19th May 2016 12:51:44 Hours

රත්නපුර සහ අනුරාධපුර රණවිරු ස්මාරක වෙත පුෂ්පෝපහාර පුද කෙරේ

එළඹෙන රණවිරු සැමරුම් මාසය වෙනුවෙන් පැවැත්වෙන සමරු උත්සව දෙකක් අනුරාධපුර සහ රත්නපුර රණවිරු ස්මාරක අභියස දී පැවැත්විනි. රත්නපුර දී පැවැත් වූ සැමරුම් උත්සවයට ශ්‍රී ලංකා යුද හමුදා, ශ්‍රී ලංකා නාවික හමුදා, ශ්‍රී ලංකා ගුවන් හමුදා, ශ්‍රී ලංකා පොලීසිය, සිවිල් ආරක්ෂක දෙපාර්තමේන්තුව නියෝජනය කරමින් රණවිරුවන් ද රාජ්‍ය නිලධාරීන් සහ සබරගමුව පලාත් සභාවේ දේශපාලන සභිකයින් ද සහභාගි වූහ. මෙම අවස්ථාවට ප්‍ර‍ධාන ආරාධිත අමුත්තා ලෙස සහභාගි වූ ආණ්ඩුකාර මාර්ෂල් පෙරේරා මහතා රණවිරු ස්මාරකයට මල් කළඹ තැන්පත් කරමින් උපහාර පිදීය. ඉන් පසු සම්භාවනීය ආරාධිතයින් මෙන්ම දිවිපිදූ රණවිරුවන්ගේ ළඟම ඥාතින් ද තම ආදරණීයයන් වෙනුවෙන් මල් කලඹ තැන්පත් කොට සිය උපහාරය පුද කරනු ලැබීය. රණවිරු සේවා අධිකාරියේ උප සභාපතිනි උපුලංගනී මාලංගමුව මහත්මිය මෙම උත්සව සභාව අමතමින් රණවිරුවන් දේශය වෙනුවෙන් දිවි පුදා කළ කැප කිරීම ඉස්මතු කොට දැක්වූවාය. මෙම ජාතික රණවිරු සැමරුමේ තවත් එක් උත්සවයක් පසුගිය බදාදා (11) දින අනුරාධපුර දී පැවැත්විනි. උතුරු මැද පලාත් ආණ්ඩුකාර පී.බී. දිසානායක මහතා මීට ප්‍ර‍ධාන ආරාධිත අමුත්තා ලෙස සහභාගි වු අතර, හෙතෙම රණවිරු ස්මාරකයට පුෂ්පෝපහාර දැක්වීය. මෙම අවස්ථාවට සම්භාවනීය ආරාධිතයින් රැසක් එක්ව සිටියහ. ත්‍රිවිධ හමුදා සහ සිවිල් ආරක්ෂක දෙපාර්තමේන්තුවේ සාමාජිකයින් ද ඊට එක්ව සිටියහ. ආගමික වතාවත් සිදු කිරීම, පුෂ්පෝපහාර දැක්වීම, දිවි පිදූ රණවිරුවන් සිහි කරමින් ආචාර පුද කිරීම ආදිය ද මෙහි දි සිදු කෙරිනි. රණවිරු සේවා අධිකාරියේ සම්බන්ධීකරණයෙන් සබරගමුව සහ උතුරු මැද පලාත් සභා විසින් මෙම වාර්ෂික උත්සව අවස්ථාව සංවිධානය කලහ.jordan release date | UK Trainer News & Releases

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

රත්නපුර සහ අනුරාධපුර රණවිරු ස්මාරක වෙත පුෂ්පෝපහාර පුද කෙරේ

Sinhala Footer

රාජ්‍ය අංශය

ආරක්ෂක

සුබසාධන