ஓய்வுபெறும் நிறைவேற்று பணிப்பாளர் நாயகத்தின் சிறந்த சேவைக்கு இராணுவத் தளபதி பாராட்டு

இலங்கை இராணுவ நிறைவேற்று பணிப்பாளர் நாயகமும் இலங்கை இராணுவ மகளிர் படையணியின் படைத் தளபதியுமான மேஜர் ஜெனரல் சீஎஸ் முனசிங்க டபிள்யூடபிள்யூவீ ஆர்டபிள்யூபீ ஆர்எஸ்பீ யூஎஸ்பீ என்டிசீ பீஎஸ்சீ ஐஜி அவர்கள் இலங்கை இராணுவத்தில் இருந்து ஓய்வு பெறுவதற்கு முன்னர் இராணுவத் தளபதி லெப்டினன் ஜெனரல் விக்கும் லியனகே ஆர்டபிள்யூபீ ஆர்எஸ்பீ என்டியூ அவர்களை அவரது குடும்பத்தாருடன் 02 டிசம்பர் 2024 அன்று அலுவலகத்திற்கு அழைக்கப்பட்டார்.

இந்த சந்திப்பின் போது, பயங்கரவாதத்திற்கு எதிரான போரின் போதும், போருக்குப் பிந்தைய காலத்திலும், தனது பணிக்காலம் முழுவதும் பல்வேறு சவாலான பாத்திரங்களில் அவரது அசைக்க முடியாத அர்ப்பணிப்பு மற்றும் முன்மாதிரியான செயல்திறனுக்காக இராணுவத் தளபதி சிரேஷ்ட அதிகாரிக்கு பாராட்டுக்களை தெரிவித்தார். அவரது குடும்பத்தினர் அவருக்கு பனிக்காலம் முழுவதும் ஆற்றிய முக்கிய பங்கையும் இராணுவத் தளபதி பாராட்டினார்.

பதிலுக்கு, மேஜர் ஜெனரல் சீஎஸ் முனசிங்க டபிள்யூடபிள்யூவீ ஆர்டபிள்யூபீ ஆர்எஸ்பீ யூஎஸ்பீ என்டிசீ பீஎஸ்சீ ஐஜி அவர்கள் இராணுவத் தளபதி வழங்கிய உறுதியான வழிகாட்டலுக்கு நன்றியைத் தெரிவித்தார். கலந்துரையாடலின் முடிவில், இராணுவத் தளபதி ஓய்வுபெறும் சிரேஷ்ட அதிகாரிக்கு விசேட பாராட்டுச் சின்னமும் அவரது குடும்பத்தினருக்குப் பரிசுகளும் வழங்கினார்.

ஓய்வுபெறும் சிரேஷ்ட அதிகாரியின் சுருக்கமான விவரம் இங்கே

மேஜர் ஜெனரல் சீஎஸ் முனசிங்க டபிள்யூடபிள்யூவீ ஆர்டபிள்யூபீ ஆர்எஸ்பீ யூஎஸ்பீ என்டிசீ பீஎஸ்சீ ஐஜி அவர்கள் 1990 ஜனவரி 17 அன்று இராணுவ நிரந்தர படையணியின் பயிலிளவல் அதிகாரியாக இணைந்தார். தியத்தலாவ இலங்கை இராணுவ கல்வியற் கல்லூரியில் பாடநெறி 33 யில் அடிப்படை இராணுவப் பயிற்சியை வெற்றிகரமாக முடித்த அவர் இரண்டாம் லெப்டினன் நிலையில் பீரங்கி படையணியில் 1991 ஜூன் 15 நியமிக்கப்பட்டார். இராணுவத்தில் அவர் பணியாற்றிய காலத்தில் அடுத்தடுத்த நிலைகளுக்கு சீராக உயர்த்தப்பட்ட பின்னர், 2023 மே 18, அன்று மேஜர் ஜெனரலாக நிலை உயர்வு பெற்றார். சிரேஷ்ட அதிகாரி 2024 டிசம்பர் 07 தனது 55 வது வயதில் இலங்கை இராணுவத்தின் நிரந்தர படையில் இருந்து ஓய்வு பெறுகின்றார். அவர் ஓய்வுபெறும் போது, இராணுவத் தலைமையகத்தின் நிறைவேற்று பணிப்பாளர் நாயகம் மற்றும் இலங்கை இராணுவ மகளிர் படையணியின் படைத் தளபதி ஆகிய பதவிகளை வகிக்கின்றார்.

அவர் தனது பணிக்காலம் முழுவதும், 4 வது இலங்கை பீரங்கி களப் படையணி தலைமையகம் மற்றும் 4 வது இலங்கை பீரங்கி களப் படையணி 9 வது பெட்டரியின் குழு கட்டளையாளர், 4, 8, 9 மற்றும் 3 வது (தொ) கெமுனு ஹேவா படையணிகளின் குழு தலைவர், 4 வது இலங்கை பீரங்கி களப் படையணி 9 வது பெட்டரியின் படையினர் தளபதி, ஜனாதிபதியின் பாதுகாப்பு பிரிவின் கட்டளை அதிகாரி, 11 வது இலங்கை பீரங்கி படையணியின் 35 வது பெட்டரி தளபதி, 8 வது நடுத்தர பீரங்கி படையணி 23 வது பெட்டரி பெட்டரி தளபதி, 8 வது நடுத்தர பீரங்கி படையணி 82 வது பெட்டரியின் பெட்டரி தளபதி, இலங்கை இராணுவ கல்வியற் கல்லூரியின் அதிகாரி பயிற்றுவிப்பாளர், இலங்கை இராணுவ கல்வியற் கல்லூரியின் கன்னொருவ நிறுவனத்தின் அதிகாரி கட்டளை, 4 வது பெட்டரி பீரங்கி படையணி பெட்டரி தலைமையகத்தின் பெட்டரி தளபதி, இலங்கை இராணுவ கல்வியற் கல்லூரியின் அதிகாரிகள் ஆய்வு மையத்தின் பயிற்றுவிப்பாளர், 10 வது இலங்கை பீரங்கிப் படையணியின் இரண்டாம் கட்டளை அதிகாரி, வன்னி பாதுகாப்புப் படைத் தலைமையகத்தின் பொது பணிநிலை அதிகாரி 1 (செயல்பாடுகள்), பாதுகாப்பு சேவைகள் கட்டளை மற்றும் பதவிதாரிகள் கல்லூரியின் பொது பணிநிலை அதிகாரி 1, 9 வது களப் இலங்கை பீரங்கி படையின் கட்டளை அதிகாரி, ஹைட்டி ஐக்கிய நாட்டு அமைதி காக்கும் சபையின் பணிநிலை அதிகாரி, யாழ் பாதுகாப்புப் படைத் தலைமையகத்தின் பொது பணிநிலை அதிகாரி 1, 15 வது களப் இலங்கை பீரங்கி படையணியின் கட்டளை அதிகாரி, மத்திய பாதுகாப்புப் படைத் தலைமையகத்தின் கேணல் (பொதுப்பணி), 681 வது காலாட் பிரிகேட் தளபதி, 141 வது காலாட் பிரிகேடின் பதில் தளபதி, பீரங்கி பிரிகேட்டின் தளபதி, தேசிய பாதுகாப்பு கல்லூரியில் (இராணுவ) சிரேஷ்ட பயிற்றுவிப்பாளர், 12 வது காலாட் படைப்பிரிவின் தளபதி உள்ளிட்ட பல்வேறு நியமனங்களை வகித்துள்ளார்.

வீர விக்ரம விபூஷண என்ற விருதும், எதிரிகளை எதிர்த்துப் போராடியதற்காக ரண விக்கிரம பதக்கம், போர்க்களத்தின் வீரத்திற்காக ரண சூரப் பதக்கம், உத்தம சேவை பதக்கத்தையும் பெற்றுள்ளார்.

தனது இராணுவ வாழ்க்கை முழுவதும், சிரேஷ்ட அதிகாரி இளம் அதிகாரிகள் தயார்படுத்தும் பாடநெறி, படையலகு கட்டளை மற்றும் இராணுவ புலனாய்வுப் பாடநெறி, இராணுவ கட்டளை மற்றும் பணி நிலை பாடநெறி, இராணுவ கண்காணிப்பாளர் மற்றும் பணிநிலை அதிகாரிகள் பாடநெறி, சாத்தியமான பாதுகாப்பு இணைப்புப் பாடநெறி, தேசிய பாதுகாப்புப் பாடநெறி பாதுகாப்பு கல்லூரி பட்ட படிப்பு, படையணி சமிக்ஞை அதிகாரிகள் பாடநெறி (இந்தியா), பீரங்கி இளம் அதிகாரிகள் பாடநெறி (இந்தியா), இடைத் தொழில் பட்ட படிப்பு (பாகிஸ்தான்), பவர் மற்றும் பரா கிளைடிங் பாடநெறி (பாகிஸ்தான்), அதிகாரிகள் கன்னரி பணியாளர்கள் பாடநெறி (பாகிஸ்தான்), ஐக்கிய நாடுகளின் இராணுவ கண்காணிப்பாளர் பாடநெறி (நேபாளம்) மற்றும் பீரங்கி படையலகு கட்டளை பாடநெறி (சீனா) உள்ளிட்ட பல உள்நாட்டு மற்றும் வெளிநாட்டுப் பட்ட படிப்புகளை பயின்றுள்ளார்.

மேலும், சிரேஸ்ட அதிகாரி சீனா நான்ஜிங் பீரங்கி கல்வியற் கல்லூரியில் படையலகு கட்டளை பட்ட படிப்புகளில் தொழில்முறை டிப்ளோமா மற்றும் ஜெனரல் சேர் ஜோன் கொத்தலாவல பாதுகாப்பு பல்கலைக்கழகத்தில் தேசிய பாதுகாப்பு மற்றும் மூலோபாய ஆய்வுகளில் முதுகலைப் பட்டம் பெற்றுள்ளார்.