29th December 2015 16:59:21 Hours

මුලතිව් ආරක්ෂක සේනාවෙන් පොහෝ දින බෝධි පූජා පිංකමක්

මව්බිමටත්, රණවිරුවන්ටත් ආශිර්වාද ප්‍රාර්ථනා කිරීමත්, දිවි පිදූ රණවිරුවන්ට පිං පැමිණවීමත් මෙන්ම තුවාල ලබා ආබාධිත හා රෝගාතුරව සිටින රණවිරුන්ට ඉක්මන් සුවය පැතීමත් මූලික අරමුණ කොට ගෙන මුලතිව් ආරක්ෂක සේනා මූලස්ථානයට අයත් 6 වන ශ්‍රී ලංකා යුද හමුදා පොලිස් හේවා බලකාය බෝධි පූජා පිංකමක් සංවිධානය කරනු ලැබීය. පසුගිය දෙසැම්බර් මස 24 වන දින එම මූලස්ථානයේ පිහිටි මූලදීප විහාරයේ දී පැවති මෙම පිංකමේ කටයුතු මුලතිව් ආඥාපති මේජර් ජෙනරාල් පී.යූ.එස් විතානගේ මුලිකත්වයෙන් සංවිධානය කරන ලදි. පරාක්‍රමපුර බුද්ධංගල රාජමහා විහාරයේ ධම්මරතන ස්වාමින් වහන්සේ උඳුවප් පුර පසලොස්වක පොහෝ දින පැවති මෙම පුණ්‍ය කටයුත්ත මෙහෙයවීම සඳහා වැඩම කරවීය. මුලතිව් ඉදිරි නඩත්තු පෙදෙස ආඥාපති බ්‍රිගේඩියර් ආර්.ඒ.ඒ.ඒ පෙරේරා ඇතුළු ජ්‍යෙෂ්ඨ නිලධාරින් සහ සෙසු නිලයින් රැසක් මෙම අවස්ථාවට එක්වූහ. මේ අතර මුලතිව් ආරක්ෂක සේනා මූලස්ථානයේ පුහුණු දින ඉදිරිපත් කිරීමක් ද දෙසැම්බර් 23 දින පැවැත්විනි. එම අවස්ථාවට මුලතිව් ආරක්ෂක සේනා මූලස්ථාන කර්නල් ප්‍රධාන මාණ්ඩලික කර්නල් එස්. කස්තුරිමුදලි ඇතුලු නිලධාරීන් රැසක් සහභාගි වූවේය. එහි දී 1 වන ශ්‍රී ලංකා සංඥා බලකායේ මේජර් කේ.ඒ කොඩිකාර ‘ජංගම සන්නිවේදනයේ මූලිකාංග’ මැයෙන් ඉදිරිපත් කිරීම් සිදු කළ අතර, 7 වන ශ්‍රී ලංකා යුද හමුදා යුධෝපකරණ බලකායේ ලුතිතන් එම්.පී මාතරආරච්චි ද ඉදිරිපත් කිරීමක් කළේය. මෙම අවස්ථාවට මුලතිව් ආරක්ෂක සේනා මූලස්ථානයට අයත් සේනාංක, බල සේනා සහ ඉදිරි නඩත්තු පෙදෙස නියෝජනය කරමින් නිලධාරීහු 50 දෙනෙක් පමණ එක්ව සිටියහ.affiliate link trace | Sneakers

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

මුලතිව් ආරක්ෂක සේනාවෙන් පොහෝ දින බෝධි පූජා පිංකමක්

Sinhala Footer

රාජ්‍ය අංශය

ආරක්ෂක

සුබසාධන