13th March 2025 10:34:58 Hours
‘ක්ලීන් ශ්‍රී ලංකා’ වැඩසටහනේ තවත් එක් අදියරක් ලෙස 542 පාබල බලසේනාව වෙතින් 2025 මාර්තු මස 08 දින මන්නාරම නගර ශාලාවේදී සංස්කෘතික නර්තන තරඟාවලියක් පැවැත්වීය. ‘දමිළ සංස්කෘතික නර්තනයේ වටිනාකම්’ තේමාව ඔස්සේ පැවති මෙම වැඩසටහන ජනවාර්ගික හා සමාජීය වශයෙන් සමඟිය ප්‍රවර්ධනය කිරීම, පාසල් සිසු සිසුවියන්ගේ කුසලතා වැඩිදියුණු කිරීම සහ යුද්ධ හමුදාව හා මන්නාරම ප්‍රදේශවාසීන් අතර පවතින විශ්වාසය ශක්තිමත් කිරීමේ අරමුණින් ක්‍රියාත්මක කරන ලදී.
මෙම තරඟාවලිය සඳහා මන්නාරම සහ මඩු ප්‍රදේශ නියෝජනය කරමින් පාසල් කණ්ඩායම් 14 ක් සහභාගි වූහ.
54 පාබල සේනාංකයේ සේනාංකාධිපතිගේ මඟපෙන්වීමත්, 542 පාබල බලසේනාවේ බලසේනාධිපතිගේ උපදෙස් සහ 4 බලඇණිය ගජබා රෙජිමේන්තුවේ හා 8 බලඇණිය විජයබාහු පාබල රෙජිමේන්තුවේ අණදෙන නිලධාරින්ගේ අධීක්‍ෂණය මත මෙම තරඟාවලිය සංවිධානය කෙරිණි.
