මුල් පුවත්
මැලේසියාවේ පැවැති ආසියානු ආරක්ෂක සේවා සම්මන්ත්‍රණය සහ ප්‍රදර්ශනය සඳහා ශ්‍රී ලංකා යුද්ධ හමුදා ප්‍රධානීට ආරාධනා
මැලේසියාවේ, කුවාලා ලාම්පුර් හී පැවැති 16 වන ආසියානු ආරක්ෂක සේවා සම්මන්ත්‍රණය සහ ප්‍රදර්ශනය සඳහා සහභාගි වූ ගෞරවනීය ආරාධිතයින් අතරින් එක් අයෙකු ලෙස ශ්‍රී ලංකා යුද්ධ හමුදාධිපති ලුතිනන් ජෙනරාල් මහේෂ් සේනානායක ද සහභාගි විය.
යුද්ධ හමුදාධිපතිතුමන් මත්තේගොඩ පිහිටි සිය මව් රෙජිමේන්තුව වෙත නෑගම් යයි
උදාවු සිංහල හා දෙමළ අලුත් අවුරුද්ද වෙනුවෙන් යුද්ධ හමුදාධිපති ලුතිතන් ජෙනරාල් මහේෂ් සේනානායක සිය මව් ඒකකය වෙත කෘත ගුණ දැක්විමක් ලෙස නව අවුරුදු දින (අප්‍රේල් මස 14) සිය මව් රෙජිමේන්තුව වන මත්තේගොඩ පිහිටි 5 වන ක්‍ෂේත්‍ර ශ්‍රී ලංකා ඉංජිනේරු බලකා රෙජිමේන්තු මධ්‍යස්ථානයේ සංචාරයක නිරත විය. එහිදි යුද්ධ හමුදාධිපතිතුමන් අවුරුදු චාරිත්‍ර සඳහා එක්වු අතර එතුමන්ගේ යුද්ධ හමුදා දිවියේ දෙවන ලුතිතන් ධුරයේ අධිකාරි ලැබිමෙන් පසු ශ්‍රී ලංකා ඉංජිනේරු බලකාය වෙත එක්වන ලදී.
ශ්‍රී ලංකා යුද්ධ හමුදාවේ ගෞරවාන්විත ඉදිරි ගමනට ආරක්ෂක ලේකම්තුමන්ගේ පූර්ණ සහයෝගය
ශ්‍රී ලංකා යුද්ධ හමුදාව ත්‍රස්තවාදය මුළුනුපුටා දැමීමෙන් ලද යුධ අත්දැකීම තුලින් ජාත්‍යන්තර වශයෙන් ලෝකයේ ත්‍රස්තවාදය තුරන් කිරීම සඳහා එක්සත් ජාතින් සමඟ එක්ව සාමසාධක රාජකාරින් සිදුකරනු ලබන අතර ශ්‍රී ලංකා යුද්ධ හමුදාවේ සුවීශේෂී සන්ධිස්ථානයක් සනිටුහන් කරමින් කොළඹ 03 හිදී යුද්ධ හමුදා විදේශීය මෙහෙයුම් අධ්‍යක්ෂක මණ්ඩලය (DOO) ආරක්ෂක ලේකම් කපිල වෛද්‍යරත්න මහතා ගේ ප්‍රධානත්වයෙන් විවෘත කරනු ලැබීය.
හේනානිඟල දී ආදීවාසින් මහත් හරසරින් අලුත් අවුරුද්ද සමරයි
නැගෙනහිර පළාතේ හේනානිඟල ප්‍රදේශයේ දී ‘වන අරණ පදනම’ සහ පාරම්පරික ආදීවාසි සාමාජිකයින් සමඟ එක්ව යුද්ධ හමුදාවේ සම්බන්ධීකරණයෙන් බදාදා (11) දින සිංහල හා දමිළ අලුත් අවුරුද්ද සමරනු ලැබීය. ආදීවාසින්ගේ ප්‍රධානී ඌරුවරිගේ වන්නිල ඇත්තො ගේ උපදෙස් මත සංවිධානය කරනු ලැබු මෙම බක්මහ උළලේ ප්‍රධාන ආරාධිත අමුත්තා ලෙස යුද්ධ හමුදාධිපති ලුතිනන් ජෙනරාල් මහේෂ් සේනානායක සහභාගි විය.
යුද්ධ හමුදා මුලස්ථාන නිලධාරින් සහ සෙසුනිලයින්ගේ සහභාගිත්වයෙන් යුද්ධ හමුදා මුලස්ථානයේ බක් මහ උළෙල පනාගොඩ දී
සුර්යයා මීන රාශියේ සිට මේෂ රාශිය වෙත සංක්‍රමණය වීමත් සමඟම උදාවන්නා වු නව වසර සැමරීම වෙනුවෙන් පවත්වනු ලබන සිංහල හා දෙමළ අළුත් අවුරුදු උළෙල යුද්ධ හමුදා මුලස්ථානයේ සේවයේ නියතු සියයකට අධික සියළු නිලයින්ගේ සහභාගීත්වයෙන් පනාගොඩ, යුද්ධ හමුදා ජනපදයේ 4 වන ශ්‍රී ලංකා කාලතුවක්කු හමුදා ක්‍රීඩා පිටියේදී අඟහරුවාදා (10) දින පවත්වන ලද අතර එය සම්ප්‍රදායික ජන ක්‍රීඩා හා විනෝදජනක ක්‍රීඩා රැසකින් සමන්විත විය.
තවත් විශේෂ බලකා නිලධාරින් සහ සෙසුනිළයින් 196 ක් මාදුරුඔයදී විසිර යති
මාදුරුඔය විශේෂ බලකා පුහුණු පාසලේ පාඨමාලා අංක - 48 යටතේ පුරා මාස 09 ක කාලයක් සාර්ථකව පුහුණුව හැදෑරු නිලධාරින් 07 දෙනෙකු සහ සෙසුනිළයින් 189 දෙනෙකු සඳුදා (09) දින උදෑසන සන්නද්ධ හමුදා සේනාධිනායක මෙන්ම අතිගරු ජනාධිපති මෛත්‍රිපාල සිරිසේන මැතිතුමන්, ආරක්ෂක ලේකම් කපිල වෛද්‍යරත්න මහතා, ආරක්ෂක මාණ්ඩලික ප්‍රධානී අද්මිරාල් රවින්ද්‍ර සී. විජේගුණරත්න සහ යුද්ධ හමුදාධිපති ලුතිනන් ජෙනරාල් මහේෂ් සේනානායක ගේ ප්‍රධානත්වයෙන් පැවැති උත්සවයක දී විසිර යන ලදි.
මාදුරුඔය යුද්ධ හමුදා පුහුණු පාසලේ පැවැති ප්‍රතිශක්ති යුධ උපක්‍රම හා කැලෑබද සටන් පුහුණු පාඨමාලාවේ නිල ලාංඡන පළඳවයි
යුද්ධ හමුදාධිපති ලුතිනන් ජෙනරාල් මහේෂ් සේනානායක, යුද්ධ හමුදාවේ කීර්තිමත්ම පුහුණු පාසලක් වන මාදුරුඔය යුද්ධ හමුදා පුහුණු පාසලේ ඉරිදා (08) දින සිදු කල පළමු නිල සංචාරයේ දී අභිනවයෙන් ඉදිකරන ලද භට නිවාස සහ නව පහසුකම් රැසක් විවෘත කරනු ලැබීය.
ආරක්ෂක සේවා විද්‍යාල මහා ක්‍රිකට් තරගය යුද්ධ හමුදාධිපතිතුමාගේ ප්‍රධානත්වයෙන්
කොළඹ ආරක්ෂක සේවා විද්‍යාලය සහ හෝමාගම මහින්ද රාජපක්‍ෂ විද්‍යාලය අතර මහා ක්‍රිකට් තරගය යුද්ධ හමුදාධිපති ලුතිතන් ජෙනරාල් මහේෂ් සේනානායකගේ ප්‍රධානත්වයෙන් කොළඹ එස්එස්සි ක්‍රීඩා පිටියේදී අද (4) උදෑසන ආරම්භ විය.
10 වන ආරක්ෂක සේවා ක්‍රීඩා උළෙල ඇරඹේ
10 වන ආරක්ෂක සේවා ක්‍රීඩා උළෙල - 2018 ආරක්ෂක සේවා ක්‍රීඩා කමිටුවේ සභාපති මෙන්ම ශ්‍රී ලංකා යුද්ධ හමුදාධිපති ලුතිනන් ජෙනරාල් මහේෂ් සේනානායක ගේ ආරාධනයකට අනුව සපැමිණි ආරක්ෂක සේවා මාණ්ඩලික ප්‍රධානී අද්මිරාල් රවින්ද්‍ර සී විජේගුණවර්ධන විසින් අඟහරුවාදා (03) දින සන්ධ්‍යාවේ පනාගොඩ, යුද්ධ හමුදා ජනපද ගෘහස්ථ ක්‍රීඩාංගනයේ දී නිල වශයෙන් ආරම්භ කරනු ලැබීය.
කොමිෂන් නොලත් නිලධාරින්ගේ වෘත්තීය සංවර්ධනය පිළිබඳ එක්සත් ජනපද ශාන්තිකර මූලස්ථානයේ සැරයන් මේජර් දැනුවත් කෙරේ
එක්සත් ජනපද ශාන්තිකර මූලස්ථානයේ අණදෙන ජ්‍යෙෂ්ඨ නායක (Command Senior Enlisted Leader) සැරයන් මේජර් ඇන්තනි ස්පැඩරෝ (Sergeant Major Anthony Spadaro) සමඟින් කොමිෂන් නොලත් නිලධාරී සැරයන් පළමු පන්තියේ මෙහෙයුම් කෙවින් සැන්ටිටීස් (Sergeant First Class Kevin Sanetiez), එක්සත් ජනපද ශාන්තිකර මූලස්ථානයේ මාස්ටර් සැරයන් රාචෙල් ලකී....