Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

07th May 2016 17:41:35 Hours

ශ්‍රීලවියාඉ රෙජිමේන්තුව ට්‍රැක්ටර් රථ අලුත්වැඩියා කිරිමේ ව්‍යාපෘතියක් අරඹයි

නැගෙනහිර ආරක්ෂක සේනා ආඥාපති මේජර් ජෙනරාල් කේ.එම්.යූ. විජේරත්නගේ මඟපෙන්වීමෙන් එම ආරක්ෂක සේනා මූලස්ථානයට අයත් ට්‍රැක්ටර් රථ මාස 05 ක කාලසීමාවක් තුල දී අලුත්වැඩියා කිරීමේ ව්‍යාපෘතියක් පසුගිය බදාදා (04) දින ආරම්භ කරන ලදි. නැගෙනහිර ඉදිරි නඩත්තු පෙදෙස ආඥාපති බ්‍රිගේඩියර් ඒ.වී. රූපසිංහගේ අධික්ෂණයෙන් 3 වන ශ්‍රී ලංකා විදුලි හා යාන්ත්‍රික ඉංජිනේරු රෙජිමේන්තුවේ අණදෙන නිලධාරී ලුතිතන් කර්නල් කේ.ඒ.ආර්.කේ. ඩයස්ගේ මූලිකත්වයෙන් මෙම ව්‍යාපෘතිය ආරම්භ විය. දිර්ඝ කාලයක් තිස්සේ භාවිත කරනු ලබන එම ට්‍රැක්ටර් රථයන්හි ගියර් පෙට්ටිය, තිරිංග පද්ධතිය, සුක්කානම පද්ධතිය හා වර්ණ ගැන්වීම් වැනි මුලික අංග පිළිබඳ මෙහිදි විශේෂ අවධානයක් යොමුකරමින් ඒවායේ අලුත්වැඩියා සහ නඩත්තු කටයුතු සිදු කරනු ලැබේ. එවැනි වසර 06 ත් 19 ත් අතර කාලයක් පුරා භාවිතා කොට හානියට පත් වූ ට්‍රැක්ටර් රථ 12 ක් මෙම වැඩබිමේදීම සම්පූර්ණයෙන් අලුත්වැඩියා කර පැය 80 ක කාලයක් පරික්ෂා ධාවනයේ ද යොදවන ලදි. එම අලුත්වැඩියා කරන ලද ට්‍රැක්ටර් රථ පරීක්ෂා කර බලා මාස 6 ක වගකීමක් සමග නැවතත් අදාළ බලඇණි හා අනෙකුත් ස්ථාන වෙත යොමු කිරීමට නියමිතය.. නැගෙනහිර ආරක්ෂක සේනා ආඥාපති මේජර් ජෙනරාල් කේ.එම්.යූ. විජේරත්න, නැගෙනහිර ඉදිරි නඩත්තු පෙදෙස ආඥාපති බ්‍රිගේඩියර් ඒ.වී. රූපසිංහ, 3 වන ශ්‍රී ලංකා විදුලි හා යාන්ත්‍රික ඉංජිනේරු රෙජිමේන්තුවේ අණදෙන නිලධාරී ලුතිතන් කර්නල් කේ.ඒ.ආර්.කේ. ඩයස් ඇතුලු නිලධාරින් මෙන්ම සෙසු නිලයින් ද මෙම අවස්ථාව සඳහා එක්ව සිටියහ.Best jordan Sneakers | UOMO, SCARPE