සහතික කරමින් නිල මුද්‍රාව සහිතව ටෙන්ඩර් පත්‍රිකාවල අත්සන් තැබිය යුතුය.

  මිළ ගණන් ඉදිරිපත් කිරිමේ දී එහි භාණ්ඩවල මිළ ගණන් සඳහන් කල ලැයිස්තුවේ හෝ ඔබගේ ලිපි ශිර්ෂයේ අදාල විස්තර මිළ ගණන් සඳහන් කළ යුතුවන්නේ ඒ සඳහා ලබාදී ඇති හිස් අවකාශය තුලය.

  මිළ ගණන් / භාණ්ඩ ලැයිස්තුවට අදාල විස්තර, ටෙන්ඩර් දැන්වීමේ / ටෙන්ඩර් පතෙහි පොදු කොන්දේසි හෝ වෙනත් කිසිදු ලියකියවිල්ලක සඳහන් නොකල යුතුය. ( උදාහරණ - මිළ ගණන්, වට්ටම්, බෙදාහැරීමේ කාලය, වගකීම් කාලය )

  මිළ ගණන් කැඳවිම්පත් සමඟ ඉදිරිපත් කරන පිරිවිතර ආකෘතිපත් ඔබ විසින් නිවැරදිව පිරවිය යුතු අතර එහි නිල මුද්‍රාව තබා අත්සන් කල යුතුය.

ටෙන්ඩර් විවෘත කිරීම් සඳහා වෙන්කර කමිටුව සඳහා ලබාදී ඇති උපදෙස්.

  ලංසු කැඳවිමට පෙර මිළ ගණන්වල සාම්පල ටෙන්ඩර් විවෘත කිරිමේ කමිටුව වෙත භාරදිය යුතුය.

  සෑම සාම්පලයකම සැපයුම්කරුගේ / ආයතනයේ නම සඳහන් විය යුතු අතර ඒවා එකකට වැඩිනම් ටෙන්ඩර් අංකය හා පිරිනැමීමේ අංකය සඳහන් කල යුතුය.

  සාම්පල පතේහි සඳහන් කරන කරුණු පැහැදිලි විය යුතු අතර, ඉවත් කිරිමට හෝ මකා දැමීමට නොහැක.

  ලංසු ගිවිසුමක් ඉදිරිපත් කරන විට හා මිළ ගණන් ඉදිරිපත් කිරිමේදි ගෙවිමට සිදුවන ගාස්තු ගෙවිම අත්‍යවශ්‍ය වේ.

ඉහත සඳහන් උපදෙස් නොසලකා හරිමින් ඉදිරිපත් කරනු ලබන මිළ ගණන්පත් ප්‍රතික්ෂේප වේ .