13th September 2023 20:36:42 Hours
ஆறு மாத கால தொழிற்துறை முகாமைத்துவ டிப்ளோமா பாடநெறியின் ஆரம்ப நிகழ்வு ஒருகொடவத்தையில் உள்ள இலங்கை-கொரியா தேசிய தொழிற்பயிற்சி நிறுவனத்தில் திங்கட்கிழமை (செப்டம்பர் 11) நடைபெற்றது.
மின்சாரம் மற்றும் இயந்திர பொறியியல் பணிப்பகம் தேசிய தொழிற்பயிற்சி அதிகார சபையுடன் நெருக்கமான ஒத்துழைப்புடன் பாடத்திட்டத்தை ஒருங்கிணைத்தது.
பொதுநலவாய நாடுகளில் முழுவதும் அங்கீகரிக்கப்பட்ட இந்த தொழிற் தகுதி நாட்டின் பொருளாதார மறுமலர்ச்சிக்கு கணிசமான பங்களிப்பை வழங்கும் அதே வேளையில் பல்வேறு தொழில்முறைகளில் இராணுவ வீரர்களின் திறமை மற்றும் திறமைக்கு சான்றாக விளங்குகிறது.
தேசிய தொழிற்பயிற்சி அதிகாரசபையுடன் இணைந்து, இந்த முயற்சியை மின்சாரம் மற்றும் இயந்திர பொறியியல் பணிப்பக பணிப்பாளர் மேஜர் ஜெனரல் ஜே.ஏ.ஆர்.எஸ்.கே ஜயசேகர யுஎஸ்பீ பீஎஸ்சி அவர்களின் முயற்சியில் இத்திட்டம் முன்னெடுக்கப்பட்டது.
2023 செப்டெம்பர் 11 ஆம் திகதி ஆரம்பிக்கப்பட்ட ஆறு மாத கால இரண்டாவது (இராணுவப் பணியாளர்களுக்கான) தொழிற் தகுதி பாடநெறியில் இலங்கை மின்சார மற்றும் இயந்திர பொறியியல் படையணியின் 20 சிரேஷ்ட அதிகாரவாணையற்ற அதிகாரிகள் மற்றும் அதிகாரவாணையற்ற அதிகாரிகள் கலந்துகொண்டனர். இந்த பாடநெறியானது இராணுவ வீரர்களை சிறப்பு நிபுணத்துவத்துடன் மேம்படுத்துவதற்காக வடிவமைக்கப்பட்டுள்ளதுடன் பல்வேறு தொழில் துறைகளில் சிறந்து விளங்க அவர்களைத் தயார்படுத்துகிறது.
இந் நிகழ்வில் மின்சாரம் மற்றும் இயந்திர பொறியியல் பணிப்பக பணிப்பாளர் மேஜர் ஜெனரல் ஜே.ஏ.ஆர்.எஸ்.கே ஜயசேகர யுஎஸ்பீ பீஎஸ்சி அவர்கள் சில சிரேஷ்ட அதிகாரிகள், இலங்கை-கொரியா தேசிய தொழிற்பயிற்சி நிலையத்தின் அதிபர் திரு.பிரபாத் சிறிசேன, பாடநெறி இணைப்பாளர் திருமதி.ரோகினி சந்திரலதா மற்றும் கே-டெக் பயிற்சி அதிகாரி திரு.ரவீன் பத்மஜித் ஆகியோர் கலந்துகொண்டனர்.
