30th March 2023 23:04:08 Hours
ශ්රී ලංකා කායවර්ධන සම්මේලනය විසින් සංවිධානය කරන ලද 74 වන ‘මිස්ටර් ශ්රී ලංකා ජාතික කායවර්ධන ශූරතාවලිය 2023’ මාර්තු මස 26 දින කොළඹ ටවර් හෝල් හිදී පැවති අතර ඒ සඳහා සහභාගි වූ යුද්ධ හමුදා කායවර්ධන ක්රීඩකයින් රන් පදක්කම් 2 ක්, රිදී පදක්කම් 4 ක් සහ ලෝකඩ පදක්කමක් දිනාගත්හ.
මෙම තරඟාවලිය සඳහා ශ්රී ලංකා යුද්ධ හමුදා කණ්ඩායම ඇතුළු දිවයින පුරා ක්රීඩා සමාජ 9 ක් නියෝජනය කරමින් සහභාගී වූ කායවර්ධන ක්රීඩකයින් 377 දෙනෙකු කිලෝ ග්රෑම් 60, 65, 75, 75, 80, 85 සහ 90 යන බර ඛාණ්ඩ යටතේ තරඟවැදිණි.
තරඟාවලියේ අනුශූරතාවය දිනාගැනීමට 2 වන (ස්වෙච්ඡා) ශ්රී ලංකා යුද්ධ හමුදා පොදු සේවා බලකායේ ලාන්ස් කෝප්රල් එම්.වයි.ඩබ්ලිව්. පුෂ්පකුමාර සමත්වූවේය.