ஓய்வுபெறும் சிரேஷ்ட அதிகாரியின் சிறந்த சேவைக்கு இராணுவத் தளபதி பாராட்டு

கிழக்கு பாதுகாப்பு படைத் தலைமையகத் தளபதியும் இலங்கை இராணுவ விவசாய மற்றும் கால்நடைப் படையணியின் படைத் தளபதியுமான மேஜர் ஜெனரல் எஸ்.ஏ குலதுங்க ஆர்டபிள்யூபீ ஆர்எஸ்பீ வீஎஸ்வீ யூஎஸ்பீ பீஎஸ்சீ அவர்கள் சிறந்த 35 வருட சேவையின் பின்னர் இலங்கை இராணுவத்தில் இருந்து ஓய்வு பெறுவதற்கு முன்னர் இராணுவத் தளபதி லெப்டினன் ஜெனரல் விக்கும் லியனகே ஆர்டபிள்யூபீ ஆர்எஸ்பீ என்டியூ அவர்களினால் அவரது அலுவலகத்திற்கு குடும்பத்தாருடன் 04 டிசம்பர் 2024 அன்று அழைக்கப்பட்டார்.

இந்த சந்திப்பின் போது, பயங்கரவாதத்திற்கு எதிரான போரின் போதும், போருக்குப் பிந்தைய காலத்திலும், தனது பணிக்காலம் முழுவதும் பல்வேறு சவாலான பாத்திரங்களில் அவரது அசைக்க முடியாத அர்ப்பணிப்பு மற்றும் முன்மாதிரியான செயல்திறனுக்காக இராணுவத் தளபதி சிரேஷ்ட அதிகாரிக்கு பாராட்டுக்களை தெரிவித்தார்.

இதன்போது அவரது குடும்பத்தினர் அவருக்கு பணிக்காலம் முழுவதும் ஆற்றிய முக்கிய பங்கையும் இராணுவத் தளபதி பாராட்டினார்.

பதிலுக்கு, மேஜர் ஜெனரல் எஸ்.ஏ குலதுங்க ஆர்டபிள்யூபீ ஆர்எஸ்பீ வீஎஸ்வீ யூஎஸ்பீ பீஎஸ்சீ அவர்கள் இராணுவத் தளபதி வழங்கிய உறுதியான வழிகாட்டலுக்கு நன்றியைத் தெரிவித்தார்.

கலந்துரையாடலின் முடிவில், இராணுவத் தளபதி ஓய்வுபெறும் சிரேஷ்ட அதிகாரிக்கு விசேட பாராட்டுச் சின்னமும் அவரது குடும்பத்தினருக்குப் பரிசுகளும் வழங்கினார்.

ஓய்வுபெறும் சிரேஷ்ட அதிகாரியின் சுருக்கமான விவரம் இங்கே:

மேஜர் ஜெனரல் எஸ்.ஏ குலதுங்க ஆர்டபிள்யூபீ ஆர்எஸ்பீ வீஎஸ்வீ யூஎஸ்பீ பீஎஸ்சீ அவர்கள் 1989 ஜனவரி 20 அன்று இராணுவ நிரந்தர படையணியின் பயிலிளவல் அதிகாரியாக இணைந்தார். தியத்தலாவ இலங்கை இராணுவ கல்வியற் கல்லூரியில் பாடநெறி 32 யில் அடிப்படை இராணுவப் பயிற்சியை வெற்றிகரமாக முடித்த அவர் இரண்டாம் லெப்டினன் நிலையில் இலங்கை பொறியியல் படையணியில் 1991 ஜனவரி 19 நியமிக்கப்பட்டார். இராணுவத்தில் அவர் பணியாற்றிய காலத்தில் அடுத்தடுத்த நிலைகளுக்கு சீராக உயர்த்தப்பட்ட பின்னர், 2022 ஓகஸ்ட் 02, அன்று மேஜர் ஜெனரலாக நிலை உயர்வு பெற்றார். சிரேஷ்ட அதிகாரி 2024 டிசம்பர் 08 தனது 55 வது வயதில் இலங்கை இராணுவத்தின் நிரந்தர படையில் இருந்து ஓய்வு பெறுகின்றார். அவர் ஓய்வுபெறும் போது, கிழக்கு பாதுகாப்பு படைத் தலைமையகத் தளபதி மற்றும் இலங்கை இராணுவ விவசாய மற்றும் கால்நடைப் படையணியின் படைத் தளபதி ஆகிய பதவிகளை வகிக்கின்றார்.

1வது களப் பொறியியல் படையணியின் குழு கட்டளையாளர், இலங்கை இராணுவ கல்வியற் கல்லூரியின் அதிகாரி பயிற்றுவிப்பாளர், 1வது களப் பொறியியல் படையணியின் கட்டளை அதிகாரி, 211 வது காலாட் பிரிகேட்டின் தலைமையகத்தின் பணிநிலை அதிகாரி 2 (நிர்வாகம்),பொறியியல் பிரிகேட்டின் பொதுப் பணிநிலை அதிகாரி 3, 1 மற்றும் 9 வது களப் பொறியியல் படையணியின் கட்டளை அதிகாரி, 514 வது காலாட் பிரிகேட் தலைமையகத்தின் பிரிகேட்மேஜர், இலங்கை இராணுவப் பொறியியல் பாடசாலையின் பிரதான பயிற்றுவிப்பாளர், ஹைட்டி ஐக்கிய நாட்டு அமைதி காக்கும் சபையின் சிரேஷ்ட பணிநிலை அதிகாரி, இராணுவத் தலைமையகத்தின் செயல்பாட்டு பணிப்பகத்தின் பொதுப் பணிநிலை அதிகாரி 1 (செயல்பாடுகள்),1வது களப் பொறியியல் படையணியின் கட்டளை அதிகாரி, இலங்கை இராணுவ கல்வியற் கல்லூரி பயிற்சிப் பிரிவின் பிரதி பயிற்றுவிப்பாளர், 1வது களப் பொறியியல் படையணியின் கட்டளை அதிகாரி, இராணுவத் தலைமையக இராணுவச் செயலாளர் கிளையின் பணிநிலை அதிகாரி 1, இராணுவ செயலாளர் கிளையின் கேணல் இராணுவ செயலாளர் (பதில்), இராணுவத் தலைமையக இராணுவச் செயலாளர் கிளையின் கேணல் இராணுவச் செயலாளர், இராணுவச் செயலாளர் கிளையின் கேணல் இராணுவச் செயலாளர், 22 வது காலாட் படைப்பிரிவின் கேணல் (பொதுப்பணி), 232 வது காலாட் பிரிகேட்டின் பதில் தளபதி, 522 வது காலாட் பிரிகேட்டின் தளபதி, பாகிஸ்தான் இஸ்லாமாபாத்தில் உள்ள இலங்கை உயர்ஸ்தானிகராலயத்தின் ஆலோசகர் (பாதுகாப்பு), இராணுவத் தலைமையகத்தில் திட்ட பணிப்பகத்தின் பணிப்பாளர், இராணுவத் தலைமையகத்தில் ஆராய்ச்சிக் கருத்து மற்றும் கோட்பாடு பணிப்பகத்தின் பணிப்பாளர், 23 வது காலாட் படைப்பிரிவின் தளபதி , பொறியியல் படைபிரிவின் தளபதி, இராணுவத் தலைமையகத்தின் தலைமைப் பொறியியலாளர், கிழக்கு பாதுகாப்பு படைத் தலைமையகத் தளபதி மற்றும் இலங்கை இராணுவ விவசாய மற்றும் கால்நடைப் படையணியின் படைத் தளபதி உட்பட தனது பணிக்காலம் முழுவதும் பல்வேறு முக்கிய நியமனங்களை வகித்துள்ளார்.

சிரேஷ்ட அதிகாரி ரண விக்ரம பதக்கம், ரண சூரப் பதக்கம் ஆகிய விருதுகளையும் போர்க்களத்தில் அவரது துணிச்சலைப் பாராட்டி, விசிஷ்ட சேவை விபூஷண மற்றும் உத்தம சேவை பதக்கம் ஆகிய விருதுகளும் அவரது சிறப்புமிக்க மற்றும் விசுவாசமான சேவைக்காக வழங்கப்பட்டுள்ளன.

அவர் தனது இராணுவ வாழ்க்கையில் பல உள்நாட்டு மற்றும் வெளிநாட்டு பயிற்சிகளை நிறைவு செய்துள்ளார், இதில் அடிப்படை குறிப்பார்து சுடல் பாடநெறி, வெடிகுண்டுகளை அகற்றும் பாடநெறி, இராணுவ கட்டளை மற்றும் பணி நிலை பட்டபடிப்பு, சுரங்க நடவடிக்கை மேலாண்மை மற்றும் அடிப்படை கன்னி வெடி அகற்றல் பாடநெறி, இலங்கையில் இரசாயன, உயிரியல், கதிரியக்க மற்றும் அணுசக்தி முகாமை மற்றும் பங்காளதேஷ் இளம் அதிகாரிகளின் அடிப்படை பாடநெறி, பொறியியல் அதிகாரிகள் இந்தியா போர் பொறியியல் பயிற்றுனர்கள் படிப்பு, இந்தியா விமான பராமரிப்பு படிப்பு மற்றும் மங்கோலியாவில் ஐக்கிய நாடுகளின் அமைதி காக்கும் நடவடிக்கை பயிற்றுனர்கள் படிப்பு உள்ளிட்ட பட்ட படிப்புகளை பயின்றுள்ளார்.

சிரேஸ்ட அதிகாரி அமெரிக்க தேசிய பாதுகாப்பு பல்கலைக்கழகத்தில் சர்வதேச பாதுகாப்பு விவகார கல்லூரியில் சர்வதேச பாதுகாப்பு மற்றும் பயங்கரவாதத்தை எதிர்த்துப் போராடுவதில் டிப்ளோமா பெற்றுள்ளார். தேசிய பாதுகாப்பு பல்கலைக்கழகத்தில் மூலோபாய பாதுகாப்பு ஆய்வுகளில் முதுகலைப் பட்டம் பெற்றுள்ளதுடன் யுனைடெட் ஸ்டேட்ஸ் ஒப் அமெரிக்கா, களனிப் பல்கலைக்கழகத்தில் முதுகலை பாதுகாப்புக் கற்கைகளையும் பெற்றுள்ளார்.