212 පාබල බලසේනා බලප්‍රදේශයේ ස්ථාපිත 7 (ස්වේච්ඡා) ශ්‍රී ලංකා සන්නාහ සන්නද්ධ බලකායේ භටපිරිස් විසින් 2025 පෙබරවාරි මස 15 දින අවුකන පුරාණ විහාරස්ථාන පරිශ්‍රය පිරිසිදු කිරීමේ කටයුතු සිදුකරන ලදී.
සිවිල් ක්‍රියාකාරකමි
54 පාබල සේනාංකයේ රාජකාරි කරනු ලබන 2 (ස්වේච්ඡා) ශ්‍රී ලංකා යුද්ධ හමුදා කාන්තා බලකායේ කෝප්‍රල් කේ.පී.එම්.එන් ගුණසේකර, රුපියල් 102,220.00 ක් සහ වැදගත් ලියකියවිලි අඩංගු මුදල් පසුම්බියක් වැටී තිබියදී හමුවීමෙන් පසු එහි අයිතිකරු වෙත ලබා දීමේ ආදර්ශමත් ක්‍රියාවක් සිදුකරනු ලැබීය.
77 වන නිදහස් දින සැමරුම වෙනුවෙන් 51 පාබල සේනාංකයේ සේනාංකාධිපති මේජර් ජෙනරල් එම්.පී.එන්.ඒ මුතුමාල යූඑස්පී පීඑස්සී ගේ මඟපෙන්වීම මත එම සේනාංකයේ භටපිරිස් විසින් 2025 පෙබරවාරි මස 04 දින ශාන්ත තෙරේසා වැඩිහිටි නිවාස පරිශ්‍රය පිරිසිදු කිරීමේ වැඩසටහනක් ක්‍රියාත්මක කරන ලදී.
යුද්ධ හමුදාධිපතිතුමන්ගේ මඟපෙන්වීම මත 12 පාබල සේනාංකයේ මූලිකත්වයෙන් 2025 පෙබරවාරි මස 09 දින ‘ක්ලීන් ශ්‍රී ලංකා’ වැඩසටහනේ තවත් අදියරක් ලෙස හම්බන්තොට රාජ්‍ය නිලධාරින් සමඟ සමීප සම්බන්ධීකරණයෙන් යුතුව හම්බන්තොට සිට තංගල්ල දක්වා වෙරළ තීරය පිරිසිදු කිරීමේ වැඩසටහනක් ක්‍රියාත්මක කරනු ලැබීය.
යුද්ධ හමුදාධිපතිතුමාගේ මඟපෙන්වීම යටතේ ‘ක්ලීන් ශ්‍රී ලංකා’ වැඩසටහනට සමගාමීව, පූනානි බලඇණි පුහුණු පාසල සහ 7 සැහැල්ලු රෙජිමේන්තු ශ්‍රී ලංකා කාලතුවක්කු හමුදාව විසින් නිදහස් දිනය සැමරීම සඳහා පිරිසිදු කිරීමේ වැඩසටහනක් 2025 පෙබරවාරි මස 04 දින පවත්වන ලදී.
77 වන ජාතික නිදහස් දිනයට සමඟාමීව 212 පාබල බලසේනාවේ බලසේනාධිපති බ්‍රිගේඩියර් බී.ඒ.එම්.පී බාලසූරිය ආර්එස්පී ගේ මඟපෙන්වීම යටතේ කැකිරාව කිරිමැටියාව ගාමිණී විද්‍යාලයේදී පාසල් සිසුන් අතර පාසල් උපකරණ (පාසල් බෑග්, සපත්තු, පොත් සහ වතුර බෝතල්) බෙදා දීමේ වැඩසටහනක් 2025 පෙබරවාරි මස 04 දින පැවැත්විණි.
ආරක්‍ෂක සේනා ආඥාපති - නැගෙනහිර ගේ මඟපෙන්වීම සහ 241 සහ 243 පාබල බලසේනාවන් හි බලසේනාධිපතිවරුන්ගේ අධීක්‍ෂණය යටතේ, යුද්ධ හමුදා භටපිරිස් විසින් 2025 පෙබරවාරි මස 04 දින අක්කරෙයිපත්තු සහ අරුගම්පුලි හි ළමා නිවාසයන් සඳහා දිවා ආහාරය සහ ත්‍යාග පාර්සල් පරිත්‍යාග කිරීමේ වැඩසටහනක් පවත්වන ලදී.
77 නිදහස් දිනය සැමරීම වෙනුවෙන් ආරක්‍ෂක සේනා ආඥාපති - නැගෙනහිර සහ 7 බලඇණිය ගැමුණු හේවා බලකායේ අණදෙන නිලධාරි ගේ මඟපෙන්වීම යටතේ, එම බලඇණියේ භටපිරිස් විසින් 2025 පෙබරවාරි මස 04 දින කතිරවේලි ප්‍රදේශයේ තිලකාවතී ළමා නිවාසයේ ළමුන් සඳහා දිවා භෝජන සංග්‍රහයක් පවත්වන ලදී.
ආරක්‍ෂක සේනා ආඥාපති - නැගෙනහිර ගේ මඟපෙන්වීම සහ 24 පාබල සේනාංකයේ සේනාංකාධිපති ගේ උපදෙස් මත 242 පාබල බලසේනාවේ සහ 8 ශ්‍රී ලංකා ජාතික ආරක්‍ෂක බලමුළුවේ භටපිරිස් විසින් 2025 පෙබරවාරි මස 4 දින තිරුක්කෝවිල් ප්‍රදේශයේ පිහිටි මෙතෝදිස්ත ළමා නිවාසයේ නේවාසික ළමුන් වෙනුවෙන් දිවා භෝජන සංග්‍රහයක් සහ පාසල් උපකරණ පරිත්‍යාග වැඩසටහනක් ක්‍රියාත්මක කරන ලදී.
55 පාබල සේනාංකයේ සේනාංකාධිපති මේජර් ජෙනරල් බී.ජී.එස් ප්‍රනාන්දු යූඑස්පී එච්ඩීඑම්සී පීඑස්සී ගේ මඟපෙන්වීම යටතේ 55 පාබල සේනාංකයේ භටපිරිස් විසින් කිලිනොච්චි ප්‍රදේශයේ දරුදැරියන් වෙනුවෙන් ළමා උද්‍යානයක් ඉදිකරන ලදී. ‘ක්ලීන් ශ්‍රී ලංකා’ වැඩසටහනට සමගාමීව ගොඩනගන ලද මෙම ළමා උද්‍යානය 2025 පෙබරවාරි මස 05 දින නිල වශයෙන් විවෘත කරන ලදී.