27th November 2024 21:12:44 Hours
பதில் பணிப்பாளர் நாயகம் பிரிகேடியர் (வைத்தியர்) டபிள்யூஎச்யூடி விஜேரத்ன அவர்கள் 23 நவம்பர் 2024 அன்று கிளிநொச்சி இராணுவ தள வைத்தியசாலைக்கு உத்தியோகபூர்வ விஜயம் மேற்கொண்டார். இவ் விஜயம் வைத்தியசாலையின் செயற்பாடுகளை மதிப்பிடுவதற்கும் அதன் ஒட்டுமொத்த செயற்பாடுகளை மீளாய்வு செய்வதற்கானதும் ஆகும்.
வருகை தந்த சிரேஷ்ட அதிகாரியின் வாகன தொடரணிக்கு மரியாதை வழங்கப்பட்டதை தொடர்ந்து மருத்துவமனையின் கட்டளை அதிகாரி மேஜர் (வைத்தியர்) சி. ஜயசிங்க அவர்களால் மரியாதையுடன் வரவேற்கப்பட்டார். மருத்துவமனையின் திறன்கள் மற்றும் சேவைகள் தொடர்பான விரிவான விளக்கத்தை கட்டளை அதிகாரி வழங்கினார், பின்னர் இராணுவத்தினர் மற்றும் அவர்களது குடும்பங்களுக்கு சுகாதார சேவையை வழங்குவதில் அதன் முக்கிய பங்கை எடுத்துக்காட்டினார்.
ஆய்வின் போது, பணிப்பாளர் வெளிநோயாளர் பிரிவு , அவசர சிகிச்சை பிரிவு, பல் பிரிவு, எக்ஸ்ரே பிரிவு, ஆய்வுக்கூடம் , வெளிப்புற மருந்தகம், மற்றும் வார்டு வளாகம் உட்பட பல முக்கிய பகுதிகளை பார்வையிட்டார். 45 படுக்கைகள் கொண்ட இந்த மருத்துவமனை, இராணுவத்தினர் மற்றும் அவர்களைச் சார்ந்தவர்களின் நலனை உறுதி செய்வதில் முக்கிய பங்கு வகிக்கின்றது.
வருகை தந்த சிரேஷ்ட அதிகாரி அதிகாரிகள் உணவகத்தில் மதிய உணவில் கலந்து கொண்டார். நிகழ்வின் நிறைவாக அதிதிகள் பதிவேட்டு புத்தகத்தில் பாராட்டுச் குறிப்புகளை பதிவிட்டார்.
சிரேஷ்ட அதிகாரி 24 நவம்பர் 2024 அன்று பலாலி இராணுவத் தள வைத்தியசாலைக்கும் விஜயம் செய்தார். விஜயத்தின் போது, தற்போதுள்ள சுகாதார வசதிகளை மீளாய்வு செய்தார், வைத்தியசாலையின் ஒட்டுமொத்த செயற்பாடுகளை மதிப்பீடு செய்தார் அவர், சுகாதாரப் பணியாளர்களிடம் உரையாற்றியதுடன், மருத்துவ உட்கட்டமைப்பை மேம்படுத்துவதன் முக்கியத்துவத்தையும், தரமான சேவையை திறமையாக வழங்க போதுமான சுகாதாரப் பணியாளர்களை உறுதி செய்வதையும் வலியுறுத்தினார்.
இந்நிகழ்வில் சிரேஷ்ட அதிகாரிகள், அதிகாரிகள் மற்றும் சிப்பாய்கள் கலந்துகொண்டனர்.
