சிவில் பணிகள்

54 வது காலாட் படைப்பிரிவின் படையினர் 2025 மார்ச் 30, அன்று மன்னார் மறைமாவட்ட மையத்தில் குறைந்த வருமானம் பெறும் குடும்பங்களுக்கு உலர் உணவுப் பொதிகளையும் கர்ப்பிணித் தாய்மார்களுக்கு மகப்பேறு உதவிகளையும் வழங்கும் நன்கொடைத் திட்டத்தை முன்னெடுத்தனர். இந்த முயற்சிக்கு சரண பௌத்த அறக்கட்டளையின் ஒருங்கிணைக்கப்பில் திரு. திருமதி. சியா வோங் சி மற்றும் வெளிநாட்டு நலம் விரும்பிகள் நிதியுதவி வழங்கினர்.

ஹேமாஸ் (தனியார்) நிறுவனத்தின் அனுசரணையுடன் 231 வது காலாட் பிரிகேட் மற்றும் 12 கெமுனு ஹேவா படையணி படையினர், திம்புலாகல தலுகான பகுதியில் உள்ள 80 குறைந்த வருமானம் கொண்ட குடும்பங்களுக்கு உலர் உணவுப் பொதிகளை 2025 மார்ச் 28 ஆம் திகதி மகாவலி பிரதிபா மண்டபத்தில் வழங்கினர்.

8 வது கள பொறியியல் படையணி படையினர் பூனாவ, குடாஹல்மில்லாவில் 8 வது பொறியியல் படையணியின் சிவில் ஊழியருக்காக ஒரு புதிய வீட்டைக் நிர்மணித்தனர்.

சீரற்ற காலநிலை காரணமாக சியம்பலாண்டுவ கரதந்தர குளக்கட்டு இடிந்து விழுந்ததை தொடர்ந்து மொனராகலை அனர்த்த முகாமைத்துவ நிலையத்தின் வேண்டுகோளிற்கமைய 18 வது கெமுனு ஹேவா படையணி படையினர் உடனடியாக செயற்பட்டு, 2025 மார்ச் 18 மற்றும் 19 ம் திகதிகளில் குளக்கட்டை சீரமைக்கும் பணிகளில் ஈடுபட்டனர்.

221 வது காலாட் பிரிகேட் கட்டளையின் கீழ் இயங்கும் 2 வது (தொ) கஜபா படையணியின் படையினர் 2025 மார்ச் 20 அன்று திருகோணமலை மருத்துவமனை கடற்கரையை சுத்தம் செய்யும் திட்டத்தை மேற்கொண்டனர்.

நாகொட ரோயல் கல்லூரியின் வருடாந்த விளையாட்டுப் போட்டி 2025 மார்ச் 12, அன்று பாடசாலை மைதானத்தில் நடைபெற்றது. பாடசாலை அதிபரின் அழைப்பை ஏற்று 61 வது காலாட் படைப்பிரிவின் தளபதி மேஜர் ஜெனரல் கேடிபீ டி சில்வா ஆர்எஸ்பீ என்டியூ பீஎஸ்சீ அவர்கள் இந் நிகழ்வில் பிரதம அதிதியாக கலந்து கொண்டார்.

521 வது காலாட் பிரிகேடினரால் 2025 மார்ச் 15 ம் திகதியன்று படையணி வளாகத்தில் இரத்த தான நிகழ்ச்சி ஏற்பாடு செய்யப்பட்டது.

தூய இலங்கை திட்டத்திற்கமைய 543 வது காலாட் பிரிகேட்டினரால், 543 காலாட் பிரிகேட் தளபதி கேணல் எச்.எஸ்.டபிள்யூ.கே கல்ஹேனகே ஆர்டபிள்யூபீ ஆர்எஸ்பீ யூஎஸ்பீ பீஎஸ்சீ அவர்களின் வழிகாட்டுதலின் கீழ், 2025 மார்ச் 14 ம் திகதியன்று கொழும்பு சாந்தி சமூக அனிமேஷன் இயக்கத்துடன் இணைந்து, தலைமன்னாரில் உள்ள அரசினர் தமிழ் கலவன் பாடசாலையின் 100 மாணவர்களுக்கு போதைப்பொருள் விழிப்புணர்வு நிகழ்ச்சியை முன்னெடுத்ததுடன், பாடசாலை உபகரணங்களையும் விநியோகித்தனர்.

221 வது காலாட் பிரிகேட் தளபதியின் வழிகாட்டுதலின் கீழ், பிரிகேட்டின் 15 வது ஆண்டு நிறைவை முன்னிட்டு, 2025 மார்ச் 12 ம் திகதியன்று பிரிகேட் தலைமையகத்தில் இரத்த தான நிகழ்வை ஏற்பாடு செய்திருந்தது. இந்த உன்னத நோக்கத்திற்காக, அந்தப் பிரதேசத்தச் சேர்ந்த இராணுவம் மற்றும் பொலிஸார் உட்பட மொத்தம் 61 நன்கொடையாளர்கள் தானாக முன்வந்து இரத்த தானம் வழங்கினர்.

தூய இலங்கை திட்டத்தின் ஒரு பகுதியாக 542 வது காலாட் பிரிகேட் 2025 மார்ச் 08 ஆம் திகதி மன்னார் நகர சபை மண்டபத்தில் கலாசார நடனப் போட்டியை ஏற்பாடு செய்திருந்தது. "தமிழ் கலாசார நடனத்தின் மதிப்புகள்" என்ற கருப்பொருளில் இந்த நிகழ்வு, இன மற்றும் சமூக நல்லிணக்கத்தை வளர்ப்பது, பாடசாலை பிள்ளைகளின் திறன்களை மேம்படுத்துவது மற்றும் இராணுவத்திற்கும் மன்னார் சமூகத்திற்கும் இடையிலான நம்பிக்கையை வலுப்படுத்துவதை நோக்கமாகக் கொண்டிருந்தது.