இராணுவ தினத்தன்று 514 அதிகாரிகள் மற்றும் 14140 ஏனைய இராணுவ சிப்பாய்கள் பதவியுயர்வு- இராணுவத் தளபதி

71 ஆவது இராணுவ ஆண்டுவிழா மற்றும் இராணுவ தினத்தில் (ஒக்டோபர் 10) இராணுவத் தளபதி லெப்டினன் ஜெனரல் ஷவேந்திர சில்வா அவர்கள் தனது செய்தியில், அனைத்து படையினரும் தங்களுடைய தொடர்புடைய துறைகளில் தந்திரோபாய மற்றும் தொழில்நுட்ப திறன்களை மேலும் பெறவும், எதிர்காலத்தில் ஒரு சிறந்த அணுகுமுறையை வளர்த்துக் கொள்ளவதற்கான அவசியத்தை சுட்டிக்காட்டியதோடு, இலங்கை இராணுவத்தின் 71 ஆவது ஆண்டு விழாவை முன்னிட்டு, தற்பொழுது 514 அதிகாரிகள் மற்றும் 14140 ஏனைய இராணுவ சிப்பாய்கள் தங்கள் பதவி உயர்வுகளைப் பெற்றுள்ளனர். அதன்படி, நான் இராணுவத் தளபதியாக பதவியேற்றதிலிருந்து 1897 அதிகாரிகள் மற்றும் 41910 இராணுவ சிப்பாய்கள் அவர்களின் அடுத்தடுத்த பதவிகளில் உயர்த்தப்பட்டுள்ளனர் என குறிப்பிட்டார். இராணுவத் தளபதியின் 71 ஆண்டு நிறைவு தின செய்தியின் முழு உரையும் இங்கே பின்வருமாறு:

இராணுவத் தளபதியின் செய்தி

இலங்கை இராணுவம்; இலங்கையின் ஒற்றுமை, இறையாண்மை மற்றும் பிராந்திய ஒருமைப்பாட்டைப் பாதுகாப்பதில் அதன் வெற்றிகரமான பயணத்தின் 71 ஆவது மைல்கலை இன்று ‘தேசத்தின் மற்றும் அதன் மக்களின் பாதுகாவலராக கடந்து செல்கிறது. நான், பாதுகாப்புப் தலைமை பிரதானியாகவும், இராணுவத்தின் 23 ஆவது தளபதியாகவும், இந்த வாழ்த்துச் செய்தியை இந்த நல்ல தருணத்தில் வாழ்த்துக்களுடன் தெரிவிப்பதில் பெருமிதம் கொள்கிறேன்.

ஆரம்பத்தில் இருந்தே, இலங்கை இராணுவம் தாய்நாட்டை பன்முக அச்சுறுத்தல்கள், சவால்கள் மற்றும் பாதிப்புகளிலிருந்து பாதுகாப்பதில் எல்லைப்புற சக்தியாக இருந்து வருகிறது. இலங்கை இராணுவத்தினரால் தன்னலமற்ற பங்களிப்பின் விளைவாக தான் இன்று அனுபவிக்கும் சுதந்திரம் என்பதை இலங்கை மக்கள் அறிந்துகொண்டு அவர்கள் இலங்கை இராணுவத்தின் மீது அழியாத மரியாதையும் நம்பிக்கையும் கொண்டுள்ளனர். இந்த மதிப்புமிக்க அமைப்பில் பணியாற்றிய, பணியாற்றும் ஒவ்வொரு உறுப்பினரும் அந்த உன்னத காரணத்தின் பங்காளிகள். தாய்நாட்டில் நீடித்த அமைதியைக் காக்க காரணமாக இருந்த அவர்களின் பெரும் முயற்சிகளுக்கு உரிய மரியாதை செலுத்துவது தற்போதைய தலைமுறை மற்றும் தலைமுறையினரின் பிரதான கடமையாகும்.

1949 ஆம் ஆண்டு ஒக்டோபர் 10 ஆம் திகதி முதல் இன்றுவரை இலங்கை இராணுவத்திற்கு கடந்த கால இராணுவத் தளபதிகள், அதிகாரிகள், ஏனைய இராணுவ சிப்பாயினர் மற்றும் சிவில் பணியாளர்கள் வழங்கிய அயராத பங்களிப்புக்காக அவர்கள் அனைவருக்கும் எனது மரியாதையை செலுத்துகின்றேன். அதற்கு மேலதிகமாக , இலங்கை இராணுவ வீரர்களின் இந்த முயற்சிக்கு ஆதரவாக அவர்களின் பெரும் அன்புக்குரிய குடும்ப உறுப்பினர்களின் ஒத்துழைப்புகளுக்கு எனது மனமார்ந்த நன்றியினை செலுத்துகின்றேன்.

இந்த மறக்கமுடியாத தருணத்தில், இலங்கை ஜனநாயக சோசலிச குடியரசின் 7 ஆவது நிறைவேற்று அதிகாரம் கொண்ட ஜனாதிபதியும் முப்படைகளின் தளபதியுமான அதிமேதகு ஜனாதிபதி கோட்டாபய ராஜபக்ஷ, இலங்கை ஜனநாயக சோசலிச குடியரசின் 5 ஆவது நிறைவேற்று அதிகாரம் கொண்ட முன்னாள் ஜனாதிபதியும் தற்போதய பிரதமருமான மஹிந்த ராஜபக்ஷ, பதுகாப்பு செயலாளர் மேஜர் ஜெனரல் (ஓய்வு) ஜி.டி.எச். கமால் குணரத்ன WWV RWP RSP USP ndc psc MPhil, ஆகியோர் இலங்கை இராணுவத்தின் முன்னேற்றத்திற்காக வழங்கப்பட்ட தலைமை, வழிகாட்டல் மற்றும் நுண்ணறிவுக்காக அவர்களுக்கு எனது ஆழ்ந்த நன்றியைத் தெரிவித்துக் கொள்கிறேன்.

மிகப்பெரிய மனித வளங்களை கொண்ட அமைப்பான நாங்கள் இன்றைய உலகில் உள்ள சிக்கலான பாதுகாப்பு சவால்களை அடையாளம் கண்டு தணிக்க நாம் கருத்தியல் ரீதியாகவும், உடல் ரீதியாகவும், தார்மீக ரீதியாகவும் தயாராக இருக்க வேண்டும். பாதுகாப்பு சவால்களுக்கு ஒரு செயலூக்கமான அணுகுமுறையுடன் இராணுவத் தயார்நிலை மற்றும் செயல்பாட்டுத் தயார்நிலையைப் பராமரிப்பது வரவிருக்கும் நேரத்தில் பன்முக பாதுகாப்பு சவால்களை எதிர்கொள்ள முக்கியமானதாக இருக்கும்.

தீவிரவாதம், இயற்கை பேரழிவுகள் மற்றும் அவசரநிலைகள், குறிப்பாக கொவிட் - 19 தொற்றுநோய் போன்ற எதிர்பாராத நிகழ்வின்போது போது இலங்கை இராணுவத்தின் அர்ப்பணிப்பு குறித்து எனது மனமார்ந்த நன்றியைத் தெரிவித்துக் கொள்கிறேன். தற்போதைய தொற்றுநோய் ஆபத்தை எதிர்கொண்டு, மக்களைப் பாதுகாக்க மிகுந்த அர்ப்பணிப்புடன் பணியாற்றிய அனைத்து அதிகாரிகள் மற்றும் ஏனைய இராணுவச் சிப்பாயினருக்கு ஆழ்ந்த நன்றியைத் தெரிவித்துக் கொள்கிறேன். இன்று, ஒட்டுமொத்த தேசமும் வெளிநாடுகளில் உள்ள இலங்கையர்களும் பல்வேறு சிரமங்களை மீறி இந்த முயற்சி நிலையில் இராணுவ வீரர்கள் அளித்த தன்னலமற்ற பங்களிப்புகளை பெரிதும் பாராட்டியுள்ளனர். சிரமங்களைத் தாங்கி, கொடிய தொற்றுநோயைக் கட்டுப்படுத்த இராணுவம் தனது கடமைகளை நிறைவேற்றுவதில் முழுமையாக ஆதரவளித்த எங்கள் பெருமித மிக்க மக்களையும் நான் பாராட்டுகிறேன்.

ஐ.நா அமைதிகாக்கும் பணிகளில் ஈடுபடுத்தப்பட்டுள்ள படையினர் ஆற்றியுள்ள மகத்தான பணியை நான் பாராட்ட விரும்புகிறேன். தேசிய பங்களிப்பின் ஒரு பகுதியாக பல திறன்கள் மற்றும் கடந்தகால பாதுகாப்பு சூழ்நிலைகளில் ஏனைய அமைப்புகள், கூட்டாளர்கள் மற்றும் மக்களுடன் கையாள்வதில் பொருந்தக்கூடிய தன்மையினால் மிகவும் தொழில்முறை இலங்கை இராணுவம் காணப்படுகிறது. இந்த பண்புக் கூறுகள் எதிர்காலத்தில் பாதுகாக்கப்பட்டு மேலும் வளர்க்கப்பட வேண்டும் என்று நான் விரும்புகிறேன்.

ஒரு தொழில்முறை இராணுவமாக, இலங்கை இராணுவத்தின் உறுப்பினர்கள் ஒவ்வொரு தொடர்புடைய துறையிலும் மேலும் தந்திரோபாய மற்றும் தொழில்நுட்ப திறன்களைப் பெறுவது மற்றும் எதிர்கால பயணத்தில் ஒரு நேர்மறையான அணுகுமுறையை வளர்ப்பது பொருத்தமானது. நவீன தொழில் நுட்பங்களுடன் இலங்கை இராணுவத்தின் வாய்ப்புகள் அதிகரித்துள்ள நிலையில், அமைப்புகள், கருத்துகள் மற்றும் பயிற்சியின் தேவையான மாற்றங்கள் இப்போது நடந்து வருகின்றன. இதன் மூலம், எங்கள் எதிர்கால ஈடுபாடுகள் மேம்பட்ட உபகரணங்கள், டிஜிட்டல் தளங்கள் மற்றும் நவீன ஆடைகளால் கூறப்படும். இந்த முன்னேற்றம் புதிய மூலோபாய கருத்துக்கள் மற்றும் கோட்பாடுகளால் செயற்படுத்தப்படும் பெருமையுடனும் கண்ணியத்துடனும் நாட்டுக்கு சேவை செய்யத் தயாராக இருக்கும் இலங்கை இராணுவத்தின் திறமையான உறுப்பினர்களை உருவாக்க முயற்சிசெய்யப்படுகிறது.

இனங்களுக்கிடையில் அமைதியும் நல்லிணக்கமும் நிலவும், மதங்களின் சகவாழ்வு நீடிக்கும் மற்றும் ‘இலங்கை தேசியம்’ ஊக்குவிக்கப்படும் ஒரு தேசமாக பொருளாதார மற்றும் கலாச்சார முன்னேற்றத்திற்கு உகந்த சூழலை இயக்கியதற்காக இன்று நாம் பெருமைப்பட வேண்டும். ஒரு பொறுப்பான ஆயுதப்படை மற்றும் கணிசமான மனித மற்றும் உபகரண வளங்களின் அமைப்பு என்ற வகையில், தேசிய செழிப்புக்கு பங்குதாரர் மற்றும் பங்களிப்பு செய்வது நமது பிரதான கடமையாகும். எனவே, இலங்கை இராணுவத்தின் அனைத்து உறுப்பினர்களும் ‘துரு மிதுரு நவ ரட்டக்’ போன்ற இந்த முயற்சிகளுக்கு தீவிரமாகவும் திறமையாகவும் பங்களிப்பார்கள் என்று நான் எதிர்பார்க்கிறேன்.

இன்றைய நிலவரப்படி, 'நாட்டின் பாதுகாப்பு மற்றும் மேம்பாடு, நாட்டு மக்களின் பாதுகாப்பு, இலங்கை இராணுவத்தின் வளர்ச்சி மற்றும் சமூகத்தின் நல்வாழ்வு' ஆகியவற்றை மையமாகக் கொண்டு இலங்கை இராணுவம் தனது பயணத்தில் ஒரு புதிய அணுகுமுறையை எடுத்துள்ளது. உறுப்பினர்களின் அடிப்படைத் தேவைகள், உள்கட்டமைப்பு, நலன்புரி, பயிற்சி, விளையாட்டு மற்றும் பொழுதுபோக்கு வசதிகளை மேம்படுத்துவதற்காக முன்முயற்சிகளும் எடுக்கப்படுகின்றன. இலங்கை இராணுவத்தின் ஓய்வுபெற்ற மற்றும் காயமடைந்த உறுப்பினர்களின் நல்வாழ்வை உறுதி செய்ய சிறப்பு திட்டங்கள் தொடங்கப்பட்டுள்ளன. இந்த திட்டங்கள் எங்கள் உயிர்நீத்த போர் வீரர்களின் குடும்ப உறுப்பினர்களைக் கவனிப்பதை உள்ளடக்கும். அதிமேதகு ஜனாதிபதி அவர்களின் வழிகாட்டுதலின் பேரில், தேசத்துக்கான ஒப்பற்ற தியாகங்களை மேற்கொண்ட மாற்றுத் திறனாளி போர் வீரர்கள் நன்கு கவனிக்கப்படுவதை உறுதி செய்வதற்காக அரசாங்கத்தின் கொள்கைகளை பின்பற்றுவதற்கு இராணுவம் நடவடிக்கைகளை எடுத்துள்ளது என்பதையும் இங்கு சிறப்பாக குறிப்பிட வேண்டும்.

மேலும், இலங்கை இராணுவத்தின் 71 ஆவது ஆண்டு விழாவை முன்னிட்டு, 514 அதிகாரிகள் மற்றும் 14140 ஏனைய இராணுவ சிப்பாய்கள் தங்கள் பதவி உயர்வுகளைப் பெற்றுள்ளனர். அதன்படி, நான் இராணுவத் தளபதியாக பதவியேற்றதிலிருந்து 1897 அதிகாரிகள் மற்றும் 41910 இராணுவ சிப்பாய்கள் அவர்களின் அடுத்தடுத்த பதவிகளில் உயர்த்தப்பட்டுள்ளனர்.

கடந்த 71 ஆண்டுகளில் இலங்கை இராணுவ உறுப்பினர்கள் விளையாட்டுத் துறையில் பெற்ற வெற்றிகளுக்கு எனது நன்றியைத் தெரிவித்துக் கொள்கிறேன். உறுப்பினர்களின் விளையாட்டு வசதிகளை மேம்படுத்துவதற்காக இலங்கை இராணுவம் ஒரு புதிய முயற்சியைத் தொடங்கியுள்ளது, இது தேசிய மற்றும் சர்வதேச மட்டத்திற்கு இணையான செயல்திறனை மேம்படுத்துவதற்கு உகந்ததாகும். இலங்கை இராணுவத்தின் உறுப்பினர்களை இராணுவத்தில் விளையாட்டுகளை மேம்படுத்துவதில் பங்களிக்கவும் கடுமையாக உழைக்கவும் ஊக்குவிப்பேன். மேலும், இராணுவம் இராணுவத்தில் உள்ள அனைத்து விளையாட்டு வீர மற்றும் வீராங்கனைகளுக்கு தேவையான ஒத்துழைப்பு மற்றும் விளையாட்டு வசதிகள் மற்றும் உபகரணங்களை வழங்குவது மட்டுமல்லாமல், பாடசாலை மாணவர்கள் உட்பட சிவில் துறைக்கும் வழங்கும்.

தாய்நாட்டின் அமைதிக்காக அலப்பெரிய தியாகம் செய்த இலங்கை இராணுவத்தின் அனைத்து உயிர்நீத்த படை வீரர்களுக்கும் நிபவின் உயர்ந்த பேரின்பத்தை அடைய நான் பிரார்த்தனை செய்கிறேன், மற்றும் அவர்களின் அன்பான குடும்ப உறுப்பினர்களுக்கு வளமான எதிர்காலத்துக்காக வாழ்த்துகிறேன். மேலும், கடமைகளில் ஈடுபடும்போது போது காயமடைந்த இலங்கை இராணுவ உறுப்பினர்கள் விரைவாக குணமடைய நான் பிராத்தனை செய்வதோடு, எதிர்காலத்தில் அவர்களின் அன்புக்குரியவர்கள் மகிழ்ச்சியாகவும் வளமாகவும் இருக்க வாழ்துகிறேன். சேவையில் உள்ள மற்றும் ஓய்வுபெற்ற அதிகாரிகள், ஏனைய இராணுவ சிப்பாயினர் மற்றும் சிவில் பணியாளர்கள், அவர்களது குடும்ப உறுப்பினர்கள் மற்றும் நலம் விரும்பிகள் உட்பட அனைவரும் நல்ல ஆரோக்கியம், செல்வம் மற்றும் மகிழ்ச்சியுடன் வாழ நான் வாழ்துகிறேன்.

இறுதியாக, இலங்கை இராணுவத்தின் அனைத்து உறுப்பினர்களும் மேற்கொண்ட அயராத முயற்சிகளுக்கு எனது ஆழ்ந்த நன்றியைத் தெரிவித்துக் கொள்கிறேன், இலங்கை இராணுவத்தின் அதிகாரிகள், ஏனைய இராணுவ சிப்பாயினர் மற்றும் சிவில் பணியாளர்கள், பொறுப்புகள், கடமைகள் மற்றும் கடப்பாடுகளுடன் 'தேசத்தின் பாதுகாவலர் மற்றும் அதன் மக்களாக’ தங்களது மதிப்புமிக்க சேவையைத் எதிர்காலத்திலும் தொடர்ந்து வழங்க வாழ்துகிறேன்.(நிறைவு) Best Authentic Sneakers | yeezy sole turning blue color shoes FX6794 FX6795 Release Date - nmd legion ink goat costume ideas for boys