31st May 2023 20:37:09 Hours
ආරක්ෂක සේනා මූලස්ථානය - මුලතිව් යටතේ පාලනය වන 57 පාබල සේනාංක බලප්‍රදේශයේ යුද්ධ හමුදාව සහ සිවිල් ජනතාව අතර, සංහිදියාව ප්‍රවර්ධනය කරගැනීම සඳහා සහ කිලිනොච්චි ප්‍රදේශයේ සිසුන්ගේ ක්‍රීඩා කුසලතා වැඩිදියුණු කිරීමේ අරමුණින් කිලිනොච්චිය ක්‍රීඩා සංකීර්ණයේදී අත්පන්දු පුහුණු වැඩමුළුවක් මැයි 26 සහ 27 යන දිනයන්හිදී පවත්වන ලදී.
මෙම වැඩමුළුව සඳහා සිසුන් 150 දෙනෙකු සහ පාසල් ක්‍රීඩා උපදේශකවරුන් 12 දෙනෙකු සහභාගී වූ අතර, ශ්‍රී ලංකා යුද්ධ හමුදා අත්පන්දු පුහුණු කමිටුවේ උපදේශකයින් විසින් වැඩමුළුව මෙහෙයවන ලදී.
571 පාබල බලසේනාවේ, 7 ශ්‍රී ලංකා පාබල හමුදාව සහ 9 ශ්‍රී ලංකා සිංහ රෙජිමේන්තුවේ භට පිරිස් එක්ව මේ සඳහා කටයුතු සම්පාදනය කරන ලදී.
වැඩමුළුවේ සමාප්ති උත්සවය සඳහා 57 පාබල සේනාංකයේ සේනාංකාධිපති මේජර් ජෙනරල් ජේ.සී.පී පීරිස් ආර්ඩබ්ලිව්පී ආර්එස්පී එන්ඩීයූ, ජ්‍යෙෂ්ඨ නිලධාරීන්, නිලධාරීන්, සෙසු නිලයින්, කිලිනොච්චි කලාප අධ්‍යාපන කාර්යාලයේ සහකාර අධ්‍යාපන අධ්‍යක්ෂ කහද සෙල්වන් මහතා සහ ගුරුභවතුන් ඇතුළු පිරිසක් සහභාගී වූහ.
