10th November 2023 08:46:40 Hours
ඉපලෝගම යුද්ධ හමුදා සේවා වනිතා ඒකකය යටතේ පාලනය වන ‘විරු කැකුළු’ පෙර පාසලේ ඉගෙනුම ලබන ළමුන්ගේ වාර්ෂික විවිධප්‍රසංගය කැකිරාව, මධ්‍ය මහා විද්‍යාලයේදී පසුගිය සඳුදා (නොවැම්බර් මස 06) දින පැවැත්විණි.
උත්සව අවස්ථාවට ප්‍රධාන ආරාධිත අමුත්තා වශයෙන් යුද්ධ හමුදා සේවා වනිතා ඒකකයේ සාමාජිකා සහ එම පෙර පාසලේ ප්‍රධානී නෙලූකා නානායක්කාර මහත්මිය සහභාගී විය.
උත්සව අවස්ථාවට පැමිණි නෙලූකා නානායක්කාර මහත්මිය විරු කැකුළු පෙර පාසලේ කුඩා දැරියක් විසින් ඉතා උණුසුම් ලෙස පිළිගන්නා ලද අතර, අනතුරුව සම්භාවනීය ආරාධිතයින් සම්ප්‍රදායික පොල් තෙල් පහන දල්වා උත්සවයේ ආරම්භය සනිටුහන් කළ අතර, පෙර පාසලේ ඉගෙනුම ලබන සියලුම දරු දැරියන්ගේ සහභාගීත්වයෙන් විවිධප්‍රසංගය පැවැත් වූ අතර, එහිදී දරු දැරියන් නර්ථනාංග සහ විවිධ කලා කුසලතාවයන් එම අවස්ථාවට සහභාගී වූ පිරිස වෙත ඉදිරිපත් කරනු ලැබූහ.
උත්සව අවස්ථාවට ආරක්ෂක සේනා ආඥාපති - වන්නි, මේජර් ජෙනරල් ඩබ්ලිව්.පී.ඒ.ඩී.ඩබ්ලිව් නානායක්කාර ආර්එස්පී වීඑස්වී යූඑස්පී එන්ඩීයූ, 21 පාබල සේනාංකයේ සේනාංකාධිපති මේජර් ජෙනරල් අයි.ඒ.එන්.බී පෙරේරා ආර්ඩබ්ලිව්පී යූඑස්පී එන්ඩීයූ පීඑස්සී, ජ්‍යෙෂ්ඨ නිලධාරීන්, නිලධාරීන්, දෙමාපියන්, පෙර පාසල් කාර්යය මණ්ඩලය සහභාගී වූහ.
