මුල් පුවත්
යුද්ධ හමුදා සංවත්සරයට ආශීර්වාද පැතීමේ සර්වරාත්‍රික පිරිත් සජ්ඣායනාවක් පනාගොඩදී
යුද්ධ හමුදා 70 වන සංවත්සරයට සමගාමීව ශ්‍රී ලංකා යුද්ධ හමුදා බෞද්ධ බලමණ්ඩලය විසින් ඉකුත් සඳුදා (7) දින සන්ධ්‍යාවේ පනාගොඩ ශ්‍රී බෝධිරාජාරාමයේ දී (යුද්ධ හමුදා විහාරස්ථානය) සංවිධානය කරන ලද සර්වරාත්‍රික පිරිත් සජ්ඣායනාවට යුද්ධ හමුදා සාමාජිකයින් සහ ඔවුන්ගේ පවුල්වල සාමාජිකයින් විශාල පිරිසක් සහභාගී වූහ.
කිරිවෙහෙර පුදබිමේදී සහ කතරගම දේවාලයේදී යුද්ධ හමුදා ධජයන්ට සෙත් පතයි
70 වන යුද්ධ හමුදා සංවත්සරයට සමගාමිව යුද්ධ හමුදා ධජයන්ට සෙත් පැතීමේ ආශිර්වාද පූජාවක් සෙනසුරාදා (05) දින සන්ධ්‍යාවේ ඵෙතිහාසික කතරගම කිරිවෙහෙර දාගැබ අභියසදී හා කතරගම දේවාල පරිශ්‍රයේදී පැවැති අතර කතරගම පූජාභූමිය අලංකාරවත් කරමින් යුද්ධ හමුදා ධජ පෙරටු කරගත් යුද්ධ හමුදා නිලධාරීන් සහ සෙසුනිලයින් යුද්ධ හමුදා දිනයට (ඔක්තෝම්බර් මස 10 දිනට යෙදුණු) ආශිර්වාද එක්කිරීම සඳහා බැතිමතුන් සමඟ එක්විය.
අන්තර් රෙජිමේන්තු සරඹ සහ තූර්යවාදක තරඟාවලිය අති උත්කර්ෂවත් අන්දමින් නිමාවට
යුද්ධ හමුදා සාමාජිකයින් අතර විනය හා හැසිරීම උසස් මට්ටමක පවත්වාගැනීමේ අරමුණින් පවත්වනු ලැබූ අන්තර් රෙජිමේන්තු සරඹ, තුර්යවාදක කණ්ඩායම් සහ පියවර කෝදු තරඟාවලිය ශ්‍රී ලංකා යුද්ධ හමුදාවේ වඩාත් දර්ශනීය අංගයක් ලෙස ඉකුත් බ්‍රහස්පතින්දා (03) දින සන්ධ්‍යාවේ පනාගොඩ, ශ්‍රී ලංකා පාබල හමුදා රෙජිමේන්තු සරඹ භූමියේදී පැවැත්විණි.
70 වන යුද්ධ හමුදා සංවත්සරය වෙනුවෙන් ජයශ්‍රී මහා බෝ සමිඳු අභියස දී යුද්ධ හමුදා ධජයන්ට සෙත් පතයි
ඔක්තෝබර් මස 10 දිනට යෙදි තිබෙන 70 වන යුද්ධ හමුදා සංවත්සර සැමරුමට සමගාමීව සියලු යුද්ධ හමුදා ධජයන්ට ආශිර්වාද එක්කිරීමේ අරමුණින් පැවැති දෙවැනි ආගමික උත්සවය සම්ප්‍රදායික ‘හේවිසි’ සහ ‘මඟුල් බෙර’ හඬ මධ්‍යයේ ඓතිහාසික අනුරාධපුර ජය ශ්‍රී මහා බෝ සමිඳුන් අභිමුවෙහිදී අඟහරුවාදා (01) දින උදෑසන පැවැත්විණි.
ශ්‍රී ලංකාවේ ප්‍රමුඛතම සේවා සපයන්නා මෙන්ම මාතෘභූමියේ ආරක්‍ෂකයා වන ශ්‍රී ලංකා යුද්ධ හමුදාව 70 වන සංවත්සරයට ළඟාවෙයි
ශ්‍රී ලංකාවේ ප්‍රමුඛතම සේවා සපයන්නා මෙන්ම මාතෘභූමියේ ආරක්‍ෂකයා ලෙස නිර්භීත හා පරාර්ථකාමී පරිත්‍යාගයන් සිදුකරමින් පසුගිය දිනවල අසමසම වාර්තාවන් පිහිට වූ ශ්‍රී ලංකා යුද්ධ හමුදාවේ 70 වන යුද්ධ හමුදා දිනයට (ඔක්තෝම්බර් 10) සමගාමීව වර්ණ ධජයන්ට ආශීර්වාද කිරීමේ ප්‍රථම ආගමික වැඩසටහන අද (28) දින උදෑසන යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා ගේ ප්‍රධානත්වයෙන් මහනුවර ශ්‍රී දළඳා මාළිගාවේදී පවත්වනු ලැබීය.
නාවික හමුදාව සහ යුද්ධ හමුදාව තුළ ඇති මිත්‍ර සම්බන්ධතා තව තවත් වර්ධනය කිරිම තුළින් නව මඟකට ගමන් කළ හැකි බව යුද්ධ හමුදාධිපතිතුමන් පවසයි
යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා සිය ධූරයේ රාජකාරී ආරම්භ කිරිමෙන් අනතුරුව ප්‍රථම වතාවට සදුදා (16) දින උදෑසන නාවික හමුදා මූලස්ථානයේ සංචාරයක නිරත වූ අතර එහිදි යුද්ධ හමුදාධිපතිතුමන්ව ඉතා උණුසුම් අයුරින් පිළිගනු ලැබීය. අනතුරුව නාවික හමුදාධිපති කාර්යාලයේදී නාවික හමුදාධිපති වයිස් අද්මිරාල් පියල් ද සිල්වා සමඟ අවබෝධය, හොඳහිත, එකමුතුකම සහ ශක්තිමත් සම්බන්ධතාවයන් තුළින් නව යුගයක් කරා ගමන් කරන ආකාරය පිළිබඳ සුහඳ සාකච්ඡාවක නිරත විය.
යුද්ධ හමුදාධිපතිතුමන් රෙජිමේන්තු සැරයන් මේජර්වරුන් අමතයි
යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා අඟහරුවාදා (10) දින දිවයින පුරා සේවයේ නියුතු රෙජිමේන්තු සැරයන් මේජර්වරුන් 200 කට අධික පිරිසක් පළමුවරට අමතමින් “වඩාත් ඵලදායී සන්නිවේදකයන් වන ඔබ යුද්ධ හමුදාවේ කොඳු නාරටිය වන අතර ඔබේ රෙජිමේන්තුවේ පරිපාලන හා සැපයුම් කටයුතු කැපවීමෙන් යුතුව ඉටුකිරීමේදී නිලධාරීන් සහ සෙසුනිලයන් සමඟ ඇති බැඳීම සංවිධානයේ පැවැත්මට උපකාරී වේ” යනුවෙන් පැවසීය.
සාලියපුර ගජබා රෙජිමේන්තුවේ පැවැති විශේෂ උත්සවයකදී ගජබා රෙජිමේන්තුවේ පළමු යුද්ධ හමුදාධිපතිතුමන් උණුසුම් අයුරින් පිළිගනී
ගජබා රෙජිමේන්තු ඉතිහාසයේ පළමු යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා, ශ්‍රී ලංකා යුද්ධ හමුදාවේ 23 වන යුද්ධ හමුදාධිපති ලෙස සිය ධූරයේ රාජකාරී භාරගැනීමෙන් අනතුරුව ඉකුත් සෙනසුරාදා (31) දින සාලියපුර පිහිටි ගජබා රෙජිමේන්තු මූලස්ථාන වෙත සපැමිණි අතර එහිදී පැවැති හමුදා සම්ප්‍රදායානුකූල උත්සවයකදී යුද්ධ හමුදාධිපතිතුමන්ව උණුසුම් අයුරින් පිළිගනු ලැබීය.
‘9 වන කොළඹ ආරක්‍ෂක සමුළුව - 2019’ බුද්ධිමය සම්බන්ධතාවයන් පුළුල් කරමින් උත්සවාකාරයෙන් ආරම්භ කෙරේ
ලොවපුරා වූ ආරක්‍ෂාව සබැඳි පාර්ශවකරුවන්, විද්වතුන් සහ ආරක්‍ෂක විශේෂඥයින් රැසකගේ සහභාගිත්වයෙන් 'සමකාලීන ආරක්‍ෂක වටපිටාව තුළ විකාසනය වන හමුදාමය විශිෂ්ටත්වය' (Evolving Military Excellence in the Contemporary Security Landscape) යන තේමාව ඔස්සේ මෙවරත් ‘කොළඹ ආරක්‍ෂක සමුළුව - 2019’ අද (29) දින උදෑසන බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී නිල වශයෙන් ආරම්භ විය.
නව යුද්ධ හමුදාධිපතිතුමන් සිය මතකයන් අවධි කරමින් මිහිඳු සෙත් මැඳුරේ සංචාරයක
යුදබිමේදී තිබූ සහෝදර සබඳතා සහ සාමූහික වගකීම සිහිපත් කරමින් නව යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා සහ යුද්ධ හමුදා සේවා වනිතා ඒකකයේ සභාපති සුජීවා නෙල්සන් මහත්මිය එතුමන්ගේ දියණියන් ද සමඟ අද (23) දින උදෑසන ආබාධිතව ප්‍රතිකාර ලබමින් විරෝදාර රණවිරුවන්ගේ සුවදුක් සොයාබැලීම සඳහා රණවිරුවන් 50 කට වැඩිපිරිසක් නේවාසිකව ප්‍රතිකාර ලබන අත්තිඩිය මිහිඳු සෙත් මැඳුරෙහි සංචාරයක නිරත විය.