12th May 2023 18:37:38 Hours
ආරක්ෂක සේනා මූලස්ථානය - වන්නි යටතේ ස්ථාපිත 56 වන පාබල සේනාංකයේ 562 පාබල බලසේනාවේ සම්බන්ධීකරණයෙන් වවුනියාව, පෙරියවලයන්කඩ්ඩු ප්‍රදේශයේ සින්නවලයන්කඩ්ඩු පාසලේ ඉගෙනුම ලබන ආර්ථික දුෂ්කර මධ්‍යයේ අධ්‍යාපනය හදාරන පවුල්වල පාසල් සිසුසිසුවියන් 40 දෙනෙකු වෙත පාසල් පාවහන් තොගයක් ප්‍රදානය කරන ලදී.
562 පාබල බලසේනාවේ බලසේනාධිපති බ්‍රිගේඩියර් ජේ.එම්.ඒ ජයසේකර ආර්එස්පී යූඑස්පී විසින් සිදුකරනු ලැබූ ඉල්ලීමකට අනුව ‘TM Enterprises Ltd’ හි කළමනාකාර අධ්‍යක්‍ෂ ආර්.එම් පතිරාජ මහතා විසින් එම පාවහන් සඳහා මූල්‍යමය අනුග්‍රාහකත්වය දක්වන ලදී.
15 (සෙව්) ශ්‍රී ලංකා සිංහ රෙජිමේන්තුවේ අණදෙන නිලධාරී මේජර් ඒ.එම්.ඩී.එස් තිලකරත්න ගේ උපදෙස් මත එම ඒකකයේ භටපිරිස් විසින් පසුගිය අඟහරුවාදා (09) දින පෙරියවලයන්කඩ්ඩු හි පිහිටි 562 පාබල බලසේනා මූලස්ථානය වෙත පැමිණ පරිත්‍යගයන් ලබාගැනීමට අවශ්‍ය පහසුකම් සලසා දෙනු ලැබීය.
උත්සව අවස්ථාව සඳහා 56 පාබල සේනාංකයේ සේනාංකාධිපති මේජර් ජෙනරල් එච්.ජී.පී.එම් කාරියවසම් ආර්එස්පී එන්ඩීසී පීඑස්සී, අනුග්‍රාහක භවතුන්, යුද්ධ හමුදා ජ්‍යෙෂ්ඨ නිලධාරීන්, නිලධාරීන්, පාසල් ගුරුභවතුන් සහ ප්‍රථිලාභී පාසල් සිසුසිසුවියන් සහභාගී වූහ.
