ජාතියේ ආරක්ෂකයා
කතිරවේලි, පුදුර් හි පිහිටි සරස්වතී පෙර පාසල, පුදුර් ගම්මානයේ ළමුන් 41 දෙනෙකුට මුල් ළමාවිය සංවර්ධන අධ්‍යාපනය ලබා දෙන අතර, වසර 16 ක් මුළුල්ලේ සේවයේ නියුතු විශිෂ්ට ගුරුවරියක් ඇතුළු තුන් දෙනෙකුගෙන් යුත් ගුරු මඩුල්ලකින් සමන්විත මෙම පෙර පාසල මඟින් බොහෝ සිසුන් උසස් අධ්‍යාපනය සඳහා යොමු කිරීමට මූලික කාර්යභාරයක් ඉටුකර ඇත.එසේ වුවද එම පෙර පාසලේ අධ්‍යාපන කටයුතු සිදුකිරීමේදී පුටුමේස, ජල පද්ධති සහිත නිසි සනීපාරක්‍ෂක පහසුකම්, ගොඩනැගිලි නඩත්තුව සහ මුළුතැන්ගෙය වැනි අත්‍යාවශ්‍ය සම්පත් වල හිඟතාවයකට මුහුණ දී තිබේ.
10 (ස්වේච්ඡා) බලඇණිය ගැමුණු හේවා බලකායේ භටපිරිස් විසින් 2025 පෙබරවාරි මස 24 දින මන්තෙයි, තිරුකේෂ්වරම් කෝවිල් පරිශ්‍රය පිරිසිදු කිරීමේ වැඩසටහනක් පවත්වන ලදී.
23 බලඇණිය ගැමුණු හේවා බලකායේ භටපිරිස් විසින් 2025 පෙබරවාරි මස 23 දින පලෙයි රෝහලේ රුධිර පරිත්‍යාග වැඩසටහනක් සංවිධානය කරන ලදී.
‘ක්ලීන් ශ්‍රී ලංකා’ වැඩසටහන යටතේ ‘සුන්දර වෙරළ තීරයක් සහ ආකර්ශනීය සංචාරක ගමනාන්තයක්’ යන තේමාව යටතේ කිලිනොච්චි දිස්ත්‍රික් ලේකම් කාර්යාලය මගින් පූනරින් සහ අලිමංකඩ වෙරළ තීරයන් පිරිසිදු කිරීමේ වැඩසටහනක් 2025 පෙබරවාරි මස 23 දින ක්‍රියාත්මක කරනු ලැබූ අතර, ඒ සඳහා යුද්ධ හමුදාධිපතිතුමන්ගේ උපදෙස් මත, භටපිරිස් සිය සහයෝගය ලබාදුන්හ.
‘ක්ලීන් ශ්‍රී ලංකා’ වැඩසටහනට සමගාමීව, මන්නාරම දිස්ත්‍රික්කයේ වෙසෙන සිවිල් වැසියන් විසින් 2025 පෙබරවාරි මස 23 දින වෙරළබඩ ප්‍රදේශ 24 කදී වෙරළ පිරිසිදු කිරීමේ වැසටහනක් ක්‍රියාත්මක කරනු ලැබීය. යුද්ධ හමුදාධිපතිතුමන්ගේ උපදෙස් හා 54 පාබල සේනාංකයේ සේනාංකාධිපති මේජර් ජෙනරල් ඒ.එම්.සී.පී විජයරත්න RWP RSP nps psc ගේ මඟපෙන්වීම මත එම සේනාංකයේ භටපිරිස් මෙම වැඩසටහන සඳහා සිය දායකත්වය ලබාදුන්හ.
ආරක්‍ෂක සේනා මූලස්ථානය - බටහිර විසින් ‘ක්ලීන් ශ්‍රී ලංකා’ වැඩසටහනට යටතේ යුද්ධ හමුදාධිපතිතුමන්ගේ උපදෙස් හා ආරක්‍ෂක සේනා ආඥාපති - බටහිර මේජර් ජෙනරල් යූ.කේ.ඩී.ඩී.පී උඩුගම RWP RSP USP ndc psc මඟපෙන්වීමත් 57 පාබල සේනාංකයේ සේනාංකාධිපති ගේ අධීක්‍ෂණයත් මත එම සේනාංකයේ භටපිරිස් විසින් 2025 පෙබරවාරි මස 20 දින නාරම්මල, රුවන්ගිරි මධ්‍ය මහා විද්‍යාලයේ යටිතල පහසුකම් වැඩිදියුණු කිරීමේ සහ එම පාසල් පරිශ්‍රය පිරිසිදු කිරීමේ වැඩසටහනක් ක්‍රියාත්මක කරන ලදී.
උපවාස සමය සඳහා සූදානම් වන මුස්ලිම් වැසියන්ට සහයෝගය දැක්වීමේ අරමුණින් ආරක්‍ෂක සේනා මූලස්ථානය - මධ්‍යම වෙතින් 2025 පෙබරවාරි මස 24 දින හපුතලේ, දියතලාව සහ කහගොල්ල යන ප්‍රදේශයන්හි පිහිටි මුස්ලිම් පල්ලි වෙත රටඉඳි බෙදාදීමේ වැඩසටහනක් ක්‍රියාත්මක කරන ලදී.
ක්ලීන් ශ්‍රී ලංකා’ වැඩසටහනේ පළමු අදියරට සමගාමීව, ආරක්‍ෂක සේනා ආඥාපති - යාපනය මේජර් ජෙනරල් වයි.ඒ.බී.එම් යහම්පත් RWP RSP ndu psc සහ 55 පාබල සේනාංකයේ සේනාංකාධිපති මේජර් ජෙනරල් බී.ජී.එස් ප්‍රනාන්දු USP Hdmc psc ගේ මඟපෙන්වීම මත 2025 පෙබරවාරි මස 20 දින පූනරින් ප්‍රදේශයේ පිහිටි ශ්‍රී විග්නේෂ්වරම් විද්‍යාලය පිරිසිදු කිරීමේ වැඩසටහනක් පවත්වන ලදී.
යුද්ධ හමුදාධිපතිතුමන්ගේ මඟපෙන්වීම සහ ආරක්‍ෂක සේනා ආඥාපති - මධ්‍යම මේජර් ජෙනරල් කේ.ඒ.ඩබ්ලිව්.එන්.එච් බණ්ඩාරනායක USP ගේ අධීක්‍ෂණය මත ‘ක්ලීන් ශ්‍රී ලංකා’ වැඩසටහනේ පළමු අදියරේ කොටසක් ලෙස භටපිරිස් විසින් 2025 පෙබරවාරි මස 20 දින පාසල් පිරිසිදු කිරීමේ ව්‍යාපෘතියක් ආරම්භ කරනු ලැබීය.
‘ක්ලීන් ශ්‍රී ලංකා’ වැඩසටහනට සමගාමීව යුද්ධ හමුදාධිපතිතුමන්ගේ මඟපෙන්වීම සහ ආරක්‍ෂක සේනා ආඥාපති - නැගෙනහිර මේජර් ජෙනරල් පී. ආර් පතිරවිතාන USAWC psc ගේ අධීක්‍ෂණය මත එම ආරක්‍ෂක සේනා මූලස්ථානය යටතේ සේවයේ නියුතු භටපිරිස් විසින් 2025 පෙබරවාරි මස 20 දින පාසල් පිරිසිදු කිරීමේ සහ ප්‍රතිසංස්කරණය කිරීමේ වැඩසටහනක් ක්‍රියාත්මක කරන ලදී.