29th December 2015 17:07:48 Hours

මුලන්කාවිල් පාසල් සිසුන්ට පාවහන් පිරිනමයි

රුපියල් 75,000.00 අධික වටිනාකමකින් යුත් පාසල් පාවහන් සිසුන් වෙත ප්‍රදානය කිරීමත් ඉරණමදනගර් දේවස්ථාන භූමිය ශ්‍රමදානයක් මඟින් පිරිසිදු කිරීමත් කිලිනොච්චි ආරක්ෂක සේනා මූලස්ථානය විසින් සිදු කරනු ලැබීය. කිලිනොච්චි ආරක්ෂක සේනා මූලස්ථාන ආඥාපති මේජර් ජෙනරාල් අමල් කරුණාසේකරගේ අධීක්ෂණය යටතේ 651 බලසේනාවේ බලසේනාධිපති කර්නල් ඒ.පී.අයි ප්‍රනාන්දුගේ මඟ පෙන්වීම මත පාසල් පාවහන් බෙදාදීම සිදු කෙරුණු අතර, ඒ සඳහා කොළඹ පදිංචි ජගත් පුෂ්පකුමාර, සුමිත් කල්දේරා, සජිත් කසුන් කුමාර, ඉසංක හර්ෂ කුමාර, සාගර සහ ඇනක්සි පෙරේරා යන මහත්ම මහත්මීන් මේ සඳහා අනුග්‍රහය දැක්වීය. පසුගිය බ්‍රහස්පතින්දා (24) දින මුලන්කාවිල් ප්‍රදේශයේ තෝරා ගත් පාසල් සිසුන් 50 දෙනෙකු සඳහා මෙසේ පාසල් පාවහන් බෙදාදුනි. රණවිරු සේවා සම්පත් මධ්‍යස්ථානයේ සේනාවිධායක බ්‍රිගේඩියර් ඩබ්.එච්.එම් මනතුංග, 651 බලසේනාධිපති කර්නල් ඒ.පී.අයි ප්‍රනාන්දු, කන්නන් දේවස්ථානයේ කුමාර් පූජකතුමා, ජ්‍යෙෂ්ඨ යුද හමුදා නිළධාරීන්, මුලන්කාවිල් පොලිස් ස්ථානාධිපති, පාසල් සිසුන්, පරිත්‍යාගශීලීන් සහ මව්පියන් ද මෙම අවස්ථාවට එක්ව සිටියහ. කිලිනොච්චි ඉරණමදනගර් දේවස්ථානයේ ප්‍රධාන පූජක ආනන්ද කුමාර් පියතුමන්ගේ ඉල්ලීමකට අනූව එම දේවස්ථානය ‘ශ්‍රමදානයක්’ මඟින් පිරිසිදු කිරීමේ වැඩසටහනක් පසුගිය 20 වන දින සිදු කරනු ලැබීය. ඒ සඳහා 19 වන ශ්‍රී ලංකා පාබල හමුදාව සහ 11 වන ගජබා රෙජිමේන්තුව දායකත්වය දක්වන ලදී. 651 බල සේනාධිපති කර්නල් ඒ.පී.අයි ප්‍රනාන්දුගේ උපදෙස් මත මෙම කර්තව්‍යය ඉටු කිරීම සඳහා හමුදා සෙබලු 40 දෙනෙක් පමණ සහභාගි වූහ.best shoes | Nike

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

මුලන්කාවිල් පාසල් සිසුන්ට පාවහන් පිරිනමයි

Sinhala Footer

රාජ්‍ය අංශය

ආරක්ෂක

සුබසාධන