27th November 2022 05:39:32 Hours
கமாண்டோ படையணியின் 50 எ,பி,சி,டி,ஈ மற்றும் எப் தொகுதிகளில் மொத்தம் 06 அதிகாரிகள் மற்றும் 366 சிப்பாய்கள் இறுதியாக குடாஓயா கமாண்டோ படையணியின் பயிற்சிப் பாடசாலையில் 18 மாதங்கள் தொடர்ந்து கடுமையான பயிற்சியைப் பெற்றனர். மேலும் அவர்களின் விடுகை அணிநடை சனிக்கிழமை (26) இடம்பெற்றது. தேசத்திற்கு ஏற்பட்டுள்ள முன்னெப்போதும் இல்லாத அச்சுறுத்தல்கள் மற்றும் சவால்களை எதிர்கொள்ளத் தயாராக இருக்கும் கமாண்டோ படையணியின் விடுகை அணிநடைக்கு பிரதம அதிதியாக இராணுவத் தளபதி லெப்டினன் ஜெனரல் விக்கும் லியனகே அவர்கள் கலந்துகொண்டார்.
அன்றைய பிரதம அதிதியை நுழைவாயிலில் கொமாண்டோ படையணியின் படைத் தளபதி மேஜர் ஜெனரல் ஏகேஜிகேயு ஞானரத்ன என்டிசி பீஎஸ்சி , கொமாண்டோ படையணி நிலையத் தளபதி பிரிகேடியர் பீஎஸ்ஜேடி சமரசேகர ஆர்எஸ்பீ யுஎஸ்பீ பீஎஸ்சீ ஆகியோர் தளபதியை வரவேற்றதுடன் கொமாண்டோ படையணியின் படையினரால் தளபதிக்கு பாதுகாப்பு அறிக்கையிடல் மரியாதையிம் வழங்கப்பட்டது.
பின்னர், அணிவகுப்புத் தளபதியினால் பிரதம அதிதி அழைக்கப்பட்டு அன்றைய அணிவகுப்பை மீளாய்வு செய்து புதிய விடுகை பெறும் படையினர் வழங்கிய மரியாதையை பெற்றுக் கொண்டார். அதன்பிறகு, கமாண்டோக்களின் பெற்றோர் மற்றும் உறவினர்கள் அந்த துணிச்சலான மகன்களுக்கு மதிப்புமிக்க கமாண்டோ சின்னத்தை அணிவிக்க அழைக்கப்பட்டனர், இப்போது அனைவரும் கமாண்டோக்களின் போற்றப்படும் குடும்பத்துடன் இணைந்து 'நத்திங் இம்பாசிபிள்' (முடியாதது எதுவுமில்லை ) என்பதை அவர்களின் குறிக்கோளாகக் கூறுகின்றனர்.
அன்றைய நிகழ்வின் உச்ச கட்டமாக விடுகை பெறும் படையினர்களுக்கு பிரத்தியேகமாக பொருந்திய 'மெரூன் பெரட்ஸ்' விருதை இராணுவத் தளபதி லெப்டினன் ஜெனரல் விக்கும் லியனகே, படையணியின் படைத் தளபதி மேஜர் ஜெனரல் ஏ.கே.ஜி.கே.யு ஞானரத்ன என்.டி.சி பி.எஸ்.சி, கொமாண்டோ பிரிகேட் தளபதி வி.சி.ஆர்.எம்.என்.டி. ஹெட்டியாராச்சி ஆர்டபிள்யுபீ ஆர்எஸ்பீ, கொமாண்டோ படையணியின் நிலையத் தளபதி, பிரிகேடியர் பீஎம்எஸ்கேகே தர்மவர்தன ஆர்டபிள்யுபீ ஆர்எஸ்பீ யுஎஸ்பீ ஆகியோரால் வழங்கி வைக்கப்பட்டது.
'மரூன் பெரெட்ஸ்' என்பது, அதை அணிந்திருக்கும் சிப்பாய் ஒரு உயரடுக்கு மூலோபாயப் படையணியை சேர்ந்தவர் என்பதைக் குறிக்கிறது, இது தனித்துவமான மற்றும் ஒப்பிடமுடியாத போர் திறன்களைக் கொண்டுள்ளது.
அடுத்ததாக 18 மாத கால கமாண்டோ பயிற்சி வகுப்பில் சிறந்து விளங்கியவர்களுக்கு பரிசுக் கிண்ணங்கள் மற்றும் சான்றிதழ்கள் வழங்கப்பட்டன. இதன்படி, பாடநெறியின் சிறந்த கமாண்டோவுக்கான விருது இரண்டாம் லெப்டினன் எம்.எஸ்.இசுரங்கவுக்கும், சிறந்த உடற்தகுதிக்கான விருதும், சிறந்த துப்பாக்கி சுடும் வீரர் விருதும் முறையே சிப்பாய் எம்.ஐ. கருணாநாயக்க மற்றும் சிப்பாய் எச்.எம்.எல்.எஸ் குமார ஆகியோருக்கு வழங்கப்பட்டது.
இதன்போது அனைவருக்கும் உரையாற்றிய இராணுவத் தளபதி விடுகைப் பெறும் படையினருக்கு வாழ்த்துக்களை தெரிவித்ததோடு,பயிற்சியின் மூலம் அவர்கள் பெற்ற திறமைகள் மற்றும் குணங்களைப் பேணுவதன் முக்கியத்துவத்தை அவர் வலியுறுத்தினார். மேலும், நாட்டின் இறையாண்மை மற்றும் பிராந்திய ஒருமைப்பாட்டையும், அரசியலமைப்பு மற்றும் ஜனநாயக செயல்முறை".பாதுகாக்கவும் நீங்கள் அனைவரும் தயாராக இருக்க வேண்டும் என்றும் புதிய கமாண்டோக்களின் பெற்றோர் மற்றும் பயிற்றுவிப்பாளர்களுக்கு இராணுவத் தனது நன்றிகளைத் தெரிவித்தார்.
அன்றைய நிகழ்வுக்கு நினைவுகளைச் சேர்த்து, அனைத்து விடுகை படையினர்கள் பிரதம விருந்தினர், சிரேஷ்ட அதிகாரிகள் மற்றும் பயிற்றுவிப்பாளர்களுடன் குழுப்படம் எமுக்கும் நிகழ்வில் கலந்து கொண்டார்.
அன்றைய திகைப்பூட்டும் காட்சியானது, கொமாண்டோ படையணியின் பயிற்சி மைதானத்தில் அரங்கேறியது, பார்வையாளர்கள் அந்த கமாண்டோ படையினர்களின் துணிச்சலான திறன்களைக் காணும் வகையில், தொடர்ச்சியான உருவகப்படுத்தப்பட்ட ஸ்னைப்பர் ஷூட்கள், பணயக்கைதிகள் மீட்பு மற்றும் பயங்கரவாத எதிர்ப்பு ஆர்ப்பாட்டங்கள், கே 9 (போர் நாய்கள்) - கையாளும் காட்சிகள். பாராசூட்டுடன் குதிக்கும் காட்சி என்பவற்றுடன், அன்றைய நிகழ்ச்சிகள் உற்சாகத்துடன் நிறைவுபெற்றன.
மத்திய பாதுகாப்பு படைத் தலைமையக தளபதி மேஜர் ஜெனரல் டபிள்யூ.ஆர்.எம்.எம்.ரத்நாயக்க ஆர்டபிள்யுபீ ஆர்எஸ்பீ யுஎஸ்பீ என்டியு, இலங்கை இராணுவ கல்வியற் கல்லூரி தளபதி மேஜர் ஜெனரல் டபிள்யூ டபிள்யூ எச்ஆர்ஆர்விஎம்என்டிகேபி நியங்கொட ஆர்டபிள்யூபி ஆர்எஸ்பீ யுஎஸ்பீ என்டியு பீஎஸ்சி, 12 வது படைப்பிரிவின் தளபதி மேஜர் ஜெனரல் ஜிஎம்என் பேராரா ஆர்டபிள்யூபி ஆர்எஸ்பி யுஎஸ்பி, 53 வது படைப்பிரிவின் தளபதி மேஜர் ஜெனரல் பிஜிபிஎஸ் ரத்நாயக்க ஆர்டபிள்யூபீ ஆர்எஸ்பீ என்டிசி, சிரேஷ்ட அதிகாரிகள், அதிகாரிகள், சிப்பாய்கள், பெற்றோர்கள் மற்றும் பயிற்சியாளர்கள் ஆகியோர் அன்றைய அணிவகுப்பில் கலந்து கொண்டனர்.
