යුද්ධ හමුදා විශේෂාංග

යුද්ධ හමුදාවේ නව විධායක ජෙනරාල් ලෙස ශ්‍රී ලංකා පාබල හමුදාවේ මේජර් ජෙනරල් කේ.ටී.පී ද සිල්වා RSP ndu psc 2025 ජුනි මස 30 දින යුද්ධ හමුදා මූලස්ථානයේ පැවති කෙටි උත්සවයකදී ධූරයේ රාජකාරි භාරගනු ලැබීය.

අභාවප්‍රාප්ත මේජර් ජෙනරල් ටී.ඒ පීරිස් (විශ්‍රාමික) ptsc ගේ දේහය පිළිබඳ අවසන් කටයුතු පූර්ණ හමුදා ගෞරවාචාර මධ්‍යයේ 2025 ජුනි මස 30 දින සන්ධ්‍යාවේ බොරැල්ල, පොදු සුසාන භූමියේ පිහිටි නව ආදාහනාගාර පරිශ්‍රයේදී සිදුකෙරිණි. ජ්‍යෙෂ්ඨ නිලධාරිගේ දේහය වෙත අවසන් ගෞරව දැක්වීම සඳහා හමුදා සාමාජිකයන්, සම්භාවනීය අමුත්තන් සහ ශෝකයට පත් ඥාතීන් ඇතුළු විශාල පිරිසක් සහභාගි වූහ.

බ්‍රිගේඩියර් ඒ.පී.ඩී එදිරිසූරිය (විශ්‍රාමික) KSV අසනීප තත්ත්වයක් හේතුවෙන් 2025 ජුනි මස 28 දින සිය නිවසේදී අභාවප්‍රාප්ත විය. අභාවප්‍රාප්ත වනවිට එම ජ්‍යෙෂ්ඨ නිලධාරි 86 වන වියේ පසුවිය.

ධූරයෙන් නික්ම යන 54 පාබල සේනාංකයේ සේනාංකාධිපති මේජර් ජෙනරල් ඒ.එම්.සී.පී විජයරත්න RWP RSP nps psc වෙත හමුදා සම්ප්‍රදායානුකූල ගෞරවාචාරය දැක්වීමේ උත්සවයක් 54 පාබල සේනාංක මූලස්ථාන පරිශ්‍රයේදී 2025 ජුනි මස 27 දින පවත්වන ලදී.

ධූරයෙන් නික්ම යන 58 පාබල සේනාංකයේ සේනාංකාධිපති මේජර් ජෙනරල් පී.කේ.ඩබ්ලිව්.ඩබ්ලිව්.එම්.ජේ.එස්.බී.ඩබ්ලිව් පල්ලෙකුඹුර RWP RSP ndu psc වෙත 58 පාබල සේනාංකයේ භටපිරිස් විසින් හමුදා සම්ප්‍රදායානුකූල ගෞරවාචාරය දැක්වීමේ උත්සවයක් එම සේනාංක මූලස්ථාන පරිශ්‍රයේදී 2025 ජුනි මස 21 වන පවත්වන ලදී.

හදිසි අවස්ථාවකට කඩිනමින් ප්‍රතිචාර දක්වමින්, 2 (ස්වේච්ඡා) බලඇණියේ ශ්‍රී ලංකා සිංහ රෙජිමේන්තුවේ භටපිරිස් විසින් 2025 ජුනි මස 29 දින අලුයම හන්තාන කඳුවැටියේ අතරමං වූ පුද්ගලයන් බේරා ගැනීමේ මෙහෙයුමේ කටයුතු සාර්ථකව ආරම්භ කළහ.

මේජර් ජෙනරල් ටී.ඒ පීරිස් (විශ්‍රාමික) ptsc, අසනීප තත්ත්වයක් හේතුවෙන් ශ්‍රී ජයවර්ධනපුර, මහ රෝහල තුළ ප්‍රථිකාර ලබමින් සිටියදී 2025 ජුනි මස 27 දින අභාවප්‍රාප්ත විය. අභාවප්‍රාප්ත වනවිට ජ්‍යෙෂ්ඨ නිලධාරි 55 වන වියේ පසුවිය.

ගජබා රෙජිමේන්තුවේ 15 වන රෙජිමේන්තු අධිපති ලෙස මේජර් ජෙනරල් යූ.කේ.ඩී.ඩී.පී උඩුගම RWP RSP USP ndc psc එම රෙජිමේන්තු මධ්‍යස්ථානයේ දී 2025 ජුනි මස 26 දින ධූරයේ රාජකාරි කටයුතු භාරගත්තේය.

රෙජිමේන්තු මධ්‍යස්ථානයට පැමිණි නව රෙජිමේන්තු අධිපති වෙත භටපිරිස් විසින් හමුදා සම්ප්‍රදායානුකූල කඳවුරු මුරයේ ගෞරවාචාරය පිරිනමන ලදී. පසුව ගජබා රෙජිමේන්තුවේ නිර්මාතෘ අනුස්මරණය කරමින් එම පිළිරුවට පුෂ්පෝපහාර දැක්වීය.

කමාන්ඩෝ රෙජිමේන්තුවේ මේජර් ජෙනරාල් ටී. .සී.එම්.ජී.එස්.ටී කුරේ RWP RSP USP ndc psc 11 පාබල සේනාංකයේ නව සේනාංකාධිපති ලෙස 2025 ජුනි මස 24 දින පල්ලේකැලේ පිහිටි එම පාබල සේනාංක මූලස්ථානයේදී ආගමික ආශිර්වාද සහ හමුදා සම්ප්‍රදායානුකූලව ධූරයේ රාජකාරි කටයුතු භාරගත්තේය.

ධූරයෙන් නික්ම යන 11 පාබල සේනාංකයේ සේනාංකාධිපති මේජර් ජෙනරල් කේ.ඒ.යූ කොඩිතුවක්කු RSP USP psc IG වෙත 2025 ජුනි මස 21 දින එම සේනාංක මූලස්ථානයේදී භටපිරිස් විසින් හමුදා සම්ප්‍රදායානුකූල උත්සවයක් සංවිධානය කරන ලදී.