ජාතියේ ආරක්ෂකයා
යුද්ධ හමුදාධිපති ලුතිනන් ජෙනරල් ලසන්ත රොද්රිගෝ RSP ctf-ndu psc IG, ජ්යෙෂ්ඨ හමුදා, පොලිස් සහ රජයේ නිලධාරින්ගේ සහභාගීත්වයෙන් 2025 දෙසැම්බර් මස 01 දින උදෑසන යුද්ධ හමුදා මූලස්ථානයේදී සාකච්ඡාවක් පවත්වනු ලැබීය. එහිදී, පවතින අයහපත් කාලගුණික තත්ත්වයන් පිළිබඳව සහ එම තත්ත්වයන්ගෙන් බලපෑමට ලක් වූ ප්රදේශයන්හි සිදුකරන ආපදා සහන සේවා මෙහෙයුම් තවදුරටත් ශක්තිමත් කිරීම සහ සම්බන්ධීකරණය කිරීම කෙරෙහි අවධානය යොමු විය.
පවතින අයහපත් කාලගුණික තත්ත්වය හමුවේ යුද්ධ හමුදා භටපිරිස් විසින් සිදුකරනු ලබන සහන සේවා මෙහෙයුම් කටයුතු වල ප්රගතිය සොයා බැලීම සඳහා යුද්ධ හමුදාධිපති ලුතිනන් ජෙනරල් ලසන්ත රොද්රිගෝ RSP ctf-ndu psc IG, 2025 නොවැම්බර් මස 30 දින සවස යුද්ධ හමුදා මූලස්ථානයේදී ක්ෂේත්ර අණදෙන නිලධාරින් සමඟින් මාර්ගගත ක්රමය ඔස්සේ සාකච්ඡාවක් පවත්වනු ලැබීය. එහිදී එතුමන් ආපදා සහන සේවා මෙහෙයුම් අඛණ්ඩව සහ විධිමත්ම සිදු කිරීමට අවශ්ය උපදෙස් ලබාදුන්නේය.
යුද්ධ හමුදාධිපති ලුතිනන් ජෙනරල් ලසන්ත රොද්රිගෝ RSP ctf-ndu psc IG, 2025 නොවැම්බර් මස 29 වන දින වැල්ලම්පිටිය, රාජසිංහ විද්යාලයේ ස්ථාපිත හදිසි ආරක්ෂක මධ්යස්ථානයේ නිරීක්ෂණ සංචාරයක නිරත වූ අතර, එහිදී එතුමන් ආපදාවට පත් ප්රජාවගේ සුභසාධනය සහ ප්රදේශයේ සිදුවෙමින් පවතින ආපදා සහන සේවා මෙහෙයුම් පිළිබඳව සොයා බැලීය.
2025 නොවැම්බර් මස 26 වන දින සිට දිවයින පුරා පවතින අයහපත් කාලගුණික තත්ත්වය හේතුවෙන් ප්රදේශ රැසක ඇති වී ඇති ආපදා තත්ත්වයන්ට මුහුණ දී සිටින සාමාන්ය ජනතාව මුදවා ගැනීමට සහ ඔවුන් හට සහන සේවා සැපයීම සඳහා යුද්ධ හමුදා භටපිරිස් කඩිනමින් කටයුතු කරනු ලබයි. ඒ අනුව, අධික වර්ෂාපතනය හේතුවෙන් කල්ලරිච්චෙල්, සමන්තුරෙයි ප්රදේශයේ නිවසක් මතට කඩා වැටුණු ගසක් ඉවත් කිරීම සඳහා 24 වන පාබල සේනාංකයේ 241 වන පාබල බලසේනාව යටතේ ස්ථාපිත 18 වන බලඇණිය විජයබාහු පාබල රෙජිමේන්තුවේ භටපිරිස් විසින් කටයුතු කරන ලදී. එහිදී, භටපිරිස් විසින් කඩිනමින් ක්රියාත්මක වී පීඩාවට පත් සිවිල් වැසියන්ගේ ජීවිත ආරක්ෂා කරමින්, සිදුවීමට තිබූ හානි වළක්වා ගැනීමට අවශ්ය කටයුතු සිදුකරන ලදී.
ගැමුණු හේවා බලකායට අයත් අභාවප්රාප්ත බ්රිගේඩියර් ඩබ්ලිව්.වී.එස් බොතේජු (විශ්රාමික) RWP RSP psc ජ්යෙෂ්ඨ නිලධාරිගේ දේහය පිළිබඳ අවසන් කටයුතු පූර්ණ හමුදා ගෞරවාචාර මධ්යයේ 2025 නොවැම්බර් මස 27 දින බොරැල්ල, පොදු සුසාන භූමියේදී සිදුකෙරිණි.
පවතින අයහපත් කාලගුණික තත්ත්වයන්ට මුහුණ දීම සඳහා යුද්ධ හමුදාධිපති ලුතිනන් ජෙනරල් ලසන්ත රොද්රිගෝ RSP ctf-ndu psc IG ගේ ප්රධානත්වයෙන් සාකච්ඡාවක් 2025 නොවැම්බර් මස 27 වන දින පැවති අතර, එහිදී යුද්ධ හමුදාධිපතිතුමන් විසින් රාජ්ය නිලධාරින් සමඟ සමීප සම්බන්ධීකරණයක් පවත්වා ගනිමින් ඉදිරියටත් අඛණ්ඩව සහන සේවා මෙහෙයුම් සඳහා සහාය වීමට අවශ්ය උපදෙස් යුද්ධ හමුදා ප්රධානීන් වෙත ලබාදෙන ලදී.
ඵලදායිතාවය සහ ක්රියාවලිය වැඩිදියුණු කිරීමේ පාඨමාලාවේ සහතිකපත්ර ප්රදානෝත්සවය 2025 නොවැම්බර් මස 25 වන දින ශ්රී ලංකා යුද්ධ හමුදා ස්වේච්ඡා බළ සේනාවේ සේනාවිධායක මේජර් ජෙනරල් කේ. ඩබ්ලිව්. එන්. පී ප්රේමරත්න RSP USP NPS psc ගේ ප්රධානත්වයෙන් එම බලසේනා මූලස්ථානයේදී පැවැත්විණි.
ඉන්දියානු සහ ශ්රී ලංකා සන්නද්ධ හමුදා අතර පවතින සංස්කෘතික හුවමාරු වැඩසටහනේ කොටසක් ලෙස ඉන්දීය ත්රිවිධ හමුදාවේ සාමාජිකයන් 120 දෙනෙකුගෙන් යුත් නියෝජිත පිරිසක් 2025 නොවැම්බර් මස 26 වන දින මෙරටට පැමිණියහ. 2025 නොවැම්බර් මස 27 සහ 28 යන දිනයන්හිදී මෙරටට සංචාරයේ නිරත වන එම නියෝජිත පිරිසෙහි මෙරට දෙදින සංචාරය මඟින් දෙරටෙහි හමුදා සහයෝගීතාව තවදුරටත් වැඩිදියුණු කිරීම, සංස්කෘතික අවබෝධය වැඩිදියුණු කිරීම සහ දිගුකාලීන සබඳතා ශක්තිමත් කිරීම මූලික අරමුණ විය.
මේජර් ජෙනරල් නිලයට උසස්වීම් ලැබූ මේජර් ජෙනරල් ජී.එස්.කේ පෙරේරා RSP ndc සහ මේජර් ජෙනරල් එන්.එස්.එස් ඩයස් RSP ජ්යෙෂ්ඨ නිලධාරින් වෙත යුද්ධ හමුදාධිපති ලුතිනන් ජෙනරල් ලසන්ත රොද්රිගෝ RSP ctf-ndu psc IG විසින්, 2025 නොවැම්බර් මස 26 දින යුද්ධ හමුදා මූලස්ථානයේදී එම නිලයේ අධිකාරියේ සංකේතය ප්රදානය කරමින් සිය සුභ පැතුම් පිරිනමන ලදී.
මේ වසර මුලදී මියන්මාරයේ ඇති වූ භූමිකම්පාවෙන් පසු ශ්රී ලංකා හමුදා කණ්ඩායම විසින් මියන්මාරයේ දියත් කරන ලද සහනසේවා මෙහෙයුම් තුළ දැක්වූ දායකත්වය වෙනුවෙන් 2025 නොවැම්බර් මස 26 දින යුද්ධ හමුදා මූලස්ථානයේ පැවති උත්සවයකදී යුද්ධ හමුදාධිපති ලුතිනන් ජෙනරල් ලසන්ත රොද්රිගෝ RSP ctf-ndu psc IG ඔවුන්ගේ සේවය ඇගයීමට ලක් කළේය.