යුද්ධ හමුදා විශේෂාංග

2026 ජුනි මස 4 වන දින අයියකච්චි ප්‍රදේශයේ ශක්ති කෘෂි ගොවිපලෙහි ඇති වූ ගින්නක් මැඩපැවැත්වීම සඳහා 1 වන යාන්ත්‍රික පාබල රෙජිමේන්තුවේ භටපිරිස් විසින් කිලිනොච්චි ගිනි නිවීමේ ඒකකය සහ ප්‍රදේශවාසීන් සමඟ එක්ව කටයුතු කරන ලදී.

2026 ජුනි මස 3 වන දින ඇඹිලිපිටිය, නෝනගම සුදු පාලම අසල ඇඟලුම් කම්හලක ඇති වූ ගින්නක් නිවා දැමීමට ශ්‍රී ලංකා යුද්ධ හමුදා ඉංජිනේරු පාසලේ භටපිරිස් සිවිල් බලධාරීන්, සෙවනගල සහ ඇඹිලිපිටිය ගිනි නිවීමේ කණ්ඩායම් සමඟ එක්ව කටයුතු කරනු ලැබීය.

ධූරයෙන් නික්ම යනු ලබන ආරක්‍ෂක සේනා ආඥාපති - මධ්‍යම මේජර් ජෙනරල් කේ.ඒ.ඩබ්ලිව්.එන්.එච්. බණ්ඩාරනායක USP වෙත හමුදා සම්ප්‍රදායානුකූල ගෞරවාචාරය දැක්වීමේ උත්සවයක් 2026 ජුනි මස 04 වන දින ආරක්‍ෂක සේනා මූලස්ථානය - මධ්‍යම හිදී පවත්වනු ලැබීය.

විදුලිය පද්ධතියේ ඇති වූ දෝෂයක් හේතුවෙන් 2026 ජුනි මස 03 වන දින බටගොඩ වැඩිහිටි නිවාසයක ගින්නක් ඇති විය

ශ්‍රී ලංකා හමුදාවේ 57 වන යුද සේවා ලේකම් ලෙස මේජර් ජෙනරල් ඩබ්ලිව්.එස්. ගමගේ RSP USP ndc psc, 2026 ජුනි මස 04 වන දින යුද්ධ හමුදා මූලස්ථානයේදී ධූරයේ රාජකාරීන් භාරගනු ලැබීය.

ශ්‍රී ලංකාව සහ මාලදිවයින යන රටවල් සඳහා ප්‍රංශ තානාපති වශයෙන් කටයුතු කරනු ලබන ගරු රෙමි ලැම්බර්ට් මහතා 2026 මැයි මස 25 වන දින සාම සාධක මෙහෙයුම් පුහුණු ආයතනයේ පුහුණු වැඩසටහන් සහ පහසුකම් නිරීක්‍ෂණය කිරීමේ නිල සංචාරයක නිරත විය.

යුද්ධ හමුදා විශේෂ බලකා බලසේනාව විසින් 2026 මැයි මස 26 වන දින කොළඹ අයි.ටී.සී. රත්නදීප හෝටල් පරිශ්‍රයේදී ‘Operation Hard Duck’ නමින් විශේෂ පුහුණු ක්‍රියාන්විත අභ්‍යාසයක් පවත්වන ලදී. නඟරබද පරිසරයක සිදුවන සන්නද්ධ ගැටුම් සඳහා විශේෂ බලකා භටයින්ගේ සටන් සූදානම සහ ක්‍රියාන්විත කාර්යක්ෂමතාව ඉහළ නැංවීම මෙම අභ්‍යාසයේ ප්‍රධාන අරමුණ විය.

2025 වසරේ ඇති වූ ‘දිට්වා’ සුළි කුණාටුවෙන් පසු සහන සේවා කටයුතු සඳහා මෙරටට පැමිණි ඉන්දීය හමුදා ඉංජිනේරු කාර්ය සාධක බලකා කණ්ඩායම දැක්වූ දායකත්වය අගයමින් 2026 මැයි මස 24 වන දින ශ්‍රී ලංකා ඉංජිනේරු බලකාය විසින් ඇගයීමේ උත්සවයක් පවත්වන ලදී.

යුද්ධ හමුදා යුධොපකරණ බලකායේ අභාවප්‍රාප්ත බ්‍රිගේඩියර් එම්.එල්. ජයරත්න (විශ්‍රාමික) ato ජ්‍යෙෂ්ඨ නිලධාරිගේ අවමංගල්‍ය උත්සවය 2026 මැයි මස 25 දින බොරැල්ල පොදු සුසාන භූමියේදී සිදුකෙරිණි.

ගැමුණු හේවා බලකායේ 27 වන රෙජිමේන්තු අධිපති වශයෙන් මේජර් ජෙනරල් කේ.එම්.වී. කොඩිතුවක්කු 2026 මැයි මස 24 වන දින කුරුවිට, ගැමුණු හේවා බලකා රෙජිමේන්තු මධ්‍යස්ථානයේදී සිය ධූරයේ රාජකාරී භාර ගනු ලැබීය.