සිවිල් ක්‍රියාකාරකම්
23 වන ගජබා රෙජිමේන්තුවේ මූලිකත්වයෙන් තිස්සමහාරාම ප්‍රදේශයේ සිසු සිසුවියන්ට පාසල් උපකරණ පරිත්‍යාගයක්
ආරක්‍ෂක සේනා මූලස්ථානය - මධ්‍යම යටතේ ස්ථාපිත 122 වන පාබල බලසේනාවේ සහ 12 වන පාබල සේනාංකය යටතේ ස්ථාපිත 23 වන ගජබා රෙජිමේන්තුවේ භටපිරිස් ප්‍රදේශයේ පරිත්‍යාගශීලීන් කිහිපදෙනෙකු විසින් ලබාදුන් අනුග්‍රාහකත්වය මත යෝදකණ්ඩිය, ශ්‍රී දේවානන්ද විද්‍යාලයේ සහ කිරින්ද, ප්‍රාථමික විද්‍යාලයේ අවශ්‍යතා සහිත සිසු සිසුවියන් 30 දෙනෙකු වෙත අත්‍යවශ්‍ය අධ්‍යාපනික උපකරණ පාර්සල් පරිත්‍යාග කිරීමේ වැඩසටහනක් ඉකුත් සෙනසුරාදා (පෙබරවාරි 18) දින ශ්‍රී දේවානන්ද විද්‍යාලීය ශ්‍රවණාගාරයේදී පැවැත්විණි.
යුද්ධ හමුදාවේ සම්බන්ධීකරණය මත ශාන්තිපුරම් ප්‍රදේශයේ වැසියන්ට පිරිසිදු පානීය ජලය
ආරක්‍ෂක සේනා මූලස්ථානය - වන්නි යටතේ ස්ථාපිත 54 වන පාබල සේනාංකයේ භටපිරිස්හි සම්බන්ධීකරණය මත කැනඩාවේ පදිංචිව සිටින පරිත්‍යාගශීලියෙකු විසින් ලබාදුන් අනුග්‍රාහකත්වය මත දීර්ඝ කාලයක් පුරාවට පානීය ජලය නොමැතිව දුෂ්කරතාවයන්ට මුහුණ පාමින් සිටි ශාන්තිපුරම් ප්‍රදේශයේ පවුල් 125 ක වැසියන් වෙනුවෙන් පිරිසිදු පානීය ජලය ලබාදීමේ අරමුණින් ජල පෙරණ පද්ධතියක් ස්ථාපනය කරන ලදී.
3 වන (ස්වෙච්ඡා) ගැමුණු හේවා බලකායේ භටපිරිස් රුධිර පරිත්‍යාග වැඩසටහනක
ආරක්‍ෂක සේනා මූලස්ථානය - බටහිර යටතේ ස්ථාපිත 61 වන පාබල සේනාංකයට අයත් 613 වන පාබල බලසේනා බලප්‍රදේශයේ ස්ථාපිත 3 වන (ස්වෙච්ඡා) ගැමුණු හේවා බලකායේ භටපිරිස් විසින් 2023 පෙබරවාරි මස 15 දින කඹුරුගමුව ප්‍රාදේශීය රුධිර පාරවිලයන මධ්‍යස්ථානය වෙත සිය රුධිරය පරිත්‍යාග කරන ලදී.
දිවංගත රණවිරුවෙකුට පිං අනුමෝදන් කරමින් ‘අභිමංසල - 2’ හි නේවාසික රණවිරුවන්ට අත්‍යවශ්‍ය ද්‍රව්‍ය පරිත්‍යාගයක්
දිවංගත ලාන්ස් කෝප්‍රල් ඩී.ජී.අයි. මධුශංක ගේ 15 වන ගුණ සමරුව වෙනුවෙන් එම වීරෝදාර රණවිරුවාගේ පවුලේ සාමාජිකයන් විසින් 2023 පෙබරවාරි මස 08 දින කඹුරුපිටිය ප්‍රදේශයේ පිහිටි ‘අභිමංසල - 2’ හි නේවාසිකව ප්‍රතිකාර ලබන වීරෝදාර රණවිරුවන් වෙනුවෙන් අත්‍යවශ්‍ය ද්‍රව්‍ය, ආයුර්වේද උපකරණ පරිත්‍යාග කර ප්‍රණීත තේ පැන් සංග්‍රහයක් පිරිනැමීමේ සමාජසත්කාරක වැඩසටහනක් ක්‍රියාත්මක කරන ලදී.
2 (ස්වේච්ඡා) ශ්‍රී ලංකා සිංහ රෙජිමේන්තුවේ භටපිරිස් මහකන්ද කඳුකර ප්‍රදේශයේ හටගත් ලැව් ගින්නක් නිවාදමයි
මහනුවර මහකන්ද, වටගොඩ කඳුකර ප්‍රදේශයේ ඉකුත් අඟහරුවාදා (14) දින සවස හටගත් ලැව් ගින්නක් ආරක්‍ෂක සේනා මූලස්ථානය - මධ්‍යමට අයත් 11 වන පාබල සේනාංකය යටතේ ස්ථාපිත 111 වන පාබල බලසේනා බලප්‍රදේශයේ පිහිටි 2 (ස්වේච්ඡා) ශ්‍රී ලංකා සිංහ රෙජිමේන්තුවේ භටපිරිසක් විසින් නිවා දැමීමට කටයුතු කරන ලදී.
අලුත උපන් බිළිඳුන්ගේ මව්වරුන්ට යුද්ධ හමුදාවේ මූලිකත්වයෙන් දිරි දීමනා
කොළඹ යුද්ධ හමුදා රෝහලේ කළමනාකරණ හා නඩත්තු අධ්‍යක්‍ෂ මණ්ඩලය, නාරාහේන්පිට මහජන බැංකු ශාඛාව සමඟ ඒකාබද්ධව ජාතික නිදහස් දින සැමරුම සනිටුහන් කරමින් 2023 ජනවාරි මස 01 දින සිට පෙබරවාරි මස 14 දින දක්වා කාලය තුළ බිළිඳුන් ප්‍රසූත කළ මව්වරුන් සඳහා මුදල් සහ ත්‍යාග පාර්සල් පරිත්‍යාග කිරීමේ වැඩසටහනක් ක්‍රියාත්මක කරනු ලැබීය.
යුද්ධ හමුදාවේ මූලිකත්වයෙන් පාසල් සිසු සිසුවියන් වෙත ශිෂ්‍යත්ව ප්‍රදානයක්
ආරක්‍ෂක සේනා මූලස්ථානය - මුලතිව් යටතේ ස්ථාපිත 68 වන සේනාංකයේ මූලිකත්වයෙන් ශ්‍රී ලංකා - ජපාන නිපොන් අධ්‍යාපනික හා සංස්කෘතික මධ්‍යස්ථානය නියෝජනය කරන බෞද්ධ භික්‍ෂූන් වහන්සේලාගේ අනුග්‍රාහකත්වය මත මුලතිව් සහ ඒ අවට ප්‍රදේශවල තෝරාගත් සිසු සිසුවියන් 28 දෙනෙකු වෙත පාසල් උපකරණ සහ ශිෂ්‍යත්ව ප්‍රදානය කිරීමේ වැඩසටහනක් ආරක්‍ෂක සේනා ආඥාපති - මුලතිව් මේජර් ජෙනරල් දර්ශන විජේසේකර ගේ සහභාගීත්වයෙන් ඉකුත් බ්‍රහස්පතින්දා (9) දින සිදුකෙරිණි.
ඩෙංගු උවදුර මර්ධනයට යුද්ධ හමුදාවේ දායකත්වය
පවතින අධික වර්ෂාපතනය හේතුවෙන් ව්‍යාප්ත වෙමින් පවතින ඩෙංගු මදුරුවන් බෝවීම මර්ධනය කිරීමේ අරමුණින් සෞඛ්‍ය දෙපාර්තමේන්තුවේ නිලධාරීන්, පොලිස් නිලධාරීන්, සිවිල් ආරක්‍ෂක දෙපාර්තමේන්තුවේ නිලධාරීන්, ප්‍රාදේශීය නගර සභා සේවකයින් සහ සිවිල් වැසියන් සමඟ සම්බන්ධීකරණයෙන් යුතුව යුද්ධ හමුදා භටපිරිස් විසින් දීපව්‍යාප්ත ජාතික ඩෙංගු මර්ධන ව්‍යාපාරයක් සංවිධානය කරනු ලැබීය.
12 වන පාබල සේනාංකයේ භටපිරිස් සම්බන්ධීකරණයෙන් පාසල් සිසු සිසුවියන් සඳහා පාසල් උපකරණ බෙදාදීමේ වැඩසටහනක්
ආරක්‍ෂක සේනා මූලස්ථානය - මධ්‍යම යටතේ ස්ථාපිත 12 වන පාබල සේනාංකයේ භටපිරිස් සම්බන්ධීකරණයෙන් ව්‍යාපාරික ආයතනයක් මගින් ලබාදුන් මූල්‍යමය අනුග්‍රාහකත්වය මත සූරියවැව හත්පෝරුව ද්විතීයික විද්‍යාලයේ ඉගෙනුම ලබන පාසල් සිසු සිසුවියන් 320 දෙනෙකු සඳහා රු.1600.00ක වටිනාකමකින් යුත් අධ්‍යාපනික පාසල් උපකරණ පාර්සල් බෙදාදීමේ සමාජ සත්කාරක වැඩසටහනක් පසුගිය ඉරිදා (05) දින එම පාසල් පරිශ්‍රයේදී ක්‍රියාත්මක කරන ලදී.
ගජබා රෙජිමේන්තුවේ භටපිරිස් සම්බන්ධීකරණයෙන් පාසල් උපකරණ බෙදාදීමේ සමාජ සත්කාරක වැඩසටහනක්
සාලියපුර ගජබා රෙජිමේන්තුවේ භටපිරිස් සම්බන්ධීකරණයෙන් ‘බ්ලූමින්ග් වින්ග්ස් ක්‍රියේටිව් ආර්ට් සෙන්ටර්’ (Blooming Wings Creative Art Center) ආයතනයෙහි අධ්‍යක්‍ෂිකා සැන්ඩි උපේක්‍ෂා මෙනවියගේ මූල්‍යමය අනුග්‍රාහකත්වය මත ඉපලෝගම රණජයපුර විද්‍යාලයේ සහ සේනපුර මධ්‍ය මහා විද්‍යාලයේ ඉගෙනුම ලබන පාසල් සිසු සිසුවින් 60 දෙනෙකු සඳහා පාසල් උපකරණ බෙදාදීමේ සමාජ සත්කාරක වැඩසටහනක් පසුගියදා සාලියපුර ගජබා රෙජිමේන්තු මධ්‍යස්ථානයේ සංවිධානය කරනු ලැබීය.