අක්කරෙයිපත්තු ප්‍රදේශයේ මාර්ගයට වැටී තිබූ ගසක් ඉවත් කිරිමට 11 ශ්‍රී ලංකා ජාතික ආරක්‍ෂක බළමුළුවේ භටපිරිස්හි දායකත්වය

අක්කරෙයිපත්තු, ශ්‍රී විජයාරාම විහාරස්ථානය භූමිය වෙත ජනවාරි මස 10 දින කඩා වැටුණු ගසක් ඉවත් කිරීමට 11 ශ්‍රී ලංකා ජාතික ආරක්‍ෂක බළමුළුවේ භටපිරිස් සිය දායකත්වය දැක්වූහ. අධික වර්ෂාව හා දැඩි සුළං තත්ත්වයත් සමඟ මෙම ගස කඩා වැටීම හේතුවෙන් දම්මරතන සිංහල විද්‍යාලය වෙත යන මාර්ගය අවහිර වී වාහන ගමනාගමනයට බාධා එල්ලවී ඇති අතර ප්‍රදේශයේ විදුලිය ද විසන්ධි වී ඇත.

අක්කරෙයිපත්තු මහ නගර සභාවේ සහ විදුලිබල මණ්ඩලයේ නිලධාරින්ගේ සහයෝගය මත භටපිරිස් කඩාවැටුණු ගස ඉවත් කර එම මාර්ගයේ ගමනාගමන කටයුතු යථා තත්ත්වයට පත්කළ අතර විදුලි සැපයුම ද යළි ස්ථාපිත කිරීමට කටයුතු කරනු ලැබීය.