ශ්‍රී ලංකා ක්‍රිකට් ආයතනය මගින් සංවිධානය කරනු ලැබු ඩයලොග් ක්‍රිකට් වර්ණ රාත්‍රිය - 2016 මගින් යුද හමුදා ක්‍රිකට් ක්‍රිඩකයින් සඳහා සම්මාන පිරිනැමීමේ උත්සවයක් සඳුදා (19) දින රාත්‍රියේදි ටාජ් සමුද්‍රා හෝටලයේදි පවත්වනු ලැබීය.
මෙම වැඩසටහනේදි 1 වන ශ්‍රී ලංකා යුද හමුදා යුධෝපකරණ බලකායේ බලලත් නිලධාරි II එස්. ප්‍රසන්න 2015 / 2016 පැවති 20/20 ප්‍රිමියර් ක්‍රිකට් තරඟාවලියේ දක්ෂතම තුන් ඉරියව් ක්‍රිඩකයා ලෙස සම්මාන ලැබීය.
9 වන ශ්‍රී ලංකා කාලතුවක්කු හමුදාවේ ලාන්ස් බොම්බඩියර් එල්.කේ. ෆැන්සිස්කෝ සහ 4 වන ශ්‍රී ලංකා කාලතුවක්කු හමුදාවේ ලාන්ස් බොම්බඩියර් ඒ.ඒ.එන්. පෙරේරා 2015 පැවති වයස 23 න් පහල 20/20 ප්‍රිමියර් ලීග් තරඟාවලියේ දෙවන කාණ්ඩයේ ශුරතාවය වෙනුවෙන් සම්මානය ලැබීය.
එමෙන්ම, 1 වන ශ්‍රී ලංකා යුද හමුදා යුධෝපකරණ බලකායේ බලලත් නිලධාරි II එස්. ප්‍රසන්න සහ ලාන්ස් කෝප්‍රල් ඒ.ජේ.සී ද සිල්වා 2015 / 2016 පැවති 20/20 පළමු කොටස ප්‍රීමියර් ක්‍රිකට් තරගාවලියේ සම ශූරතාවය වෙනුවෙන් සම්මාන ලැබූහ.
ජ්‍යෙෂ්ඨ නිලධාරීන්, සෙසු නිලයින්, ක්‍රිකට් ක්‍රීඩකයින්, ආරාධිතයින් මෙම වර්ණ රාත්‍රිය සඳහා එක්ව සිටියහ.
buy footwear | Nike Air Max
