යුද්ධ හමුදා විශේෂාංග

යුද්ධ හමුදා මූලස්ථානයේ නව යුද සේවා ලේකම් ලෙස ගැමුණු හේවා බලකායේ මේජර් ජෙනරල් යු.එල්.ජේ.එස්. පෙරේරා ආර්එස්පී යූඑස්පී පීඑස්සී 2025 ජනවාරි මස 01 දින යුද්ධ හමුදා මූලස්ථානයේ පැවති කෙටි උත්සවයකදී රාජකාරි ආරම්භ කරන ලදී.

යුද්ධ හමුදා මූලස්ථානයේ නව අධ්‍යක්‍ෂ ජෙනරාල් ප්‍රධාන මාණ්ඩලික ලෙස මේජර් ජෙනරල් යූ.කේ.ඩී.ඩී.පී. උඩුගම ආර්ඩබ්ලිව්පී ආර්එස්පී යූඑස්පී එන්ඩීසී පීඑස්සී 2024 දෙසැම්බර් මස 31 දින අධ්‍යක්‍ෂ ජෙනරාල් ප්‍රධාන මාණ්ඩලික ශාඛාවේ පැවති උත්සවයකදී ධූරයේ රාජකාරි කටයුතු භාරගන්නා ලදී.

7 බලඇණිය ශ්‍රී ලංකා සංඥා බලකායේ සහ 5 බලඇණිය ශ්‍රී ලංකා සංඥා බලකායේ භටපිරිස් 2024 දෙසැම්බර් මස 28 දින කුලියාපිටිය, කිරින්දාව ප්‍රදේශයේ වෙසෙන නිවාස අවශ්‍යතා සහිත යුද්ධ හමුදා ජ්‍යෙෂ්ඨ කොමිෂන් නොලත් නිලධාරියෙකු වෙනුවෙන් නව නිවසක් ඉදිකරදෙනු ලැබීය.

56 පාබල සේනාංකයේ සේනාංකාධිපති මේජර් ජෙනරල් කේ.එන්.ඩී කරුණාපාල ආර්එස්පී එන්ඩීසී ගේ මඟපෙන්වීම මත එම සේනාංකය වෙතින් සංවිධානය කරනු ලැබූ 2024 වන්නි නත්තල් කැරොල් ගී ප්‍රසංගය 2024 දෙසැම්බර් මස 29 දින වවුනියාව ‘සංස්කෘතික ශාලාවේදී’ පැවැත්විණි.

බුත්තල, යුද්ධ හමුදා යුද විද්‍යාලයේ 3 වන සංවත්සරය 2024 දෙසැම්බර් මස 17 දින අභිමානවත් අයුරින් සැමරීය.

51 පාබල සේනාංකයේ සේනාංකාධිපති මේජර් ජෙනරල් එම්.පී.එන්.ඒ. මුතුමාල යූඑස්පී පීඑස්සී 2024 දෙසැම්බර් මස 30 දින 511 පාබල බලසේනාවේ සහ 9 බලඇණිය ශ්‍රී ලංකා පාබල හමුදාවේ නිල සංචාරයක නිරත විය.

යාන්ත්‍රික පාබල රෙජිමේන්තුවේ අන්තර් බලඇණි ක්‍රීඩා හා වෙඩිතැබීමේ ශූරතාවලිය 2024 දෙසැම්බර් මස 29 දින යාන්ත්‍රික පාබල රෙජිමේන්තු මධ්‍යස්ථානයේදී පැවැත්විණි.

541 පාබල බලසේනාවේ බලසේනාධිපති බ්‍රිගේඩියර් අයි.පී. ජයසිංහ ආර්ඩබ්ලිව්පී ගේ මඟපෙන්වීම මත එම බලසේනාව යටතේ සේවයේ නියුතු භටපිරිස් 2024 දෙසැම්බර් මස 30 දින කල්ලියඩි රජයේ දමිළ මිශ්‍ර පාසල් පරිශ්‍රයේදී ඩෙංගු මර්ධන වැඩසටහනක් ක්‍රියාත්මක කරනු ලැබීය.

ඉංජිනේරු සේවා බලකායේ කර්නල් සේනාවිධායක මේජර් ජෙනරල් කේ.ඒ.එන්. රසික කුමාර එන්ඩීසී පීඑස්සී ගේ උපදෙස් මත එම බලකාය විසින් 2024 දෙසැම්බර් මස 26 දින මත්ද්‍රව්‍ය නිවාරණය පිළිබඳ දේශනයක් පැවැත්වීය. මෙම වැඩසටහනේ අරමුණ වූයේ හමුදා සාමාජිකයන් අතර මත්ද්‍රව්‍ය නිවාරණය පිළිබඳ දැනුවත්භාවය ඇති කිරීමයි.

ශ්‍රී ලංකා හරිත ගොඩනැගිලි මණ්ඩලය විසින් සංවිධානය කරන ලද 13 වන වාර්ෂික හරිත ගොඩනැගිලි සම්මාන උළෙල 2024 දෙසැම්බර් මස 19 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්විණි.