07th March 2024 18:15:20 Hours
7வது பாகிஸ்தான் இராணுவ குழுச் செயற்பாடு - 2024 போட்டியில் வரலாற்றுச் சிறப்புமிக்க தங்கப் பதக்கத்தை வென்ற இலங்கை இராணுவ குழு இராணுவத் தளபதி லெப்டினன் ஜெனரல் விக்கும் லியனகே ஆர்டிபிள்யூபீ ஆர்எஸ்பீ என்டியூ அவர்களை வியாழக்கிழமை (மார்ச் 07) சந்தித்தது. இதன் போது 3 அதிகாரிகள் மற்றும் 8 சிப்பாய்கள அடங்கிய குழுவினர், தங்களது வெற்றிச் சின்னமான தங்கப் பதக்கத்தை இராணுவ தளபதியிடம் இருந்து பெருமையுடன் பெற்றுக்கொண்டனர்.
அவர்களின் சிறப்பான செயற்பாட்டைப் பாராட்டிய இராணுவத் தளபதி, அணியின் ஒவ்வொருவருக்கும் பாராட்டுச் சின்னத்தை வழங்கினார். இந்த மதிப்புமிக்க மரியாதை அவர்களின் சிறந்த பங்களிப்பையும் அர்ப்பணிப்பையும் குறிக்கிறது. இராணுவத் தளபதி இந்த வெற்றியில் ஒரு முக்கிய பங்கைக் கொண்டிருந்தார், தேவையான வழிகாட்டுதல்களையும் அறிவுறுத்தல்களையும் வழங்குவதன் மூலம், சர்வதேச சகாக்களுடன் போட்டியிடக்கூடிய ஒரு சக்தியாக அணியை உருவாக்கினார். அவரது தொலைநோக்கு பார்வை, தலைமைத்துவம் மற்றும் அசைக்க முடியாத ஆதரவு ஆகியவை குழுவின் முழு திறனை அடையவும் இந்த குறிப்பிடத்தக்க சாதனையை அடையவும் அதிகாரம் அளித்துள்ளன என்பது குறிப்பிடதக்கதாகும்.
காலாட் பணிப்பகத்தின் பணிப்பாளர் நாயகம் மேஜர் ஜெனரல் கேபீஎஸ்ஏ பெர்னாண்டோ ஆர்டபிள்யூபீ ஆர்எஸ்பீ என்டியூ அவர்களின் வழிகாட்டுதலின் கீழ் காலாட் பயிற்சி நிலையத்தின் தளபதி மேஜர் ஜெனரல் டபிள்யூபிஜேகே விமலரத்ன ஆர்டபிள்யூபீ ஆர்எஸ்பீ அவர்களின் உன்னிப்பான மேற்பார்வையில் சர்வதேச சவாலில் இறங்குவதற்கு முன் படையினர் இலங்கை மின்னேரியா காலாட் பயிற்சி நிலையத்தில் ஒரு மாத கால தீவிர பயிற்சியினை மேற்கொண்டனர். இப் பயிற்சியானது போட்டியில் சிறந்து விளங்குவதற்குத் தேவையான திறன்களையும் தயார்நிலை படுத்துவதற்கும் மிகவும் உதவியாக காணப்பட்டது.
கடந்த போட்டிகளில் 04 வெள்ளி மற்றும் 01 வெண்கலப் பதக்கங்களை மாத்திரமே பெற்றிருந்த இலங்கை அணியின் வெற்றி ஒரு குறிப்பிடத்தக்கதாகும். இவ் வருடம் அமெரிக்கா, தாய்லாந்து, கத்தார், சவுதி அரேபியா, மொராக்கோ, துருக்கி, பஹ்ரைன் மற்றும் ஜோர்டான் உள்ளிட்ட 12 நாடுகளைச் சேர்ந்த 22 அணிகள் பங்கேற்ற இந்தப் போட்டி, 2024 பெப்ரவரி 25 முதல் 27 வரை பாகிஸ்தான் தேசிய பயங்கரவாத எதிர்ப்பு நிலையத்தில் நடைபெற்றது.
பாகிஸ்தான் இராணுவ குழுச் செயற்பாடு போட்டியானது அதன் பணி மற்றும் பணி சார்ந்த பயிற்சிகளுக்குப் புகழ்பெற்றது, இது உடல் தகுதி மற்றும் சிப்பாய் பண்புகளின் மிக உயர்ந்த தரங்களைக் கோருகிறது. தந்திரோபாய மற்றும் மன திறன்களை மதிப்பிடுவதற்கும் மேம்படுத்துவதற்கும் சவாலான ரோந்துப் பயிற்சியை வழங்குவதை இது நோக்கமாகக் கொண்டுள்ளது. நட்பு நாடுகளுடன் அனுபவங்களைப் பகிர்ந்து கொள்வதற்கான போட்டியானது 2016 இல் சர்வதேச தளமாக மாற்றப்பட்டது. 2016 முதல் 2023 ஆம் ஆண்டு தவிர்த்து இராணுவ வீரர்கள் போட்டியில் கலந்து கொண்டனர்.
போட்டியின் சாராம்சம் விடாமுயற்சியில் உள்ளது, குழு உணர்வின் மூலம் பாராட்டப்பட்டது, ஏனெனில் பங்கேற்கும் அணிகள் தொடர்ச்சியான தந்திரோபாய காட்சிகள் மற்றும் அவர்களின் தந்திரோபாய மற்றும் மன திறன்களை மேம்படுத்துவதை நோக்கமாகக் கொண்ட சோதனைகளுக்கு உட்படுகின்றனர். இந்த பணியானது பயங்கரவாத ஆதிக்க நிலப்பரப்பில் ஊடுருவி, 50-60 கிலோமீட்டர் தூரத்தை கடக்கும் மற்றும் 14-16 தந்திரோபாய காட்சிகளை எதிர்கொள்ளும் உளவு ரோந்து பணியை உள்ளடக்கியது. பயங்கரவாத இடங்கள்/பயிற்சி முகாம்களின் நெருங்கிய இலக்கு கண்காணிப்பை மேற்கொள்வதும், கண்டறியப்படாத நிலையில் அதிகபட்ச சாத்தியமான தகவல்களைப் பிரித்தெடுப்பதும் இறுதி நோக்கமாகும்.
பின்வரும் நபர்களின் அசைக்க முடியாத அர்ப்பணிப்பு மற்றும் விதிவிலக்கான திறன்கள் தங்கப் பதக்கங்களை நாட்டிற்கு கொண்டு வந்தன:
விஜயபாகு காலாட் படையணியின் மேஜர் ஏடி எதிரிசூரிய பீஎஸ்சீ
இலங்கை சிங்கப் படையணியின் லெப்டினன் எம்டி வீரக்கொடி
விஜயபாகு காலாட் படையணியின் லெப்டினன் ஆர்வீபீடி ராஜபக்ஷ
கொமுனு ஹேவா படையணியின் சார்ஜன் என்டி கசுன்
விஜயபாகு காலாட் படையணியின் சார்ஜன் ஏபிஎஸ்பி ஹேரத்
இலங்கை சிங்க படையணியின் கோப்ரல் ஏடிஎம்ஏ பண்டார
இலங்கை காலாட் படையணியின் லான்ஸ் கோப்ரல் ஜிஜிஎஸ் திசாநாயக்க
விஜயபாகு காலாட் படையணியின் சிப்பாய் பீடபிள்யூகேடி லக்மால்
இலங்கை காலாட் படையணியின் சிப்பாய் ஈஜீபீபீகே எகொடவெல
விஜயபாகு காலாட் படையணியின் சிப்பாய் எம்ஏபீஎஸ் மதுசங்க
விஜயபாகு காலாட் படையணியின் சிப்பாய் டபிள்யூஎம்என்எச் குமார
