ජාතියේ ආරක්ෂකයා
සංග්රාමික කිමිදුම් පාඨමාලා අංක - 12 විසිර යාමේ පෙළපාලිය 2025 සැප්තැම්බර් මස 06 දින නයාරු, විශේෂ බලකා සංග්රාමික කිමිදුම් පුහුණු පාසලේදී පැවැත්විණි. මෙම අවස්ථාවට ප්රධාන ආරාධිත අමුත්තා ලෙස යුධෝපකරණ මාස්ටර් ජෙනරාල් සහ විශේෂ බලකා රෙජිමේන්තුවේ රෙජිමේන්තු අධිපති මේජර් ජෙනරල් එම්.ටී.අයි මහලේකම් WWV RWP RSP USP ndu psc සහභාගි විය.
යුද්ධ හමුදා යහසාධක අධ්යක්ෂ මණ්ඩලය විසින් 2025 අගෝස්තු මස 15 දින ආරක්ෂක සේනා මූලස්ථානය - නැගෙනහිරහිදී එම මූලස්ථානයේ රාජකාරි කරනු ලබන නිලධාරින් සහ සෙසුනිලයන් දැනුවත් කිරීමේ වැඩසටහනක් පවත්වන ලදී.
ශ්රී ලංකා යුද්ධ හමුදා ස්වේච්ඡා බලසේනා පුහුණු පාසල වෙතින් පවත්වනු ලැබූ පරිපාලන සහයක පාඨමාලා අංක 91 සිට 95 දක්වා සාර්ථකව හදාරන ලැබූ සෙසුනිලයන් වෙත ජාතික වෘත්තීය සුදුසුකම් සහතිකපත් ප්රදානය කිරීමේ උත්සවය 2025 අගෝස්තු මස 29 දින ශ්රී ලංකා යුද්ධ හමුදා ස්වේච්ඡා බලසේනා මූලස්ථානයේදී පවත්වනු ලැබීය.
ජනමාධ්ය හා මනෝවිද්යාත්මක මෙහෙයුම් අධ්යක්ෂ මණ්ඩලයේ අධීක්ෂණය මත 2025 අගෝස්තු මස 27 දින ශ්රී ලංකා යුද්ධ හමුදා විද්යාපීඨ පරිශ්රයේදී ‘තෘප්තිමත් සහ නිර්භීත යුද්ධ හමුදාව’ යන තේමාව ඔස්සේ දේශනයක් පැවැත්විණි.
ආරක්ෂක සේනා ආඥාපති - මධ්යම මේජර් ජෙනරල් කේ.ඒ.ඩබ්.එන්.එච් බණ්ඩාරනායක USP ගේ මඟපෙන්වීම යටතේ ‘මානසික සෞඛ්යය සහ සන්නද්ධ හමුදා සාමාජිකයන් සියදිවි නසාගැනීමේ උත්සාහයන් වැළැක්වීම’ යන මැයෙන් තෙදින වැඩමුළුවක් 2025 අගෝස්තු මස 12 දින සිට 14 දින දක්වා ආරක්ෂක සේනා මූලස්ථානය - මධ්යම දී පවත්වන ලදී.
ක්ලීන් ශ්රී ලංකා වැඩසටහන යටතේ, ආරක්ෂක සේනා ආඥාපති යාපනය මේජර් ජෙනරල් කේ.ඒ.එන් රසික කුමාර ndc psc ජ්යෙෂ්ඨ නිලධාරිගේ අධීක්ෂණය යටතේ 2025 අගෝස්තු මස 13 සහ 14 යන දිනයන්හිදී ආරක්ෂක සේනා මූලස්ථානය - යාපනයහිදී ශාස්ත්රීය සංගීත චිකිත්සක වැඩසටහනක් පවත්වනු ලැබීය.
මධ්යම ශ්රේණියේ නිලධාරින්ගේ ක්රියාන්විත දැනුම වැඩිදියුණු කිරීම සඳහා යුද්ධ හමුදාධිපතිතුමන්ගේ මඟපෙන්වීම සහ යුද්ධ හමුදා යුද විද්යාලයේ සේනාවිධායකගේ අධීක්ෂණය යටතේ ‘Staff Ride’ අභ්යාසය 2025 අගෝස්තු මස 06 දින සාර්ථකව පවත්වන ලදී. මෙම අභ්යාසය සාර්ථකව සංවිධානය කිරීම සඳහා ආරක්ෂක සේනා ආඥාපති - නැගෙනහිරගේ සහයෝගයද හිමිවිය.
මිත්ර ශක්ති XI අභ්යාසයේ අවසන් සැලසුම් සමුළුව 2025 ජූලි මස 30 දින සිට අගෝස්තු මස 02 දින දක්වා ඉන්දියාවේ, කර්ණාටක ප්රාන්තයේ, බෙලගාවි ප්රදේශයේදී පැවැත්විණි. ශ්රී ලංකා යුද්ධ හමුදාවේ පාබල අධ්යක්ෂ බ්රිගේඩියර් ඩී.එස් ජයවර්ධන RSP ndc සමඟින් ජ්යෙෂ්ඨ නිලධාරින් තිදෙනෙකු මෙම සමුළුව සඳහා සහභාගි වෙමින් පුහුණු ප්රදේශවල ක්ෂේත්ර සංචාරයක් සිදුකළ අතර ඉදිරි අභ්යාසයන් සිදුකරනු ලබන ආකාරය පිළිබඳව ඉන්දීය හමුදා නිලධාරින් සමඟ සැලසුම් සිදුකරනු ලැබීය.
ශ්රී ලංකා යුද්ධ හමුදා පාබල අධ්යක්ෂ ජෙනරාල් මේජර් ජෙනරල් ඩබ්ලිව්.බී.ජේ.කේ විමලරත්න RWP RSP ගේ මඟපෙන්වීම මත රුසියානු - ශ්රී ලංකා උපායමාර්ගික ත්රස්ත විරෝධි අභ්යාසයේ තෙවන සැලසුම් සමුළුව රුසියානු හමුදා නියෝජිත පිරිසකගේ සහභාගිත්වයෙන් 2025 අගෝස්තු මස 05 දින පාබල අධ්යක්ෂ ජෙනරාල් කාර්යාලයේදී පැවැත්විණි.
යුද්ධ හමුදා සාමාජිකයන් අතර නායකත්ව ගුණාංග සහ තීරණ ගැනීමේ හැකියාවන් වැඩිදියුණු කිරීමේ අරමුණින් ‘මානව සාධක’ පිළිබඳ දැනුවත් කිරීමේ දේශනයක් 2025 අගෝස්තු මස 01 දින යුද්ධ හමුදා මූලස්ථාන පරිශ්රයේදී පැවැත්විණි. මෙම දේශනය යුද්ධ හමුදාධිපතිතුමන්ගේ උපදෙස් සහ පුහුණු අධ්යක්ෂ ජෙනරාල් මේජර් ජෙනරල් ඩබ්ලිව්.එම්.එන්.කේ.ඩී බණ්ඩාර RWP RSP USP psc ගේ අධීක්ෂණය මත පැවැත්විණි.