පුහුණු

සටන් පුහුණු පාසලේදී පැවති ‘කොමිෂන් නොලත් නිලධාරි නායකත්ව සහ ප්‍රගමන ප්‍රවර්ධන පාඨමාලා අංක - 60’ හි සහතිකපත් ප්‍රදානෝත්සවය 2025 ජූලි මස 17 දින පැවැත්විණි.

53 පාබල සේනාංකය (අතිරේක ප්‍රහාරක සේනාංකය) යටතේ ස්ථාපිත සියලුම ඒකකයන්හි විශේෂ පුහුණුව ලත් කණ්ඩායමක සහභාගිවත්වයෙන් පැවැත්වෙන ‘Arrow Head Challenge 2025 - Combat Readiness’ තරඟය 2025 ජූලි මස 14 දින සිට 2025 ජූලි මස 18 දින දක්වා පැවැත්වේ.

ආරක්‍ෂක සේනා ආඥාපති - බටහිර මේජර් ජෙනරල් යූ.කේ.ඩී.ඩී.පී උඩුගම RWP RSP USP ndc psc ගේ මඟපෙන්වීම මත එම ආරක්‍ෂක සේනා මූලස්ථානය වෙතින් 2025 ජූලි මස 09 දින ‘බෝ නොවන රෝග අවම කිරීම’ යන තේමාව ඔස්සේ යුද්ධ හමුදා ශාරීරික පුහුණු පාසල් ගෘහස්ථ ක්‍රීඩාංගණයේදී දේශනයක් පැවැත්වීය.

22 පාබල සේනාංකයේ මූලිකත්වයෙන් 2025 ජුනි මස 26 දින සිට 29 දින දක්වා විගණන නිරීක්ෂණ අවම කිරීම පිළිබඳ දැනුවත් කිරීමේ වැඩමුළුවක් පවත්වන ලදී.

මෙම වැඩමුළුව සඳහා නිලධාරින් 11 දෙනෙකු සහ සෙසු නිලයන් 64 දෙනෙකු සහභාගි වූ අතර, නිලධාරින්ගේ සහ සෙසු නිලයන්ගේ විගණන හැකියාවන් වැඩි දියුණු කිරීමේ අරමුණින් අභ්‍යන්තර විගණන අධ්‍යක්‍ෂ මණ්ඩලය විසින් මෙම වැඩමුළුව මෙහෙයවන ලදී.

ශ්‍රී ලංකා සිංහ රෙජිමේන්තුව විසින් 2025 ජූලි මස 03 දින ශ්‍රී ලංකා සිංහ රෙජිමේන්තු මධ්‍යස්ථාන පරිශ්‍රයේදී මානසික සෞඛ්‍යය සහ තෘප්තිමත් ජීවිතයක් පිළිබඳ දැනුවත් කිරීමේ දේශනයක් පවත්වන ලදී.

ආරක්‍ෂක සේනා මූලස්ථානය - මධ්‍යම වෙතින් 2025 ජුලි මස 02 දින එම මූලස්ථාන පරිශ්‍රයේදී ‘අභ්‍යන්තර ආරක්‍ෂක මෙහෙයුම් වලදී යුද්ධ හමුදාවේ කාර්යභාරය’ යන තේමාව ඔස්සේ දෙදින වැඩමුළුවක් පැවැත්වීය.

නිලධාරින් 32 දෙනෙකුගේ සහභාගිත්වයෙන් මාදුරුඔය, යුද්ධ හමුදා පුහුණු පාසලේදී පැවති ‘තරුණ නිලධාරි පාඨමාලා අංක - 70’ හි සමාප්ති උත්සවය 2025 ජුනි මස 29 දින එම පුහුණු පාසල් පරිශ්‍රයේදී පැවැත්විණි.

විශේෂ පාබල ක්‍රියාන්විත පුහුණු පාඨමාලාව - 77 විසිරයාමේ පෙළපාලිය 2025 ජුනි මස 28 දින මාදුරුඔය, යුද්ධ හමුදා පුහුණු පාසලේදී පැවැත්විණි.

ශ්‍රී ලංකා සාමසාධක මෙහෙයුම් පුහුණු ආයතනයේ 21 වන සංවත්සර දිනය සනිටුහන් කරමින් 2025 ජුනි මස 23 දින බදුරලිය ප්‍රදේශයේ පාලින්දනුවර ප්‍රාදේශීය ලේකම් කාර්යාලයේ නිලධාරින් වෙනුවෙන් ‘ක්ලීන් ශ්‍රී ලංකා’ වැඩසටහන පිළිබඳ දැනුවත් කිරීමේ වැඩසටහනක් ක්‍රියාත්මක කරන ලදී.

2025 වසරේ පළමු අධ්‍යයන වාරය සඳහා පනාගොඩ, යුද්ධ හමුදා ශාරීරික අභ්‍යාස පුහුණු පාසල මඟින් පවත්වනු ලැබූ ශාරීරික අභ්‍යාස උපදේශක පාඨමාලාවන් සාර්ථකව හදාරනු ලැබූ නිලධාරින්/සෙසුනිලයන් වෙත නිල ලාංඡන පැළඳවීමේ උත්සවය 2025 ජුනි මස 19 දින එම පුහුණු පාසල් ක්‍රීඩාංගණයේදී පැවැත්විණි.