14th May 2025 12:10:16 Hours
இராணுவத் தளபதி தற்போது உத்தியோகபூர்வ வெளிநாட்டு விஜயம் மேற்கொண்டுள்ள நிலையில், இராணுவ தளபதியை பிரதிநிதித்துவப்படுத்தி, இலங்கை இராணுவ பதவி நிலை பிரதானி மேஜர் ஜெனரல் எம்.ஜீ.டபிள்யூ.டபிள்யூ.டபிள்யூ.எம்.சீ.பி விக்ரமசிங்க ஆர்டபிள்யூபீ ஆர்எஸ்பீ என்டியூ பீஎஸ்சீ அவர்கள் திருமதி பிரியங்கா விக்ரமசிங்க அவர்களுடன் இணைந்து, இராணுவத் தலைமையக வெசாக் வலயத்தை திங்கட்கிழமை (மே 12) மாலை வைபவ ரீதியாக திறந்து வைத்தார்.
வருகை தந்த இராணுவ பதவி நிலை பிரதானியை இலங்கை இராணுவத் தொண்டர் படையணியின் தளபதி மேஜர் ஜெனரல் டி.கே.எஸ்.கே தொலகே யூஎஸ்பீ என்பீஎஸ் பீஎஸ்சீ அவர்கள் அன்புடன் வரவேற்றார். பின்னர் அவர் வெசாக் வலய விளக்குகளை திறந்து வைப்பதற்காக அழைக்கப்பட்டார். அழகாக அலங்கரிக்கப்பட்ட வெசாக் வலயம் இராணுவத் தலைமையக வளாகம் முழுவதும் காணப்பட்டதுடன், அனைத்து பார்வையாளர்களுக்கும் கண்கவர் காட்சியை வழங்குகிறது.
இந்த ஆண்டு வெசாக் வலயத்தில் இராணுவத் தலைமையகத்தின் பல்வேறு கிளைகள் மற்றும் பணிப்பகங்களை பிரதிநிதித்துவப்படுத்தும் 22 பெரிய கூடுகள் காட்சிப்படுத்தப்பட்டுள்ளன. மேலும், 450 க்கும் மேற்பட்ட பாரம்பரிய எண்கோண வெசாக் கூடுகள் மற்றும் 28 தாமரை வடிவ விளக்குகள் வளாகத்தை ஒளிரச் செய்கின்றன.
மேலும் முக்கியத்துவம் சேர்க்கும் வகையில், இராணுவ சேவை வனிதையர் பிரிவு 'கடல தன்சல' (இலவச கொண்டைக்கடலை விநியோகம்) ஏற்பாடு செய்திருந்தது.
உத்தியோகபூர்வ திறப்பு விழாவைத் தொடர்ந்து, இராணுவ பதவி நிலை பிரதானி முழு வெசாக் வலயத்தையும் பார்வையிட்டு, அலங்காரங்களை அமைத்த படையினரின் படைப்பாற்றல், அர்ப்பணிப்பு மற்றும் கைவினைத்திறனைப் பாராட்டினார். இராணுவ தலைமையகத்தின் முன் இராணுவ இசைக்குழு மற்றும் நுன்கலை பணிப்பகத்தினால் பௌத்த பக்தி பாடல்கள் (பக்தி கீதங்கள்) நிகழ்ச்சியுடன் நிகழ்ச்சி அனைத்தும் நிறைவடைந்தன.
இதற்கு இணையாக, நாடு முழுவதும் வெசாக் வலயங்களை தரப்படுத்துவதற்கும் மேம்படுத்துவதற்கும் இலங்கை இராணுவம் பங்களித்துள்ளது. இதில் நுவரெலியாவில் நடைபெறும் அரச வெசாக் விழா மற்றும் கொழும்பில் நடைபெறும் பல வெசாக் வலயங்களிலும் இராணுவம் பங்கேற்றது.
இந்த கொண்டாட்ட நிகழ்வில் அப்பகுதியைச் சேர்ந்த சிரேஷ்ட அதிகாரிகள், அதிகாரிகள், சிப்பாய்கள் மற்றும் பொதுமக்கள் கலந்து கொண்டனர்.
