01st May 2025 20:40:07 Hours
ශ්‍රී ලංකා යුද්ධ හමුදාවේ නියෝජ්‍ය මාණ්ඩලික ප්‍රධාන මේජර් ජෙනරල් ඒ.එච්.එල්.ජී අමරපාල RWP RSP ndc psc ගේ මඟ පෙන්වීම යටතේ මෙරට යුද්ධ හමුදා කණ්ඩායමක් විසින් රුසියානු හමුදා දූත පිරිසක් සමඟ 2025 අප්‍රේල් මස 28 දින යුද්ධ හමුදා මූලස්ථානයේදී ප්‍රථිත්‍රස්ත යුධ අභ්‍යාසයක් සඳහා මූලික සැලසුම් පිළිබඳව වූ සාකච්ඡාවක් පැවැත්වීය.
මෙම සාකච්ඡාවේදී දෙරටෙහි හමුදාවන්ගේ උපායශීලී විශේෂඥතාවයන්, මෙහෙයුම් අත්දැකීම් සහ ප්‍රථිත්‍රස්ත යුද හැකියාවන් වැඩිදියුණු කිරීම සඳහා භාවිතා වන නව පිළිවෙත් පිළිබඳව ගැඹුරින් සාකච්ඡා කරන ලදී. තවද, දෙරටෙහි හමුදාවන් අතර සහයෝගීතාවය සහ අවබෝධය වැඩි දියුණු කිරීම ද මෙමගින් සිදුවිය.
වැඩමුළුව අවසානයේදී දෙපාර්ශවය අතර සමරු තිළිණ හුවමාරුවක්ද සිදුවූහ.
