09th December 2024 19:28:28 Hours
வன்னி பாதுகாப்பு படைத் தலைமையக தளபதி மேஜர் ஜெனரல் ஜேபீசீ பீரிஸ் ஆர்டபிள்யூபீ ஆர்எஸ்பீ என்டிசீ அவர்கள் 11 வது இலங்கை பீரங்கி படையணி, 4 வது கஜபா படையணி, 4 வது விஜயபாகு காலாட் படையணி, 10 வது (தொ) கெமுனு ஹேவா மற்றும் 5 வது (தொ) இயந்திரவியல் காலாட் படையணி ஆகியவற்றிற்கு 07 டிசம்பர் 2024 அன்று விஜயம் மேற்கொண்டார்.
வருகை தந்த வன்னி தளபதியின் வாகன தொடரணிக்கு மரியாதை வழங்கப்பட்டதை தொடர்ந்து ஒவ்வொரு படையலகினதும் கட்டளை அதிகாரிகளால் மரியாதையுடன் வரவேற்கப்பட்டார். இதைத் தொடர்ந்து, படையலகுகளின் பொறுப்புகள், பணிகள் மற்றும் தற்போதைய கடமைகள் தொடர்பாக கட்டளை அதிகாரிகள் விளக்கமளித்தனர். பின்னர், ஒவ்வொரு படையலகிலும் அதிகாரிகள் மற்றும் சிரேஷ்ட அதிகாரவாணையற்ற அதிகாரிகளுக்கு வன்னி பாதுகாப்புப் படைத் தலைமையக தளபதி உரையாற்றினார்.
அன்றைய நிகழ்வின் நிறைவாக அவர் அதிதிகள் பதிவேட்டு புத்தகத்தில் பாராட்டுக் குறிப்புகளை பதிவிட்டார். சிரேஷ்ட அதிகாரிகள், அதிகாரிகள் மற்றும் சிப்பாய்கள் இவ் விஜயத்தில் கலந்து கொண்டனர்.
