30th April 2024 20:32:41 Hours
ශ්‍රී ලංකා යුද්ධ හමුදාවේ වසර 28 කට අධික කාලයක් මව්බිම වෙනුවෙන් සේවය කළ ගජබා රෙජිමේන්තුවේ බ්‍රිගේඩියර් ඩබ්ලිව්.කේ. නානායක්කාර (විශ්‍රාමික) ගේ දේහය පිළිබඳ අවසන් කටයුතු සංවේගයට පත් යුද්ධ හමුදා සාමාජිකයින් සහ එතුමන්ගේ පවුලේ සාමාජිකයන් ඇතුළු බොහෝ පිරිසකගේ සහභාගීත්වයෙන් යුද්ධ හමුදා ගෞරවාචාර මධ්‍යයේ ගල්කිස්ස පොදු සුසාන භූමියේදී පසුගිය සඳුදා (අප්‍රේල් මස 29) දින සිදුකෙරිණි.
එතුමන්ගේ දේහයට අවසන් ගෞරව දැක්වීම සඳහා යුද්ධ හමුදාවේ විශ්‍රාමික ජ්‍යෙෂ්ඨ නිලධාරීන්, ප්‍රධාන මාණ්ඩලික නිලධාරීන්, ජ්‍යෙෂ්ඨ නිලධාරීන්, අධ්‍යක්‍ෂවරුන් ඇතුළු ශෝකයට පත් පිරිස‍් පැමිණ සිටියහ. හමුදා සම්ප්‍රදායානුකූලව ජාතික කොඩියෙන් ආවරණය කරන ලද එතුමන්ගේ දේහය සුසාන භූමියේ ප්‍රධාන දොරටුව අභියසදී භටපිරිස් විසින් යුද්ධ හමුදා සම්ප්‍රදායානුකූලව භාරගනු ලැබීය.
සුසාන භූමියේ ප්‍රධාන දොරටුව අභියසදී යුද්ධ හමුදා ජ්‍යෙෂ්ඨ නිලධාරියෙකු ප්‍රමුඛ භටපිරිස් පෙරටුකොට ගත් යුද්ධ හමුදා සම්ප්‍රදායානුකූල අවමංගල්‍ය පෙරහැරකින් එතුමන්ගේ දේහය ආදාහනාගාර වෙත රැගෙන යනු ලැබූ අතර එතුමන්ගේ පවුලේ සාමාජිකයන් ඒ පසුපසින් පැමිණියහ.
යුද්ධ හමුදා විධායක ජෙනරාල්තුමන් විසින් නිකුත් කරන ලද විශේෂ නියෝග I (Special Part I Order), අවමංගල්‍ය උත්සව අවස්ථාවේදී පැමිණි පිරිස ඉදිරියේ ප්‍රකාශ කරන ලද අතර, හමුදා නිලධාරියෙකුට ලැබිය හැකි ඉහළම ගෞරවාචාරය ලබාදෙමින් වෙඩිමුර හඩ ගුවන් ගැබ සිසාරා පැතිර යන මොහොතේ එතුමන් වෙත යුද්ධ හමුදා සාමාජිකයින් විසින් හමුදා සම්ප්‍රදායානූකූල අවසන් ගෞරවාචාරය පුදකර සිටියහ.
හිරු නැඟෙනා මොහොතේදිත් හිරු බැස යන මොහොතේදිත් වැයෙන යුද්ධ හමුදා බියුගල් නලා හඬ මධ්‍යයේ එතුමන්ගේ දිවි සැරියේ නිමාව එම බියුගල් නාදයෙන් සංවේගජනක ලෙස සිහිපත් කරන ලදී. අනතුරුව, යුද්ධ හමුදා යුද විද්‍යාලයේ සේනාවිධායක මේජර් ජෙනරල් යූ.කේ.ඩී.ඩී.පී. උඩුගම ආර්ඩබ්ලිව්පි ආර්එස්පී යූඑස්පී එන්ඩීසී පීඑස්සී විසින් දිවංගත බ්‍රිගේඩියර් ඩබ්ලිව්.කේ. නානායක්කාර (විශ්‍රාමික) සිය කීර්තිමත් යුද්ධ හමුදා දිවිය තුළ හිමිකරගත් පදක්කම් එතුමන්ගේ පවුලේ සාමාජිකයින් වෙත පිළිගන්වන ලදී.
අවමංගල්‍ය උත්සව අවස්ථාවට ජ්‍යෙෂ්ඨ නිලධාරීන්, විශ්‍රාමික ජ්‍යෙෂ්ඨ නිලධාරීන්, නිලධාරීන්, සෙසුනිලයන් සහ බ්‍රිගේඩියර් ඩබ්ලිව්.කේ. නානායක්කාර (විශ්‍රාමික) ගේ පවුලේ සාමාජිකයින් ඇතුළු පිරිසක් සහභාගී වූහ.
යුද්ධ හමුදා විධායක ජෙනරාල්තුමන් විසින් නිකුත් කරනු ලැබු විශේෂ නියෝග I (Special Part I Order) පහතින් දැක්වේ:
