01st June 2023 20:48:26 Hours
අන්තර් රෙජිමේන්තු මල්ලවපොර තරඟාවලිය - 2023, පනාගොඩ යුද්ධ හමුදා ගෘහස්ථ ක්‍රීඩාංගනයේ දී මල්ලවපොර ක්‍රීඩක ක්‍රීඩිකාවන් රැසකගේ සහභාගීත්වයෙන් පසුගිය මැයි මස 25 දින සිට 28 දින දක්වා පැවැත්විණි.
ශ්‍රී ලංකා යුද්ධ හමුදාවේ රෙජිමේන්තු නියෝජනය කරමින් මල්ලවපොර ක්‍රීඩක ක්‍රීඩිකාවන් 150 දෙනෙකු මෙම තරඟාවලියට සහභාගී විය.
පිරිමි අංශයේ මල්ලව පොර ශූරතාව ශ්‍රී ලංකා සිංහ රෙජිමේන්තු කණ්ඩායම හිමිකරගත් අතර, අනුශූරතාව ශ්‍රී ලංකා ඉංජිනේරු බලකා කණ්ඩායම හිමිකරගත්තේය. ආධුනික අංශයේ මල්ලව පොර ශූරතාව ශ්‍රී ලංකා පාබල රෙජිමේන්තු කණ්ඩායමටත් අනුශූරතාව ශ්‍රී ලංකා සිංහ රෙජිමේන්තු කණ්ඩායමටත් හිමිවිය.
කාන්තා අංශයේ මල්ලව පොර ශූරතාව ශ්‍රී ලංකා යුද්ධ හමුදා කාන්තා බලකා කණ්ඩායම හිමිකර අතර, අනුශූරතාව ශ්‍රී ලංකා ඉංජිනේරු බලකා කණ්ඩායම හිමිකර ගන්නා ලදී.
තරඟාවලියේ අවසන් දින වූ ඉකුත් මැයි මස 28 වන දින ප්‍රධාන ආරාධිත අමුත්තා ලෙස සහභාගී වූ 23 පාබල සේනාංකයේ සේනංකාධිපති සහ යුද්ධ හමුදා මල්ලවපොර කමිටු සභාපති මේජර් ජෙනරල් එස්.ඒ කුලතුංග ආර්ඩබ්ලිව්පී ආර්එස්පී යූඑස්පී පීඑස්සී විසින් තරඟාවලියේ ජයග්‍රාහකයින්ට සහ තරඟය සඳහා සහභාගී වූවන් සඳහා සහතිකපත් ප්‍රදානය කිරීම සිදු කරන ලදී.
උත්සව අවස්ථාවට යුද්ධ හමුදා ජ්‍යෙෂ්ඨ නිලධාරීන්, නිලධාරීන් සහ සෙසු නිලයින් වූහ.
