රුහුණු කතරගම මහා දේවාලයේ නව මුළුතැන්ගෙය සහ පියගැටපෙළ ඉදිකිරීමට යුද්ධ හමුදා භටපිරිස්හි දායකත්වය

රුහුණු කතරගම මහා දේවාලයේ බස්නායක නිලමේතුමන්ගේ ඉල්ලීමකට ප්‍රතිචාර දක්වමින් 12 පාබල සේනාංකයේ සේනාංකාධිපතිතුමන් විසින් එම දේවාලය සඳහා නව මුළුතැන්ගෙයක් ඉදිකිරීමට සහ බැතිමතුන්ට මැණික් ගඟේ සිට දේවාල පරිශ්‍රයට පිවිසීමට නව පියගැටපෙළක් ඉදිකිරීමේ කටයුතු ආරම්භ කරනු ලැබීය.

12 පාබල සේනාංකය, 18 ගැමුණු හේවා බලකාය සහ 3 ශ්‍රී ලංකා ජාතික ආරක්‍ෂක බලමුළුවට අනුයුක්ත ඉංජිනේරු සේවා රෙජිමේන්තුවේ භටපිරිස් විසින් සති හතරකට අඩු කාලසීමාවක් තුළ මෙම ව්‍යාපෘතිය සාර්ථකව නිමකිරීම සඳහා ඔවුන්ගේ ශ්‍රම දායකත්වය ලබාදුන්හ.