13th January 2016 13:35:56 Hours

කාලතුවක්කු සෙබලුන් නව කර්නල් සේනාවිධායක පිළිගනියි

ශ්‍රී ලංකා කාලතුවක්කු හමුදා නව කර්නල් සේනාවිධායක ලෙස පත් වූ මේජර් ජෙනරාල් එස්.ආර්. මානවඩුගේ පසුගිය සඳුදා (11) දින පනාගොඩ එම රෙජිමේන්තු මුලස්ථානය වෙත පැමිණි අවස්ථාවේ හරසරින් පිළිගන්නා ලදි. එදින වැඩසටහන මේජර් ජෙනරාල් මානඩුගේ විසින් ශ්‍රී ලංකා කාලතුවක්කු හමුදා රණවිරු ස්මාරකය වෙත පුෂ්පෝපහාර දැක්වීමත් සමඟ ආරම්භ විය. ශ්‍රී ලංකා කාලතුවක්කු හමුදා සෙබලුන් විසින් සරඹ භූමියේ දී මේජර් ජෙනරාල් මානවඩුගේ වෙත සම්මාන මුරයක් සහ සම්මාන ආචාර පෙළපාලියක් පිරිනැමූ අතර, කාලතුවක්කු හමුදා මධ්‍යස්ථාන සේනාවිධායක බ්‍රිගේඩියර් ඩබ්.ඩි.සී.කේ. කොස්තා විසින් නව කර්නල් සේනාවිධායක පිළිගැනීම සිදු කෙරිනි. ඉන් අනතුරුව, මේජර් ජෙනරාල් මානවඩුගේ ආගමික වතාවත් මධ්‍යයේ අදාල ලේඛනවලට අත්සන් තබමින් නව තනතුරේ රාජකාරි භාර ගන්නා ලදි. තවද, සෙබලුන් ඇමතිම, පැළයක් රෝපනය කිරීම සහ සියලු නිලයින් සමඟ දිවා භෝජන සංග්‍රහයකට සහභාගිවීම ද මෙදින සිදුවිය. ශ්‍රී ලංකා කාලතුවක්කු හමුදා ජ්‍යෙෂ්ඨ නිලධාරීන්, අනෙකුත් නිලධාරීන් සහ සෙසු නිලයින් මෙම අවස්ථාව සඳහා සහභාගි වූහ.latest jordans | Autres

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

කාලතුවක්කු සෙබලුන් නව කර්නල් සේනාවිධායක පිළිගනියි

Sinhala Footer

රාජ්‍ය අංශය

ආරක්ෂක

සුබසාධන