05th January 2024 16:22:28 Hours
ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපතිතුමන්ගේ දැක්මට අනුව රටේ පවතින බලශක්ති අර්බුදයට පිළියමක් ලෙස පුනර්ජනනීය බලශක්තිය භාවිත කිරීම මේ විට සිදුකරමින් පවතී. ඊට සමගාමීව ආරක්ෂක සේනා මූලස්ථානය - වන්නි කඳවුරු පරිශ්‍රය තුල ආරක්ෂක සේනා ආඥාපති - වන්නි මේජර් ජෙනරල් ඩබ්ලිව්.පී.ඒ.ඩී.ඩබ්ලිව්. නානායක්කාර ආර්එස්පී වීඑස්වී යූඑස්පී එන්ඩීයූ ගේ උපදෙස් මත කිලෝවොට් 125 ක සූර්ය බලශක්ති ව්‍යාපෘතියක් පසුගිය ඉරිදා (දෙසැම්බර් මස 03) දින විවෘත කරන ලදී. මෙම සූර්ය බලශක්ති ව්‍යාපෘතිය මඟින් ජාතික විදුලිබල පද්ධතියට මසකට කිලෝවොට් පැය 15000 ක විදුලියක් ජනනය කරන අතර, එමඟින් ලැබෙන ආදායමෙන් කොටසක් භටපිරිස්හි සුබසාධනය සඳහා වෙන් කරනු ලබයි.
විවෘත කිරීමේ අවස්ථාවට ආරක්ෂක සේනා මූලස්ථානය - වන්නි ජ්‍යේෂ්ඨ නිලධාරීන්, නිලධාරීන් සහ සෙසු නිලයින් සහභාගී වූහ.
