ශ්‍රී ලංකා යුද්ධ හමුදාවේ ප්‍රෞඩත්වය විදහාපාමින් නිර්මාණය කරන ලද ලාංඡනය හා ධජයෙහි අන්තර්ගත තද නිල් පැහැයෙන් ගෞරවය, ධනාත්මක පරමාදර්ශය සහ පක්‍ෂපාතිත්වය සංකේතවත් කරන අතර තද තැඹිලි කහ පැහැය ධර්මිෂ්ඨකම, ස්වයං සංයමය, සමෘද්ධිය, පෞරාණික උරුමය සහ විනය සංකේතවත් කරයි. ශ්‍රි ලංකා යුද්ධ හමුදාව යන පද මාලාව සිංහල අකුරින් නෙලන ලද ලියවැලක් මත පිහිටුවා ඇති කෙලවරෙහි සිංහ ශීර්ෂයකින් අලංකෘත වූ ද සෙරපෙන්දිය නොහොත් පුරාතන මිත්‍යා කතාවන්හි එන සත්ත්ව විශේෂයක් හස්තාරක්‍ෂකය කෙළවරයෙහි ද රහස් ආරක්ෂක මණ්ඩලයෙහි සිංහයින්ගෙන් ද සමන්විත වූ දියමන්ති හා රතුකැට ඔබ්බවන ලද රන් මිටින් යුතු තුඩු මස්තකයට නෙරා එකිනෙකට හරස්වන සේ පිහිටුවා ඇති කස්තාන නොහොත් අලංකෘත අසිපත් දෙකක් මත ධර්ම චක්‍රය මුදුන්මල්කඩක් සේ තබා පලාපෙති වටයකින් මැදි වූ ශ්‍රී ලංකාවේ අභිමානවත් සිංහ රාජයා ද, සෞභාග්‍යය, විනය, ධර්මිෂ්ඨත්වය, නිත්‍යත්වය හා ස්වයංපෝෂිතභාවය පිළිබිඹු කෙරෙන වී කරලින් හා දකුණු පසින් ප්‍රභාව විහිදෙන සූර්යයාගෙන් සහ වම්පසින් චන්ද්‍රයාගෙන් ද සමන්විතව ශ්‍රී ලංකා යුද්ධ හමුදා ධජය නිර්මාණය කර ඇත.
යුද්ධ හමුදා ධජයෙන් ශ්‍රී ලංකා ජනරජයේ සන්නාහ සන්නද්ධ භාවය නිරූපනය කරයි, එහි පුන්කලස, ශ්‍රී ලංකා වංශය පිළිබිඹු කරන සිංහයා, පලාපෙති හා නෙළුම් පෙති වලින් මායිම්වන සේ අන්තර් ගත වී ඇත.
පළල- අඩි 4 (සෙමි 120 )
දිග- අඩි 6 (සෙමි 180 )
නිල් වර්ණ තීරුව (ඔක්ෆෝඩ් නිල්) - පළල අඩි 1.4 (සෙමි 40)
තැඹිළි වර්ණ තීරුව (සැෆ්‍රෝන්) - Width1.4 Feet (සෙමි 40)
ළාංජනයේ පළල- අඩි 1.2 (සෙමි 36 )
ළාංජනයේ දිග - අඩි 1.4 (සෙමි 43 )
