18 වන ගැමුණු හේවා භට පිරිස් ගින්න මැඩපවත්වයි

මධ්‍යම ආරක්ෂක සේනා මූලස්ථානය යටතේ ස්ථාපිත 12 වන සේනාංක භට පිරිස් විසින් බෙරගල ප්‍රදේශයේ ඇති වූ ගින්න සඳුදා (10) උදෑසන පාලනය කිරීම සඳහා වහා ක්‍රියා කරනු ලැබීය.

ඉරිදා උදෑසන සිට එම ගින්න පැතිර පවතින බවට  121 බලසේනාවෙහි වැල්ලවාය ප්‍රදේශයේ ස්ථාපිත 18 වන ගැමුණු හේවා රෙජිමේන්තු සෙබලුන් දැනුවත් කර ඇති අතර, ඒ අනුව ඔවුන් විසින් ගින්න පාලනය කිරීමට සමත් විය.

එම ගින්න මැඩපැවැත්වීම සඳහා යුද හමුදා සාමාජිකයින් 30 කට අධික පිරිසක් දායකත්වය දක්වනු ලැබීය.