55 පාබල සේනාංකයේ මූලිකත්වයෙන් රුධිර පරිත්‍යාග වැඩසටහනක්

වෙසක් උත්සවයට සමගාමීව 55 පාබල සේනාංකය සහ කිලිනොච්චි දිස්ත්‍රික් මහ රෝහල ඒකාබද්ධව කිලිනොච්චි ප්‍රාදේශීය සෞඛ්‍ය සේවා අධ්‍යක්‍ෂ කාර්යාලයේ දී 2024 මැයි මස 17 දින රුධිර පරිත්‍යාග වැඩසටහනක් ක්‍රියාත්මක කරනු ලැබීය. කිලිනොච්චි දිස්ත්‍රික් මහ රෝහලේ රුධිර බැංකුවේ හිඟවෙමින් පවතින රුධිර සංචිතයන් සපුරාලීමේ අරමුණින් 55 පාබල සේනාංකයේ සේනාංකාධිපති මේජර් ජෙනරල් ආර්.කේ.එන්.සී. ජයවර්ධන ආර්එස්පී එන්ඩීසී ගේ මඟපෙන්වීම මත මෙම වැඩසටහන ක්‍රියාත්මක කෙරිණි.

කිලිනොච්චි දිස්ත්‍රික් මහ රෝහලේ සෞඛ්‍ය අවශ්‍යතාවයන්ට සහයවීම සඳහා සිවිල් වැසියන් සහ භටපිරිස් රැසක් මෙම වැඩසටහනේදී සිය රුධිරය පරිත්‍යාග කළහ. මෙම වැඩසටහන සඳහා ජ්‍යෙෂ්ඨ නිලධාරීන්, සෙසුනිලයන් සහ එම ප්‍රදේශයේ සිවිල් වැසියන් ඇතුළු පිරිසක් සහභාගි වූහ.