11 (ස්වේච්ඡා) බලඇණිය ශ්‍රී ලංකා සිංහ රෙජිමේන්තුවේ භටපිරිස් විසින් 2025 ජුනි මස 19 දින මඩකලපුවේදී රුධිර පරිත්‍යාග කිරීමේ සමාජ සත්කාරක වැඩසටහනක් සංවිධානය කරන ලදී.
සිවිල් ක්‍රියාකාරකමි
මව්බිම වෙනුවෙන් දිවිපිදූ රණවිරුවන් අනුස්මරණය කිරීම සඳහා, 1 ශ්‍රී ලංකා රයිෆල් බලකායේ භටපිරිස් විසින් 2025 ජුනි මස 10 දින පල්ලෙකැලේ ප්‍රදේශයේ සිවිල් වැසියන් සඳහා සහල් පරිත්‍යාග කිරීමේ වැඩසටහනක් එම බලකා පරිශ්‍රයේදී පවත්වන ලදී.
7 බලඇණිය ශ්‍රී ලංකා සිංහ රෙජිමේන්තුවේ භටපිරිස් විසින් 2025 ජුනි මස 16 දින අරුමුත්තුපුඩුකුලම් ග්‍රාම නිලධාරී කාර්යාලයේදී අරුමුත්තුපුඩුකුලම් ගම්මානයේ අඩු ආදායම් ලාභී පවුල් සඳහා වියළි ආහාර සලාක පාර්සල් 20 ක් බෙදා දීමේ වැඩසටහනක් පවත්වන ලදී. එම ඒකකයේ අණදෙන නිලධාරි ලුතිනන් කර්නල් එම්.කේ.ඩී.පී.පී.කේ කන්කානි RWP RSP USP psc ගේ මඟ පෙන්වීම යටතේ මෙම සමාජ සත්කාරක වැඩසටහන සංවිධානය කර තිබිණි.
මව්බිම වෙනුවෙන් දිවිපිදූ රණවිරුවන් සිහිපත් කිරීමේ අරමුණින් 10 බලඇණිය ශ්‍රී ලංකා පාබල හමුදාවේ භටපිරිස් විසින් කිලිනොච්චි දිස්ත්‍රික් මහ රෝහලේ රුධිර බැංකුව සමඟ එක්ව පාලිනගර් කඳවුරු පරිශ්‍රයේදී රුධිර පරිත්‍යාග කිරීමේ වැඩසටහනක් 2025 ජුනි මස 16 දින පවත්වන ලදී. 561 පාබල බලසේනාවේ බලසේනාධිපති කර්නල් එම්.එස්.පී බණ්ඩාර USP psc ගේ මඟපෙන්වීම යටතේ, එම ඒකකයේ අණදෙන නිලධාරි ලුතිනන් කර්නල් ඩී.එන්.ටී ද සොයිසා WWV RWP RSP ගේ අධීක්‍ෂණය යටතේ මෙම සමාජ සත්කාරක වැඩසටහන පැවැත්විණි.
මවුබිම වෙනුවෙන් දිවිපිදූ රණවිරුවන් අනුස්මරණය කරමින් 5 බලඇණිය ශ්‍රී ලංකා ජාතික ආරක්‍ෂක බලමුළුවේ අණදෙන නිලධාරිගේ නායකත්වයෙන් එම ඒකකයේ භටපිරිස් විසින් තන්තිරිමලේ විහාරස්ථාන පරිශ්‍රයේදී 2025 ජුනි මස 17 දින අනුරාධපුර රුධිර බැංකුව සමඟ සහයෝගයෙන් යුතුව ලේ දන්දීමේ වැඩසටහනක් ක්‍රියාත්මක කරන ලදී.
141 පාබල බලසේනාව සහ ඒ යටතේ ස්ථාපිත ඒකකයන් එක්ව මව්බිම වෙනුවෙන් දිවිපිදූ රණවිරුවන් සිහිපත් කිරීමේ අරමුණින් 2025 ජුනි මස 17 දින රාගම ශික්ෂණ රෝහලේ රුධිර බැංකුව සමඟ එක්ව එම බලසේනා පරිශ්‍රයේදී රුධිර පරිත්‍යාග වැඩසටහනක් පවත්වන ලදී.
‘ක්ලීන් ශ්‍රී ලංකා’ වැඩසටහනට සමගාමීව, 5 බලඇණිය ශ්‍රී ලංකා සිංහ රෙජිමේන්තුව සහ 14 (ස්වේච්ඡා) බලඇණිය ගැමුණු හේවා බලකායේ භටපිරිස් විසින් මුලතිව්, සම්මුගරත්නම් දමිළ පාසල සහ ඕලුමඩු දමිළ පාසල ප්‍රතිසංස්කරණය කිරීමේ වැඩසටහන් ක්‍රියාත්මක කරන ලදී. එමෙන්ම, 59 පාබල සේනාංකයේ සේනාංකාධිපති මේජර් ජෙනරල් ඩී.ආර්.එන් හෙට්ටිආරච්චි RWP RSP USP ගේ මඟපෙන්වීම මත එම විද්‍යාලයන්හි සිසු සිසුවියන්ගේ ප්‍රයෝජනය වෙනුවෙන් ජල පිරිපහදු යන්ත්‍ර ස්ථාපිත කර 2025 ජුනි මස 16 දින පාසල් බලධාරින් වෙත පවරාදෙනු ලැබීය.
ඉන්දියානු මුහුදු සීමාව තුළදී MSC ELSA 3 නෞකාව අනතුරකට ලක්වීමෙන් අනතුරුව සමුද්‍රීය පරිසර ආරක්‍ෂණ අධිකාරිය වෙතින් සිදුකළ ඉල්ලීමකට ප්‍රතිචාර දක්වමින් 4 බලඇණිය විජයබාහු පාබල රෙජිමේන්තුවේ භටපිරිස් විසින් බලපෑමට ලක් වූ ප්‍රදේශවල වෙරළබඩ තීරයන් සමීක්‍ෂණය කරමින් එම මන්නාරම ප්‍රදේශයේ වෙරළ තීරයන් පිරිසිදු කිරීමේ ප්‍රජා සත්කාරක වැඩසටහනක් ක්‍රියාත්මක කරන ලදී.
‘ක්ලීන් ශ්‍රී ලංකා’ ජාතික වැඩසටහන සඳහා දායකත්වය ලබාදෙමින් 5 (ස්වේච්ඡා) යාන්ත්‍රික පාබල රෙජිමේන්තුවේ භටපිරිස් විසින් 2025 ජුනි මස 15 දින සිප්පියාරු, ශාන්ත ආනා දේවස්ථාන පරිශ්‍රය පිරිසිදු කිරීමේ වැඩසටහනක් ක්‍රියාත්මක කරන ලදී.
ශ්‍රී ජයවර්ධනපුර විශ්වවිද්‍යාලය වෙතින් ආපදා කළමනාකරණ මධ්‍යස්ථානය වෙත සිදුකරන ලද ඉල්ලීමකට ප්‍රතිචාර දක්වමින් යුද්ධ හමුදාධිපතිතුමන්ගේ මඟපෙන්වීම මත රසායනික අවි සම්මුතිය ක්‍රියාත්මක කිරීමේ ජාතික අධිකාරියේ තාක්‍ෂණික සහයෝගය ඇතිව, එම විශ්වවිද්‍යාලයේ ක්ෂුද්‍රජීව විද්‍යාත්මක රසායනාගාරයේ 2025 ජුනි මස 16 දින ඇති වූ රසායනික කාන්දුවක් විසඳීම සඳහා 14 රසායනික ජීව විද්‍යාත්මක විකිරණශීලී සහ න්‍යෂ්ඨික ප්‍රතිචාර රෙජිමේන්තුවේ විශේෂිත ප්‍රතිචාර කණ්ඩායමක් සහ කොළඹ ගිනි නිවන හමුදාව ඒකාබද්ධව කටයුතු කරනු ලැබීය.