28th July 2016 19:45:05 Hours

රෝද පුටු ටෙනිස් තරඟාවලියේ ගජබා රෙජිමේන්තු කණ්ඩායම හා කාලතුවක්කු හමුදා කණ්ඩායම සම ශූරතාවය දිනාගනී

ශ්‍රී ලංකා යුද හමුදා ටෙනිස් සංගමය විසින් සංවිධානය කරනු ලැබූ යුද හමුදා අන්තර් රෙජිමේන්තු රෝද පුටු ටෙනිස් තරඟාවලිය - 2016 හි අවසන් තරඟ ජුලි මස 25 සහ 26 යන දිනයන්හි ශ්‍රී ලංකා ටෙනිස් සංගම් පිටියේ දී පවත්වන ලදී. මෙවර තරඟාවලිය සඳහා රෙජිමේන්තු 6 ක ටෙනිස් ක්‍රීඩකයින් 17 දෙනෙකු සහභාගි විය. ඉතා තියුණු තරඟයකින් පසු ගජබා රෙජිමේන්තු ක්‍රීඩකයින් හා ශ්‍රී ලංකා කාලතුවක්කු හමුදා ක්‍රීඩකයින් තරඟාවලියේ සම ශූරතාවය දිනාගැනීමට සමත් විය. මෙවර තරඟාවලියෙහි දක්ෂතම ක්‍රීඩකයා ලෙස ලාන්ස් බොම්බොඩියර් ඩී.එස්.ආර් ධර්මසේන ජයග්‍රාහී කුසලානය දිනා ගනු ලැබීය. තරඟාවලියෙහි දක්ෂයින් සඳහා කුසලාන සහ සහතිකපත් ප්‍රදානය ශ්‍රී ලංකා කාලතුවක්කු හමුදා මධ්‍යස්ථාන සේනාවිධායක බ්‍රිගේඩියර් ඩබ්.ඩී.සී.කේ කොස්තා විසින් සිදු කරනු ලැබීය. තරඟාවලයෙහි අවසන් අවස්ථාව සඳහා ශ්‍රී ලංකා ටෙනිස් සංගමයේ සභාපති ප්‍රදීප් ගුණසේක මහතා, රෝද පුටු ටෙනිස් සංගමයේ ප්‍රධාන පුහුණුකරු අමල් ජගත් වැලිකල මහතා සහ ප්‍රවීන ටෙනිස් ක්‍රීඩක සැරයන් ජයශාන්ත ඇතුළු බොහෝ පිරිසක් තරඟය නැරඹීම සඳහා එක් විය. ප්‍රතිඵල විස්තරය පහතින් දැක්වේ. සම ශූරතාවය - ශ්‍රී ලංකා කාලතුවක්කු හමුදාව - ලාන්ස් බොම්බොඩියර් කේ.ඒ ධර්මකීර්ති - ඩී.එස්.ආර් ධර්මසේන ගජබා රෙජිමේන්තුව - කෝප්‍රල් ආර්.ඒ.එල් රණවීර - කෝප්‍රල් කේ.එම් කරුණාරත්න තෙවන ස්ථානය ශ්‍රී ලංකා සිංහ රෙජිමේන්තු - සැරයන් එම්.එම්.එල් සේනාරත්න - කෝප්‍රල් ඩබ්. ජී.ජේ විජේසිරි - කෝප්‍රල් එස්.ඒ.එස්.පී වීරසිංහ - කෝප්‍රල් එල්.ඩී.එස් ලියනගේNike air jordan Sneakers | Patike – Nike Air Jordan, Premium, Retro Klasici, Sneakers , Iicf

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

රෝද පුටු ටෙනිස් තරඟාවලියේ ගජබා රෙජිමේන්තු කණ්ඩායම හා කාලතුවක්කු හමුදා කණ්ඩායම සම ශූරතාවය දිනාගනී

Sinhala Footer

රාජ්‍ය අංශය

ආරක්ෂක

සුබසාධන