30th May 2023 21:50:22 Hours
1 ශ්‍රී ලංකා ජාතික ආරක්ෂක බලමුළුවේ භටපිරිස් වයඹ අභ්‍යාස ආයතනය සමඟ එක්ව කෝන්වැව මහා විද්‍යාලයේ සහ කුරුණෑගල සේනානායක මහා විද්‍යාලයේ සිසුන් 70ක් සඳහා “හරිත නියමුවෝ” වැඩමුළුවක් මැයි මස 27 දින වයඹ පුහුණු ආයතනයේදී පවත්වන ලදී. හරිත කෘෂිකාර්මික ක්ෂේත්‍රයේ සාර්ථක නායකයින් බවට පත්වීමට අවශ්‍ය කුසලතා සහ දැනුමෙන් සිසුන් සන්නද්ධ කිරීම සඳහා මෙම වැඩමුළුව තුළින් සැලසුම් කර ඇති අතර, වැඩමුළුවේදී 1 ශ්‍රී ලංකා ජාතික ආරක්ෂක බලමුළුවේ භටපිරිස් විසින් ශාරීරික පුහුණු උපදේශකයින් ගේ දැනුම සහ න්‍යායාත්මක සහ ප්‍රායෝගික කණ්ඩායම් ක්‍රියාකාරකම් ඇතුළත් නායකත්ව සැසි පවත්වන ලදී. සිසුන්ගේ නායකත්ව කුසලතා වර්ධනය කර ගැනීමටත් හරිත කෘෂිකර්මය පිළිබඳ ඔවුන්ගේ දැනුම වැඩි දියුණු කිරීමටත් මෙම ක්‍රියාකාරකම් අවශ්‍ය වේ. වැඩමුළුවේදී, ආහාර සුරක්ෂිතතාව, කාලගුණික විපර්යාස, පොහොර යෙදීම, ජලය දැමීම, හිරු එළිය සාධක, ගෝලීය ආහාර සුරක්ෂිතතා වැඩසටහන් සහ තවත් බොහෝ දේ ඇතුළුව හරිත කෘෂිකර්මයේ විවිධ අංශ පිළිබඳව දැනුම සහභාගිවන්නන් සඳහා ලබාදුන් අතර, මෙම වැඩමුළුවල අරමුණ වූයේ තරුණ තරුණියන්ට ඔවුන්ගේ අනාගතය භාර ගැනීමට සහ ඔවුන්ගේ ප්‍රජාවන්හි නායකත්වය ගැනීමට අවශ්‍ය බලගැන්වීම් ලබාදීමය.
වැඩමුළුවේ සාර්ථකත්වය සඳහා 1 ශ්‍රී ලංකා ජාතික ආරක්ෂක බලමුළුවේ භටපිරිස් විශාල කාර්යභාරයක් ඉටු අතර, වැඩමුළුව ආරක්ෂක සේනා ආඥාපති - බටහිර ගේ උපදෙස් මත 143 පාබල බලසේනාවේ බලසේනාධිපති සහ 1 ශ්‍රී ලංකා ජාතික ආරක්ෂක බලමුළුවේ අණදෙන නිලධාරීගේ අධීක්‍ෂණය යටතේ පවත්වන ලදී. තවද, එහිදි හරිත කෘෂිකාර්මික ක්ෂේත්‍රයේ සාර්ථක නායකයින් බවට පත්වීමට අවශ්‍ය කුසලතා සහ දැනුම වර්ධනය කර ගැනීමට භටපිරිස් විසින් සිසුන්ට වටිනා මග පෙන්වීමක් සහ දැනුමක් ලබා දුන්හ. 143 පාබල බලසේනාව යටතේ ස්ථාපිත 16 ගජබා රෙජිමේන්තුවේ භටපිරිස් මැයි මස 20 සහ 21 දිනයන් තුළ හලාවත ශ්‍රී සුජාතා විද්‍යාලයේ ශිෂ්‍ය නායකයින් 23 දෙනෙකු සඳහා ‘නායකත්වය’ පිළිබඳ දෙදින පුහුණු වැඩමුළුවක් පැවැත්වීමට අවශ්‍ය සහය ලබාදුන්හ. මෙම වැඩමුළුව 143 පාබල බලසේනාවේ බලසේනාධිපතිගේ උපදෙස් මත 16 ගජබා රෙජිමේන්තුවේ අණදෙන නිලධාරී ගේ සහය ඇතිව පැවැත්විණි. එම වැඩමුළුව තුළින් නායකත්ව කුසලතා සහ ශිල්පීය ක්‍රම මෙන්ම කණ්ඩායම් ක්‍රියාකාරකම්වල වැදගත්කම, සන්නිවේදනය, ශිල්පීය ක්‍රම, විනය සහ ජීවිතයේ අභියෝගවලට නිවැරදිව මුහුණ දිය හැකි ආකාරය පිළිබද දැනුම සහ අවබෝධයක් ලබාදුන්හ.
