Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

15th June 2016 19:51:07 Hours

ස්විස්ටර්ලන්ත තානාපති සහ යාපනය ආඥාපතිතුමා අතර හමුවක්

ශ්‍රී ලංකාවේ සංචාරයක නියුතු ස්විස්ටර්ලන්ත තානාපති හෙයින්ස් වෝකර් නෙදර්කෝන් මහතා අඟහරුවාදා (14) දින යාපනය ආරක්ෂක සේනා මූලස්ථානයේ දී එම ආරක්ෂක සේනා ආඥාපති මේජර් ජෙනරාල් මහේෂ් සේනානයක හමු විය. එහිදී යාපනය ආරක්ෂක සේනා ආඥාපතිතුමා විසින් තානාපතිවරයා උණුසුම්ව පිළිගත් අතර, එම ප්‍රදේශයේ ආරක්ෂක තත්වය, යුද හමුදාව සහ සිවිල් ජනතාව අතර සම්බන්ධීකරණ කටයුතු සහ යාපනය ප්‍රදේශයේ ජනතාව වෙනුවෙන් යුද හමුදාව විසින් සිදු කරනු ලබන සුබ සාධන ව්‍යාපෘති පිළිබඳව ද කෙටියෙන් කරුණු ඉදිරිපත් කරනු ලැබීය. එමෙන්ම ආඥාපතිතුමා විසින් ඉදිරියේ දී ඇතිවන අභියෝගවලට යුද හමුදා සාමාජිකයින් මුහුණ දීමට පුහුණු වන ආකාරය පිළිබඳව සහ ජාතිය ගොඩනැගීමේ ව්‍යාපෘතිය සඳහා ඇති හමුදා දායකත්වය පිළිබඳව ද වැඩිදුරටත් කරුණු ඉදිරිපත් කරනු ලැබීය. මෙහිදී යාපනය ආරක්ෂක සේනා ආඥාපතිතුමා විසින් සුහද හමුව අවසානයේ ස්විස්ටර්ලන්ත තානාපතිවරයා වෙත සමරු තිළිණයක් ද පිරිනමනු ලැබීය.affiliate link trace | Ανδρικά Nike