ජාතියේ ආරක්ෂකයා
යුද්ධ හමුදාධිපතිතුමන්ගේ උපදෙස් පරිදි, විනිසුරු අධිනිතිඥ ජෙනරාල් ජනාධිපති නිතිඥ බ්රිගේඩියර් ආර්.ඩී.ඕ පතිරණගේ සහ එම ජ්යෙෂ්ඨ නිලධාරිගේ පවුලේ සාමාජිකයන්ගේ මූල්ය අනුග්රාහක දායකත්වය යටතේ යුද්ධ හමුදාව විසින් 2025 සැප්තැම්බර් මස 5 දින වන්නි දිස්ත්රික්කයේ තෙන්නියන්කුලම් සහ උයිලන්කුලම් යන ගම්මානවල ග්රාමීය ජනතාව නඟා සිටුවීම සඳහා මානුෂීය වැඩසටහනක් පවත්වන ලදී.
වකුගඩු රෝගයෙන් පීඩාවට පත්ව සිටින ගම්වැසියන් සඳහා ආරක්ෂිත පානීය ජලය ලබාදීමේ අරමුණින්, ‘රන්දිය’ ජල පවිත්රකරණ ව්යාපෘතිය යටතේ 2025 මැයි මස 30 දින කොහොඹන්කුලම ගම්මානයේ ජල පිරිපහදු යන්ත්රයක් ඉදිකිරීමේ කටයුතු ආරම්භ කරනු ලැබීය. එම ජල පිරිපහදු යන්ත්රය 2025 අගෝස්තු මස 26 දින විවෘත කරනු ලැබීය.
‘ක්ලීන් ශ්රී ලංකා’ වැඩසටහනට සමගාමීව යුද්ධ හමුදාධිපතිතුමන්ගේ උපදෙස් මත යුද්ධ හමුදා භටපිරිස් විසින් Wild Tuskers සංවිධානය සමඟ එක්ව 212 පාබල බලසේනා බලප්රදේශයේ පිහිටි කලා වැවේ වැව් බැම්මේ පවතින ආක්රමණශීලී ශාක විශේෂ ඉවත් කිරීම සඳහා දැවැන්ත පරිසර සංරක්ෂණ වැඩසටහනක් ක්රියාත්මක කරන ලදී. මෙම ශාක විශේෂය වනයේ ජීවත්වන අලි ඇතුන්ගේ ජීවන රටාවට පවා බාධා පමුණුවන ආක්රමණශීලී ශාක විශේෂයකි.
මාතර ප්රදේශයේ ජනතාව මුහුණ දෙන උග්ර පානීය ජල හිඟයට විසඳුමක් ලෙස ශ්රී ලංකා යුද්ධ හමුදාව තුඩාව, නිල්වලා ගඟේ ඉදිකර ඇති ලවණ බාධකයට අමතරව යාබදව තවත් තාවකාලික ලවණ බාධකයක් ඉදිකිරීමේ කටයුතු ආරම්භ කරන ලදී.
ප්රදේශයේ ක්රීඩා හා තරුණ කටයුතු සංවර්ධනය කිරීමේ අරමුණින් කල්ලාරු දමිළ මහා විද්යාලයේ නවතමයෙන් ඉදිකරන ලද නෙට්බෝල් පිටිය 2025 අගෝස්තු මස 27 දින විවෘත කරනු ලැබීය.
22 පාබල සේනාංකයේ අධීක්ෂණය යටතේ 2(ස්වේච්ඡා) බලඇණිය ගජබා රෙජිමේන්තුවේ භටපිරිස් විසින් ත්රිකුණාමලය ප්රදේශයේ නිවාස අවශ්යතා ඇති පවුලක් සඳහා නව නිවසක් ඉදිකරන ලදී.
51 පාබල සේනාංකයේ භටපිරිස් විසින් Pure Dale Ceylon Ltd සහ Richlife Dairy Ltd යන ආයතනයන්හි සහාය ඇතිව 2025 අගෝස්තු මස 20 දින සිට 22 දින දක්වා නල්ලූර් හි කන්දස්වාමි කෝවිල් පරිශ්රයේදී බැතිමතුන් වෙත කිරි තේ කෝප්ප 51,000 ක් බෙදා දෙන ලදී.
ආරක්ෂක සේනා මුලස්ථානය - මධ්යම භටපිරිස් විසින් අඩු ආදායම්ලාභී පවුල්වල අධ්යාපනය ලබන දරුවන්ට උපකාර කිරීමේ අරමුණින් 2025 අගෝස්තු මස 22 දින බණ්ඩාරවෙල, ශ්රී මලියදේව විද්යාලයේදී පාසල් උපකරණ පරිත්යාග කිරීමේ වැඩසටහනක් පවත්වන ලදී.
2025-08-25
ඉන්දි පදනමේ අධ්යක්ෂවරයාගේ ඉල්ලීමකට අනුව යුද්ධ හමුදාධිපතිතුමන්ගේ උපදෙස් මත, පිළිකා රෝගයෙන් පෙළෙන එම පදනමේ දරුවන් පිරිසක් වෙත ශ්රී ලංකා යුද්ධ හමුදාව විසින් 2025 අගෝස්තු මස 23 දින රුවන්වැලි සෑය සහ ජය ශ්රී මහා බෝධිය වැඳ පුදා ගැනීමට අවශ්ය ප්රවාහන පහසුකම් සපයන ලදී.
58 පාබල සේනාංකයේ භටපිරිස් විසින් 2025 අගෝස්තු මස 07 දින පුත්තලම, මොරපතාව පාසලේදී කටුපුලියන් ප්රාථමික පාසලේ සහ මොරපතාව පාසලේ ළමුන් 51 දෙනෙකු වෙත පොත් සහ පාසල් උපකරණ බෙදා දීමේ පරිත්යාග වැඩසටහනක් සංවිධානය කරන ලදී.