Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

07th September 2016 16:32:45 Hours

‘රණවිරු රියල් ස්ටාර්’ අවසන් මහා තරඟ ඉදිරියේ දී

ත්‍රිවිධ හමුදා සාමාජිකයින්ගේ සැගවුණු ගායන කුසලතා ඔප් නැංවීමේ අදිටනින් ආරක්ෂක අමාත්‍යාංශය විසින් සංවිධානය කරනු ලැබූ ‘රණවිරු රියල් ස්ටාර්’ අදියර - V අවසන් 36 දෙනාගේ තරගය ඉරිදා (11) පැවැත්වීමට නියමිත අතර, අවසන් මහා තරඟයෙහි ජයග්‍රාහකයා හට ලබාදීමට නියමිත නව නිවස පිළිබඳව මාධ්‍ය සාකච්ඡාව මෙම තරඟාවලියෙහි ප්‍රධාන අනුග්‍රාහකයින් වන ඩයලොග් ආසියාටා පුද්ගලික ආයතනය, සොෆ්ට්ලොජික් හෝල්ඩින් ආයතනය, ටොයෝටා ලංකා පුද්ගලික ආයතනයන්හි නියෝජිතයින්ගේ ප්‍රධානත්වයෙන් පවත්වනු ලැබීය. එම මාධ්‍ය සාකච්ඡාව සඳහා පාර්ලිමේන්තු ප්‍රතිසංස්කරණ සහ ජනමාධ්‍ය අමාත්‍ය ගයන්ත කරුණාතිලක මැතිතුමා, ආරක්ෂක ලේකම් ඉංජිනේරු කරුණාසේන හෙට්ටආරච්චි මහතා, ආරක්ෂක මාණ්ඩලික ප්‍රධානී, යුද, නාවික සහ ගුවන් හමුදාපතිවරුන්, ඩයලොග් ආසියාටා ආයතනය, සොෆ්ට්ලොජික් හෝල්ඩින් ආයතනයෙහි සහ ටොයෝටා ලංකා ආයතනයෙහි ප්‍රධාන විධායක නිලධාරීන් සහ නාවික සහ ගුවන් හමුදා මාණ්ඩලික ප්‍රධානින් ද එක් වූහ. මීට පෙර වර්ෂයන් වලදී මෙන්ම මෙම වර්ෂයේ රණවිරු රියල් ස්ටාර් තරඟාවලිය ජාතික රූපවාහීනී නාලිකාව ඔස්සේ රාත්‍රී 7.00 සිට විකාශය වීමට නියමිත අතර, මෙම තරඟාවලියේ දී කෙටි පණිවිඩ සහ 60% ක් විනිශ්චය මණ්ඩලයේ තීරණයෙන් ජයග්‍රාහකයා තෝරා ගනු ලැබේ. රණවිරු රියල් ස්ටාර් අදියර - V හි දී ප්‍රථම ජයග්‍රාහකයා සඳහා රුපියල් මිලියන 20 ක් වටිනා සුඛෝපභෝගී නිවසක් ද, දෙවන ස්ථානය සඳහා මිලියන 6 ක් වටිනා නව ඇවන්සා වර්ගයේ මෝටර් රථයක් ද, තෙවන ස්ථානය සඳහා මුදලින් රුපියල් මිලියන 2 ක් ද, තරඟාවලියෙහි අවසන් 36 දෙනා වෙත සෑම අයෙක් සඳහාම නව නිවසක් සහ රුපියල් මිලියන 1.2 ක් වටිනා ගෘහ භාණ්ඩ ද ලබා දීමට නියමිතය.affiliate tracking url | New Balance 991 Footwear