17th January 2016 02:17:49 Hours

මීළග ශ්රීා ලංකා සාමසාධක හමුදා කණ්ඩය ලෙබනනයට

ලෙබනන්හි එක්සත් ජාතීන්ගේ සාමසාධක රාජකාරී සඳහා පිටත්ව යන 10 වන ශ්‍රී ලංකා යුද හමුදා බළඇණියේ චාරිත්‍රානුකූල විසිරයෑමේ උත්සවය සෙනසුරාදා (16) දින සාලියපුර ගජබා රෙජිමේන්තු මුලස්ථානයේ දී පවත්වන ලදි. මෙම 10 වන ශ්‍රී ලංකා සාමසාධක බළඇණිය නිලධාරීන් 10 දෙනෙකුගෙන් සහ සෙසු නිලයින් 140 දෙනෙකුගෙන් සමන්විත වන අතර, එයට ශ්‍රී ලංකා ඉංජිනේරු බළකායෙන් 4 ක්, ශ්‍රී ලංකා සංඥා බලකායෙන් 4 ක්, ගජබා රෙජිමේන්තුවෙන් 71 ක්, විජයබාහු පාබල රෙජිමේන්තුවෙන් 08 ක්, යාන්ත්‍රික පාබල රෙජිමේන්තුවෙන් 22 ක්, කමාන්ඩෝ රෙජිමේන්තුවෙන් 13 ක්, විශේෂ බළකායෙන් 8 ක්, ඉංජිනේරු සේවා බලකායෙන් 2 ක්, ශ්‍රී ලංකා යුද හමුදා සේවා බලකායෙන් 04 ක්, ශ්‍රී ලංකා වෛද්‍ය බළකායෙන් 2 ක්, ශ්‍රී ලංකා යුද හමුදා යුධෝපකරණ බළකායෙන් 2 ක්, ශ්‍රී ලංකා විදුලි හා යාන්ත්‍රික ඉංජිනේරු බලකායෙන් 4 ක්, ශ්‍රී ලංකා පොලිස් හේවා බළකායෙන් 2 ක් සහ ශ්‍රී ලංකා යුද හමුදා පොදු සේවා බළකායෙන් 2 ක් අයත් වේ. මෙම භට කණ්ඩායමට විශේෂ බලකායට අයත් විශේෂ පුහුණුව ලත් සුනඛයින් සිවු දෙනෙකු ද ප්‍ර‍භූ ආරක්ෂක කටයුතු සඳහා යෙදවීමට එක් කොට තිබේ. 150 දෙනෙකුගෙන් සමන්විත මෙම සෙබලුන්ගේ විසිරයාමේ පෙළපාලිය සාලියපුර ගජබා රෙජිමේන්තු මුලස්ථානයේ දී සෙනසුරාදා (16) දින පැවති අතර, පෙළපාලියෙහි අණ දෙන්නා ලෙස ලුතිතන් කර්නල් දිනෙෂ් උඩුගම ලෙස ක්‍රියා කලහ. එම අවස්ථාවෙහි ප්‍රධාන ආරාධිත අමුත්තා ලෙස ගජබා රෙජිමේන්තුවේ කර්නල් සේනාවිධායක මේජර් ජෙනරාල් ලලිත් දවුලගල සහභාගි විය. ජ්‍යෙෂ්ඨ නිලධාරීහු සහ විසිර යන සෙබලුන්ගේ ළඟම ඥාතීන් ඇතුළු විශාල පිරිසක් මෙම අවස්ථාවට එක්ව සිටියහ. එළඹෙන පෙබරවාරි මස මුල් සතියේ සිය රාජකාරි ඇරඹීමට මෙහි ප්‍ර‍ථම කණ්ඩායම පිටත්ව යන අතර, එයට අණ දෙන නිලධාරි ප්‍ර‍මුඛ නිලධාරීන් පස් දෙනෙක් සහ සෙසු නිලයින් තිස් දෙනෙක් අයත් වේ. මෙම සෙබලුන් ලෙබනන් සාමසාධක හමුදා මූලස්ථානයේ විශේෂ රාජකාරීන් සඳහා යොමු කරනු ලැබේ. 2010 වර්ෂයේ සිට මේ දක්වා ශ්‍රී ලංකා යුද හමුදාවෙන් එක්සත් ජාතීන්ගේ ඉල්ලීමකට අනූව සාමසාධක රාජකාරීන් සඳහා බළඇණි 9 ක් යොදවා ඇත.Running sport media | nike air max 95 obsidian university blue book list

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

මීළග ශ්රීා ලංකා සාමසාධක හමුදා කණ්ඩය ලෙබනනයට

Sinhala Footer

රාජ්‍ය අංශය

ආරක්ෂක

සුබසාධන